Frozen (filme de 2013)

Na Galipedia, a Wikipedia en galego.

Frozen
Ficha técnica
Título orixinalFrozen
DirectorChris Buck
Jennifer Lee
ProdutorPeter del Vecho, John Lasseter
GuiónJennifer Lee
Baseado enno conto A raíña das neves
IntérpretesKristen Bell
Idina Menzel
Jonathan Groff
Josh Gad
Santino Fontana
Alan Tudyk (voces)
MúsicaChristophe Beck
Kristen Anderson-López (letras)
Robert Lopez (cancións)
EstudioWalt Disney Animation Studios
DistribuidoraWalt Disney Pictures
Estrea27 de novembro de 2013
Duración102 minutos[1]
OrixeEstados Unidos de América Estados Unidos
XéneroAnimación, fantasía, comedia
Orzamento150 millóns de dólares
Recadación1.026 millóns de dólares (en marzo de 2014)[2]
Filme anteriorBrave
Filme seguinteBig Hero 6
Na rede
https://frozen.disney.com/
IMDB: tt2294629 Filmaffinity: 926588 Allocine: 203691 Rottentomatoes: m/frozen_2013 Mojo: frozen2013 Allmovie: v555200 TCM: 889117 Metacritic: movie/frozen-2013 TV.com: movies/frozen-2013
Facebook: DisneyFrozen Instagram: disneyfrozen Netlix: 70279000Editar o valor em Wikidata

Frozen é un filme de animación musical estadounidense producido por Walt Disney Animation Studios. É o 53º filme animado producido polo estudio e está vagamente inspirado no conto de fadas A raíña das neves, do dinamarqués Hans Christian Andersen. O filme foi distribuído pola Walt Disney Studios Motion Pictures baixo o selo da Walt Disney Pictures e estreouse coa curtametraxe Get a Horse! o 27 de novembro de 2013 nos Estados Unidos.

En 2014 venceu na categoría de mellor filme de animación nos Premios Globo de Ouro de 2014, e gañou o Óscar ó mellor filme de animación e á mellor canción. É o 15º filme na lista das maiores recadacións na historia, sendo a segunda animación en superar a marca de 1 billón de dólares recadados; o primeiro foi Toy Story 3.

Sinopse[editar | editar a fonte]

Elsa, a filla máis vella do rei e da raíña de Arendelle, situado nalgún lugar de Noruega, naceu coa capacidade máxica de crear xeo e neve. Un día cando tiña once anos, mentres xogaba coa súa irmá Anna de oito, accidentalmente acértalle cun raio xeado; polo que se agocha de todos para aprender a controlar os seus poderes até o día da súa coroación. Despois de, accidentalmente, condenar o reino a un inverno eterno, Elsa foxe e autoexíliase nun castelo de xeo que ela mesma ergue coa súa maxia. Anna e Kristoff, un destemido mozo que traballa na montaña carrexando xeo cun carro e un reno, parten na procura de Elsa para traela de volta a Arendelle e reverteren o inverno en verán.

Elenco[editar | editar a fonte]

  • Kristen Bell como Anna con 18 anos.[3] Con cinco anos é dobrada por Gabrielle e con nove por Katie Lopez.[4][5] Cando é adolescente con quince anos durante o loito pola morte dos pais, a personaxe é dobrada por Agatha LeeMonn.[5]
  • Idina Menzel como Elsa xa adulta con vinte e un anos .[3] Con oito anos é dobrada por Eva Bella.[6] Con doce anos, mentres fala asustada cos pais sobre o aumento dos seus poderes, a personaxe é dobrada por Spencer Lacey Ganus.[7][8]
  • Jonathan Groff como Kristoff.[9]
  • Josh Gad como Olaf.[10]
  • Santino Fontana como Hans.[10]
  • Alan Tudyk como o Duque de Weselton.[10]
  • Chris Williams como Oaken.[11]
  • Maia Wilson como Bulda.[12]

Produción[editar | editar a fonte]

Desenvolvemento[editar | editar a fonte]

As tentativas da Walt Disney Animation Studios en adaptar o conto de fadas A raíña das neves nunha longametraxe remóntanse a 1943,[13] aínda que outras tentativas se fixeron na década de 1990 e en 2003.[14]

