Gaceta de Galicia

Na Galipedia, a Wikipedia en galego.
Gaceta de Galicia
Gaceta de Galicia n 1860 16 07 1885 Rosalía Castro en la agonía.pdf
Exemplar do 16 de xullo de 1885.
Fundación 1 de xaneiro de 1879
Remata 30 de novembro de 1918
Propietario Manuel Bibiano Fernández
Director Manuel Bibiano Fernández
Joaquín Arias Sanjurjo
Manuel Álvarez Uzal
Antonio Fernández Tafall
Colaboradores Valentín Paz-Andrade
Tendencia monterista
Localidade Santiago de Compostela
Periodicidade diario
Predecesor El Diario de Santiago
Sucesor El Noticiero Gallego

Gaceta de Galicia foi un xornal que se editou en Santiago de Compostela entre 1879 e 1918.[1]

Historia e características[editar | editar a fonte]

Redacción en 1904: Dámaso Carrero, José Caramelo, Antonio Fernández Tafall e Constantino Martínez Soto.

Apareceu o 1 de xaneiro de 1879, como continuación de El Diario de Santiago,[1][2] con Manuel Bibiano Fernández como propietario e primeiro director. Foi un periódico de orientación política liberal vinculado a Eugenio Montero Ríos,[1] polo que foi cualificado de "monterista". En 1887 dirixiuno Joaquín Arias Sanjurjo e ao ano seguinte Manuel Álvarez Uzal. Foi o seu redactor xefe Eusebio Alonso Vieites. Dende o 30 de decembro de 1892 exerceu como director Antonio Fernández Tafall. Cesou a súa publicación en outubro de 1915 pero reapareceu de inmediato, o 1 de febreiro de 1916, refundido con Voz del Pueblo e con Ramón Rivera Torres como propietario e director. En novembro de 1917 pasa a dirixilo o avogado Francisco Vázquez Enríquez, e comezan as colaboracións de Valentín Paz-Andrade. O 30 de novembro de 1918 desaparece definitivamente. Foi substituído por El Noticiero Gallego.

Notas[editar | editar a fonte]

  1. 1,0 1,1 1,2 Villares, R. (2003). "A cidade dos dous apóstolos (1875-1936)". Historia da cidade de Santiago de Compostela. USC. pp. 465–542. ISBN 84-9750-140-3. 
  2. Durán, J. A. (2005). "Gaceta de Galicia". GEG (DVD). El Progreso. ISBN 84-87804-88-8. 

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]