Gaceta de Galicia

Gaceta de Galicia
	Instancia de xornal
	Instancia de xornal
Características
	Lingua lingua castelá
Datas
	Fundación / creación 1 de xaneiro de 1879
	Disolución / destrución 30 de novembro de 1918
Historia
	Precedido por El Diario de Santiago (6 de xullo de 1873 - )
	Sucedido por El Noticiero Gallego (1918 - )
Localización
	Sede Santiago de Compostela
	Lugar de publicación Santiago de Compostela
Fontes e ligazóns
	Wikidata C:Commons

Para outras páxinas con títulos homónimos véxase: Gaceta de Galicia (homónimos).

Gaceta de Galicia foi un xornal que se editou en Santiago de Compostela entre 1879 e 1918.^[1]

Historia e características

Apareceu o 1 de xaneiro de 1879, como continuación de El Diario de Santiago,^[1]^[2] con Manuel Bibiano Fernández como propietario e primeiro director. Foi un periódico de orientación política liberal vinculado a Eugenio Montero Ríos,^[1] polo que foi cualificado de "monterista". En 1887 dirixiuno Joaquín Arias Sanjurjo e ao ano seguinte Manuel Álvarez Uzal. Foi o seu redactor xefe Eusebio Alonso Vieites. Dende o 30 de decembro de 1892 exerceu como director Antonio Fernández Tafall. Cesou a súa publicación en outubro de 1915 pero reapareceu de inmediato, o 1 de febreiro de 1916, refundido con Voz del Pueblo e con Ramón Rivera Torres como propietario e director. En novembro de 1917 pasa a dirixilo o avogado Francisco Vázquez Enríquez, e comezan as colaboracións de Valentín Paz-Andrade. O 30 de novembro de 1918 desaparece definitivamente. Foi substituído por El Noticiero Gallego.