Para conseguir o efecto de refracción da luz sobre o xeo da forma máis realista posíbel, os animadores do filme visitaron un hotel feito de xeo no Quebec, no Canadá.[15] Para a ambientación da historia, Noruega foi usada como inspiración e escenario para o filme.[16]

É o primeiro filme da Walt Disney Animation Studios desde Lady and the Tramp (A dama e o vagabundo) producido usando CinemaScope.[17]

Anuncio[editar | editar a fonte]

O 22 de decembro de 2011, o estudio anunciou oficialmente o filme, xunto coa data de lanzamento, despois de case unha década de especulación pública sobre a súa produción.[18] O 5 de marzo de 2012, anunciouse que a actriz Kristen Bell fora contratada para fornecer a voz de Anna, e que Chris Buck, que xa traballara co estudio dirixindo Tarzan, era o director do filme, xunto con Peter del Vecho na produción e John Lasseter na produción executiva.[19] En xuño, anunciouse que Idina Menzel fora contratada para fornecer a voz de Elsa, e que as cancións orixinais do filme estaban a cargo dos compositores de Broadway Robert Lopez e a súa esposa Kristen Anderson-López.[20] O 30 de novembro, foi anunciado que Jennifer Lee, a coguionista de Wreck-It Ralph, xuntouse a Buck como codirectora, tornándose así a primeira muller na historia a dirixir un filme para o estudio.[21] O 19 de decembro, anunciouse que Jonathan Groff fora contratado para fornecer a voz de Kristoff.[9] O 19 de febreiro de 2013, Christophe Beck foi anunciado como o compositor da banda sonora do filme.[22]

Música[editar | editar a fonte]

A banda sonora de Frozen (Frozen (Original Motion Picture Soundtrack) - novembro de 2013) foi composta por Christophe Beck para a Walt Disney Records, coas cancións orixinais a cargo de Robert Lopez (música) e Kristen Anderson-López (letra), sendo así a segunda colaboración dos tres compositores coa Walt Disney Animation Studios.

Na Expo D23 realizada en agosto de 2012, a canción titulada "Let It Go" foi presentada e interpretada para o público.[23] Na Expo D23 de 2013, a música foi novamente interpretada, desta vez por Idina Menzel, a dobradora de Elsa.[24] Para promover o filme, unha variación pop da música foi interpretada por Demi Lovato e divulgada en outubro no YouTube.[25] Outra variación, titulada "Libre Soy" e destinada a promover o filme no mercado latino-hispano, foi interpretada por Martina Stoessel e divulgada en novembro.[26]

Estrea[editar | editar a fonte]

O filme estreouse xunto coa curtametraxe Get a Horse! o 27 de novembro de 2013 nos Estados Unidos e tamén en Galicia na versión castelá.

Recepción[editar | editar a fonte]

Crítica[editar | editar a fonte]

Despois do seu lanzamento, Frozen recibiu comentarios bastante positivos da crítica especializada. Rotten Tomatoes, que fai unha media da aprobación dun filme baseándose nas reportaxes recollidas, deu á animación unha clasificación de 89% en base a 176 comentarios. O consenso do sitio di o seguinte: "Marabillosamente animado, intelixentemente escrito e cheo de cancións ben interpretadas, Frozen é logo, outra boa entrada digna da Disney".[27]

Premios[editar | editar a fonte]

Entre outros moitos premios tivo dous nomeamentos aos Oscar 2014. Gañou o Oscar ao Mellor filme de animación para Chris Buck e Jennifer Lee; e o de Mellor Canción Orixinal para Kristen Anderson-López e Robert Lopez.

Recibiu tamén un premio BAFTA, e o Globo de Ouro á Mellor Animación para Chris Buck e Jennifer Lee.

