Abesouro

Abesouro coa corbícula chea de pole.

Os abesouros ou abellóns son insectos himenópteros que pertencen ao xénero Bombus da familia Apidae. Teñen un aspecto peludo e unha cor semellante á das abellas para alertar ao depredadores da súa perigosidade. Os abesouros teñen tamén ferrón mais non o acostuman utilizar. Son insectos sociais, mais as súas colonias non adoitan ser numerosas, moito menos ca as das abellas 8arredor de 50 individuos) e aínda que fan mel, non a acumulan en tanta cantidade, xa que só a femia, que será a fundadora dunha nova colonia pola primavera, chega a pasar o inverno. Son moi bos polinizadores de toda clase de plantas bravas e cultivadas. Deste xeito utilízanse, por exemplo, para polinizar tomates nos invernadoiros. Poden voar con temperaturas máis baixas cás abellas e incluso a poallar, xa que teñen un mecanismo especial de control de temperatura do corpo. Moitas especies de Bombus están en perigo de desaparecer e con elas, as plantas que polinizan.

§Especies

Abesouro a recoller pole dun mirasol.

Raíña de abesouro de xardín.

• Bombus hortorum
• Bombus ruderatus
• Bombus cullumanus
• Bombus subterraneus
• Bombus distinguendus
• Bombus sylvarum
• Bombus terrestris
• Bombus affinis
• Bombus bimaculatus
• Bombus borealis
• Bombus griseocollis
• Bombus fervidus
• Bombus flavifrons
• Bombus impatiens
• Bombus insularis
• Bombus lucorum
• Bombus lapidarius
• Bombus monticola
• Bombus pascuorum
• Bombus pensylvanicus
• Bombus perplexus
• Bombus polaris
• Bombus pratorum
• Bombus rufocinctus
• Bombus ternarius
• Bombus sylvicola
• Bombus vagans
• Bombus occidentalis
• Bombus appositus
• Bombus bifarius
• Bombus kirbyellis
• Bombus fridgidus