Global Biodiversity Information Facility

Global Biodiversity Information Facility
	Instancia de organización internacional; base de datos en liña; base de datos biolóxicos; base de datos taxonómica; repositorio de datos; organización sen ánimo de lucro; infraestrutura de investigación; Banco de dados de espécies globais (pt)
	Tema principal bioloxía; Informática para a biodiversidade (pt)
Persoas e organizacións
	Operador/a GBIF Secretariat (en)
	Membro de DataCite; Biodiversity Information Standards
	Entidades subsidiarias GBIF Norway (en) ; Finnish Biodiversity Information Facility (en)
Actividade
	Campo de traballo Informática para a biodiversidade (pt) ; Biodiversidade
Datas e cronoloxía
	Fundación 2001
Localización
	País Dinamarca
	País Dinamarca
Fontes e ligazóns
	Páxina WEB gbif.org
	Descrito pola fonte The varying openness of digital open science tools (en) ;
	Redes
	Wikidata C:Commons

A Global Biodiversity Information Facility (GBIF) é unha organización internacional que trata de que os datos científicos sobre biodiversidade estean dispoñíbeis en Internet usando servizos web. Os datos son proporcionados por moitas institucións de todo o mundo, e a estrutura da información da GBIF fai que estes datos sexan accesíbeis e permite buscas nun único portal. Os datos dispoñíbeis a través do portal da GBIF son principalmente datos de distribución de plantas, animais, fungos e microorganismos, e datos de nomes científicos.

A misión da GBIF é facilitar o acceso libre e aberto aos datos de biodiversidade do mundo para propiciar un desenvolvemento sustentábel. As prioridades, cunha énfase en promover a participación e traballar con socios, inclúen mobilizar datos sobre biodiversidade, desenvolver protocolos e estándares para asegurar a integridade científica e a interoperabilidade, construír unha arquitectura informática que permita a interconexión de distintos tipos de datos provenientes de fontes dispares, promover a construción de capacidades e catalizar o desenvolvemento de ferramentas analíticas para unha mellor toma de decisións.

A GBIF trata de formar ligazóns informáticas entre recursos de datos dixitais de todo o espectro da organización biolóxica (de xenes a ecosistemas), e conectar estes con problemas importantes para a ciencia, a sociedade e a sostibilidade usando xeoreferenciación e ferramentas de información xeográfica. Traballa en asociación con outras organizacións internacionais como a asociación do Catálogo da Vida, Biodiversity Information Standards (TDWG), Consortium for the Barcode of Life (CBOL), a Encyclopedia of Life (EOL) e GEOSS.

Véxase tamén

Ligazóns externas