Castro das Grobas

Castro das Grobas
Parroquia:	Vilaselán
Concello:	Ribadeo
Provincia:	Lugo
Comunidade Autónoma:	Galicia
Cronoloxía
Datas de ocupación:	?
Data da descuberta:	?
Períodos de escavación:	Non escavado
Estado actual:	?
Extensión estimada:	aprox. 2,5 ha.
Véxase tamén: Castros de Galicia

O Castro das Grobas é un castro situado na parroquia de Vilaselán, no concello de Ribadeo, na provincia de Lugo. Está incluído no Inventario da Dirección Xeral do Patrimonio Cultural co número GA27051007.

Morfoloxía

Esquema aproximado do castro das Grobas. En azul, a costa (ó norte, a ínsua de Vilaselán); en vermello, os foxos.

O castro ten unhas dimensións máximas duns 230 m x 180 m, ocupando algo máis de dúas hectáreas e media, centrado en 43º33'22”N, 7º2'53”O, ó sur da ínsua de Vilaselán. Suponse que a ínsua veciña ten algo que ver co castro, pois apareceron alí restos arqueolóxicos como cerámicas. Distínguense tres foxos paralelos escavados na rocha e de anchura entre 8 e 10 m, separados por parapetos.

Non se aprecian destrucións nin alteracións. Na actualidade o castro forma parte dun terreo comunal creado a resultas da concentración parcelaria en Vilaselán, Ribadeo.

Neste castro un agricultor atopou a Diadema de Ribadeo, que vendeu en Madrid por unha onza de ouro, segundo dixeron sucesores seus.

Véxase tamén

Outros artigos

• Castro.
• Cultura castrexa.

Ligazóns externas

• Artigo sobre o castro
• Presentación sobre o castro