Alfredo García Ramos

Alfredo García Ramos

Biografía
Nacemento	7 de febreiro de 1877 Cumeiro, España
Morte	21 de agosto de 1934 (57 anos) Caldas de Reis, España
Deputado nas Cortes republicanas
Representa: Partido Agrario Español 30 de novembro de 1933 – 21 de agosto de 1934 Lexislatura: II lexislatura da Segunda República Española Circunscrición electoral: Pontevedra
Actividade
Lugar de traballo	Madrid
Ocupación	xornalista, xurista, avogado, político, escritor, autor
Membro de	Real Academia Galega (membro correspondente)
Familia
Irmáns	José García Ramos
Descrito pola fonte	Enciclopedia Galega Universal Gran Enciclopedia Galega Silverio Cañada Diccionario bio-bibliográfico de escritores

Alfredo García Ramos, nado en Cumeiro (Vila de Cruces) o 7 de febreiro de 1877 e finado en Caldas de Reis o 21 de agosto de 1934, foi un xornalista, escritor e xurista galego.

Traxectoria

Fillo do médico Manuel García Segond e irmán do tamén deputado na Segunda República José García Ramos, Alfredo licenciouse en Dereito na Universidade de Santiago de Compostela en 1897. Exerceu como avogado en Arzúa e abriu bufete na Coruña en 1899. Colaborou en El Eco de Santiago, Gaceta de Galicia, El Noroeste, La Voz de Galicia, El Látigo, Luz y Sombra, Galicia en Madrid e Galicia da Habana; foi redactor de Diario de La Coruña, do que cheou a ser director. Empezou a súa carreira como fiscal de Santiago de Compostela e logo pasou a ser Xuíz municipal da Coruña en 1903. Foi Secretario da Audiencia da Coruña, Secretario de Goberno e Vicepresidente do Tribunal Supremo e primeiro director do xornal coruñés El Ideal Gallego. Alfredo García Ramos é autor de diferentes tratados xurídicos e económicos centrados principalmente en Galícia. En 1933 presentouse ás eleccións ás Cortes da República como independente por Pontevedra gañando o seu escano e integrándose na coalición Independientes de Derechas, que tiña como portavoz a Abilio Calderón. Gran amigo do xornalista e escritor Alejandro Pérez Lugín, á morte deste, García Ramos foi responsable da reorganización e finalización da novela Arminda Moscoso.

Obras

• Estilos consuetudinarios y prácticas económico-familiares y marítimas de Galicia, 1909.
• Arqueología jurídico-consuetudinaria-económica de la región gallega, 1912.
• El regionalismo gallego en su aspecto confesional, monárquico y unitario, 1918.

Galería de imaxes

• 
  Alfredo García Ramos (1919).
• 
  Leonardo Rodríguez e Alfredo García Ramos en Chantada, 1920.
• 
  Retrato en Vida Gallega, 1933.

Véxase tamén

Bibliografía

• "García Ramos, Alfredo". Dicionario biográfico de Galicia 2. Ir Indo Edicións. 2010-2011. p. 148. 
• "García Ramos, Alfredo". Enciclopedia Galega Universal. Ir Indo. 1999-2002. ISBN 84-7680-288-9. 
• Cardesín Díaz, José María (1993). "Entre el regionalismo jurídico y el catolicismo social: el Derecho Consuetudinario en Alfredo García Ramos (1908-1910)". Galícia e a Historiografía. Santiago de Compostela: Tórculo. pp. 211–242. ISBN 84-86728-95-9. 
• Couceiro Freijomil, Antonio (1951-53). Diccionario bio-bibliográfico de escritores (en castelán) II. Bibliófilos Gallegos. p. 144. 
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 591. ISBN 84-7492-465-0. 
• Lago García, Xosé (1991). O pensamento de Alfredo García Ramos. Santiago de Compostela: Xunta de Galicia. ISBN 84-453-0188-8. 
• Vilanova, Alberto (2005). "García Ramos, Alfredo". Gran Enciclopedia Galega Silverio Cañada (DVD). El Progreso. ISBN 84-87804-88-8.