Cangrexo ermitán vermello
Cangrexo ermitán vermello Dardanus arrosor | |||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||
Clasificación científica | |||||||||||||||||||||||
| |||||||||||||||||||||||
Nome binomial | |||||||||||||||||||||||
Dardanus arrosor (Herbst, 1796) | |||||||||||||||||||||||
Sinonimia | |||||||||||||||||||||||
|
O cangrexo ermitán vermello,[1] é unha especie de crustáceo decápodo da infraorde dos anomuros, superfamilia dos paguroideos e familia dos dioxénidos.
Como outros cangrexos ermitáns, o seu abdome non está calcificado, polo que usa cunchas de caracol como casas portátiles.
Aínda que é unha especie comestíbel, é moi pouco frecuente nas lonxas, estando totalmente ausente nos mercados.[2]
Taxonomía
[editar | editar a fonte]A especie foi descrita en 1796 polo naturalista alemán Johann Friedrich Wilhelm Herbst.[3]
Ao longo do tempo foi denominado polos seguintes sinónimos:[3]
- Aniculus chiltoni Thompson, 1930
- Cancer arrosor Herbst, 1796 (basónimo)
- Dardanus arrosor divergens Zariquiey, 1952 (subespecie considerada inxustificada)
- Eupagurus striatus Cuenot, 1892
- Pagurus arrosor (Herbst, 1796)
- Pagurus incisus Olivier, 1812
- Pagurus striatus Latreille, 1802
- Pagurus strigosus Bosc, 1802
- Petrochirus arrosor (Herbst, 1796)
Características
[editar | editar a fonte]As principais características do cangrexo ermitán vermello son:[2]
- Lonxitude de até 6 cm.
- Casca branda e abdome espido.
- Agocha o abdome en cunchas baleiras e caracois e cornos mariños como, por exemplo, Charonia lampas e Galeodea rugosa.
- Pinzas desiguais, a esquerda máis grande, con cristas transversais e pelos.
- Coloración vermella viva.
Distribución e hábitat
[editar | editar a fonte]A especie vive en practicamente en augas temperadas e cálidas de case todos o mares e océanos do mundo, encontrándose sobre todo no Atlántico oriental, desde o sur da Gran Bretaña até Suráfrica, nas illas Azores, Canarias, Madeira e Cabo Verde e o mar Mediterráneo, no Índico, no Pacífico (China, Xapón, Australia e Nova Zelandia) e en Centroamérica, en ambos os océanos, achándose desde os montes submarinos até as praias e as pozas da zona intermareal.[3][4][5]
É característica a asociación simbiótica entre a anemone Calliactis parasitica e o cangrexo ermitán vermello. A diferenza do cangrexo ermitán propiamente dito, Pagurus bernhardus, o vermello pode mostrar un patrón de comportamento activo que axuda á transferencia de Calliactis á cuncha na que vive. Extensos ensaios mostraron, porén, unha marcada tendencia destes cangrexos, que se dividen en dous grupos: os 'artistas', que mostran adoito este comportamento, e os 'non-artistas', que case nunca amosan esta actividade. A maioría dos 'artistas' son femias, mentres que os máis dos machos son 'non-artistas'. Calliactis transfírese con frecuencia a cunchas ocupadas por Dardanus sen axuda do cangrexo. Observacións sobre estes casos e experimentos con cunchas demostran que para a transferencia exitosa é necesaria a cooperación da anemone.[6]
Notas
[editar | editar a fonte]- ↑ Lahuerta, F. e Vázquez. F. X. (2000), p. 241.
- ↑ 2,0 2,1 Dardanus arrosor (Herbst, 1796) Arquivado 26 de agosto de 2014 en Wayback Machine. en ICTIOTERM (en castelán).
- ↑ 3,0 3,1 3,2 Dardanus arrosor (Herbst, 1796) no WoRMS.
- ↑ Dardanus arrosor (Herbst, 1796) en GBIF Backbone Taxonomy. Ver mapa de distribución.
- ↑ Dardanus arrosor Arquivado 26 de febreiro de 2014 en Wayback Machine. en Encyclopedia of Life.
- ↑ Ross, D. M. & L. Sutton (1961): "The Association between the Hermit Crab Dardanus arrosor (Herbst) and the Sea Anemone Calliactis parasitica (Couch)". Proc. R. Soc. Lond. B 155 (959): 282-291. Ver resumo.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Cangrexo ermitán vermello |
![]() |
Wikispecies posúe unha páxina sobre: Cangrexo ermitán vermello |
Bibliografía
[editar | editar a fonte]- Lahuerta, F. e Vázquez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
- Türkay, M. (2001): "Decapoda" en: Costello, M. J. et al. eds. (2001): European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50: 284-292. ISBN 2-85653-538-0.
- McLaughlin, P. A.; Lemaitre, R. & Sorhannus, U. (2007): "Hermit crab phylogeny: a reappraisal and its “fall-out”". Journal of Crustacean Biology, 27 (1): 97-115. Resumo
Outros artigos
[editar | editar a fonte]Ligazóns externas
[editar | editar a fonte]- Dardanus arrosor Arquivado 26 de febreiro de 2014 en Wayback Machine. en Encyclopedia of Life (en inglés). Numerossas informacións, fotografías e mapas de distribución. Consultada o 26 de agosto de 2014.
- Dardanus arrosor en Waste Magazine (en castelán) Información, fotos e videos. Consultada o 26 de agosto de 2014.