Notas[editar | editar a fonte]

  1. ↑ "Frozen". Ontario Film Review Board. 12 de novembro de 2013. Arquivado dende o orixinal o 16 de xaneiro de 2014. Consultado o 15 de xaneiro de 2014. 
  2. ↑ "Frozen (2013) - Box Office Mojo". Box Office Mojo (en inglés). Consultado o 13 de febreiro de 2014. 
  3. ↑ 3,0 3,1 "Disneys frozen kristen bell and idina menzel to voice new animated tale". Insidemovies.ew.com (en inglés). Arquivado dende o orixinal o 18 de xuño de 2013. 
  4. ↑ "Ficha de Livvy Stubenrauch". Internet Movie Database (en inglés). 
  5. ↑ 5,0 5,1 "Walt Disney Animation Studios' "Frozen" Lets Go With Dynamic Soundtrack". Online.wsj.com. 
  6. ↑ "Ficha de Eva Bella". Internet Movie Database (en inglés). 
  7. ↑ "Ficha de Spencer Lacey Ganus". Internet Movie Database (en inglés). 
  8. ↑ "Ficha de Maia Mitchell". Internet Movie Database (en inglés). 
  9. ↑ 9,0 9,1 "Jonathan Groff Joins Disney's Frozen Voice Cast". Comingsoon.net. Arquivado dende o orixinal o 21 de decembro de 2012. 
  10. ↑ 10,0 10,1 10,2 "Josh Gad, Santino Fontana and Alan Tudyk Joins Frozen Voice Cast". Comingsoon.net. Arquivado dende o orixinal o 02 de decembro de 2013. 
  11. ↑ "Ficha de Chris Williams". Internet Movie Database (en inglés). 
  12. ↑ "Ficha de Maia Wilson". Internet Movie Database (en inglés). 
  13. ↑ "Countdown to Disney "Frozen" : How one simple suggestion broke the ice on the "Snow Queen" 's decades-long story problems". Jimhillmedia.com (en inglés). Arquivado dende o orixinal o 22 de outubro de 2013. 
  14. ↑ "Disneys frozen the snow queen cg handdrawn". Slashfilm.com (en inglés). 
  15. ↑ "The story behind the story of Frozen". Blogs.disney.com (en inglés). 
  16. ↑ "Into the research behind Disneys Frozen". Desireeeaglin.net (en inglés). Arquivado dende o orixinal o 14 de abril de 2014. 
  17. ↑ "Frozen preview designing Arrendelle". Blogs.indiewire.com (en inglés). Arquivado dende o orixinal o 18 de outubro de 2013. 
  18. ↑ "Walt disney animation the snow queen life retitled frozen hand drawn". Slashfilm.com (en inglés). 
  19. ↑ "Kristen Bell Set to Star in Stage Adaptation 'Some Girls', Animated Feature 'Frozen' (Exclusive)". Hollywoodreporter.com (en inglés). 
  20. ↑ "Ficha de Frozen". Bcdb.com. 
  21. ↑ "Jennifer Lee to co-direct Disney animated film Frozen". Deadline.com (en inglés). 
  22. ↑ "Christophe Beck to score Disneys Frozen". Filmmusicreporter.com. 
  23. ↑ Nachman, Brett (16 de agosto de 2012). "Disney In Depth: The Future Of Disney Animation (Frozen, Paperman & Wreck-It Ralph) – A Recap Of D23′s Destination D Event". Geeks of Doom (en inglés). Consultado o 17 de xaneiro de 2013. 
  24. ↑ "VIDEO: Idina Menzel Premieres FROZEN Song At D23!". Broadwayworld.com. Arquivado dende o orixinal o 29 de outubro de 2013. 
  25. ↑ "Demi Lovato - Let it go - Disney Frozen listen". Hollywoodlife.com. Arquivado dende o orixinal o 19 de febreiro de 2014. Consultado o 21 de marzo de 2014. 
  26. ↑ "Martina Stoessel, protagonista de Violetta, canta el tema de Frozen". Exitoina.com. Arquivado dende o orixinal o 23 de febreiro de 2014. 
  27. ↑ "Frozen - Rotten Tomatoes". Rotten Tomatoes (en inglés). Consultado o 23 de xaneiro de 2014. 

Véxase tamén[editar | editar a fonte]

Outros artigos[editar | editar a fonte]

Traído desde «https://gl.wikipedia.org/w/index.php?title=Frozen_(filme_de_2013)&oldid=6562141»