Jeff Adrien
 |
|
| Charlotte Bobcats – No. 4 | |
| Aleiro / Ala-pivote | |
| Información persoal | |
|---|---|
| Nacemento | 10 de febreiro de 1986 (27 anos) Naples, Florida |
| Nacionalidade |  Estados Unidos |
| Altura | 2,01 m (6 ft 7 in) |
| Peso | 106 kg (233 lb) |
| Instituto | Brookline HS (Brookline, Massachusetts) Brewster Academy (Wolfeboro, New Hampshire) |
| Información da carreira | |
| Universidade | Connecticut (2005–2009) |
| Pre-draft club | Club Baloncesto Breogán |
| Carreira | dende 2009 |
| Historial de equipos | |
UConn Huskies (2005-2009) Breogán Lugo (2009-2010) Golden State Warriors (2010) Erie BayHawks (2010) Rio Grande Valley Vipers (2010) Golden State Warriors (2010-2011) Benetton Treviso (2011) Houston Rockets (2011-2012) BC Khimki (2012) Rio Grande Valley Vipers (2012) Charlotte Bobcats (2012-presente) |
|
Jeff Adrien, nado o 10 de febreiro de 1986 en Naples, Florida, é un xogador profesional de baloncesto estadounidense, que xoga actualmente nos Charlotte Bobcats da National Basketball Association (NBA). Xogou en Galicia para o Club Baloncesto Breogán na Liga LEB, procedente da Universidade de Connecticut, onde era o capitán do equipo.
Despois dunha tempada en Lugo[1] foi invitado ao campus de baloncesto dos Golden State Warriors, pasando finalmente a formar parte do seu cadro de xogadores. Tras 23 partidos tivo que deixar o equipo. Posteriormente xogaría na Lega italia coa Benetton Treviso, o que tras unha boa actuación serviulle para pasar a formar parte do cadro de xogadores dos Houston Rockets, até ser cesado en febreiro. Cunha altura de 2,01 metros, pode xogar tanto de ala-pivote como de pivote.
Índice |
Traxectoria [editar]
Instituto [editar]
Adrien acudiu ao Instituto Brookline en Massachusetts. Destacou no seu ano "sophomore", cando o equipo de Brookline chegou a disputar a final do campionato estatal. Como "senior", o equipo de Adrien acadou de novo a final campionato estatal. Despois da súa graduación en 2004, Adrien acudiu á Academia Brewster, en Nova Hampshire por realizar un ano de posgrao, xogando na Amateur Athletic Union, antes de entrar na Universidade de Connecticut cunha bolsa de estudos integral.
Universidade [editar]
Adrien xogou de ala-pivote para os UConn Huskies. Na tempada 2007-2008 da NCAA Adrien foi nomeado para o Mellor quinteto da Big East Conference, liderando ao equipo en puntos (14,8) e rebotes (9,7). Como capitán do equipo na tempada de 2008-2009, Adrien fixo medias de 13,7 puntos e 10 rebotes por partido, facendo un dobre-dobre de media. En 2009, o Huskies clasificáronse para a Final Four de NCAA, perdendo contra os Michigan State Spartans. Adrien rematou a súa carreira universitaria con máis de 1.600 puntos e 1.100 rebotes, tornándose no o segundo "husky" en conseguilo.
NBA e Europa [editar]
Adrien non foi seleccionado no NBA Draft de 2009, asinando co Club Baloncesto Breogán de Lugo. Durante o verán xogou nas ligas de verán dos New Jersey Nets e dos Philadelphia 76ers e no equipo dos Memphis Grizzlies na Vegas Summer League. Despois da súa marcha de Lugo pasou a formar parte dos Golden State Warriors da NBA, cos que xogou vinte e tres encontros, chegando a conseguir algunha vez dobres figuras (máis de 10 puntos e 10 rebotes nun encontro). Xogou o seu último encontro o 8 de decembro, sendo cortado do equipo para incorporar a Acie Law. Con todo, o 24 de febreiro de 2011 volvería ao equipo de Oakland.
O 21 de decembro de 2011, asinou un contrato cos Houston Rockets, pero foi cortado o 8 de febreiro de 2012.[2]
