Alfredo García Ramos
Alfredo García Ramos, nado en Cumeiro (Vila de Cruces) o 7 de febreiro de 1877 e finado en Caldas de Reis o 21 de agosto de 1934, foi un xornalista, escritor e xurista galego.
Índice |
[editar] Traxectoria
Fillo do médico Manuel García Segond e irmán do tamén deputado na II Republica José García Ramos, Alfredo licenciouse en Dereito na Universidade de Santiago de Compostela en 1897. Empezou a súa carreira como fiscal de Santiago de Compostela e logo pasou a ser Xuíz municipal da Coruña en 1903. Foi Secretario de Goberno e Vicepresidente do Tribunal Supremo e primeiro director do xornal coruñés El Ideal Gallego. Alfredo García Ramos é autor de diferentes tratados xurídicos e económicos centrados principalmente en Galícia. En 1933 preséntase ás eleccións ás Cortes da Segunda República como independente por Pontevedra gañando o seu escano e integrándose na coalición Independientes de Derechas, que tiña como portavoz a Abilio Calderón. Gran amigo do xornalista e escritor Alejandro Pérez Lugín, á morte deste, García Ramos foi responsable da reorganización e finalización da novela Arminda Moscoso. Tamén foi responsable da publicación da colección de contos La corredora y la Ruia.
[editar] Obras
- Estilos consuetudinarios y prácticas económico-familiares y marítimas de Galicia (1909)
- Arqueología jurídico-consuetudinaria-económica de la región gallega (1912)
- El regionalismo gallego en su aspecto confesional, monárquico y unitario (1918)
[editar] Véxase tamén
[editar] Bibliografía
- Lago García, Xosé (1991), O pensamento de Alfredo García Ramos, Santiago de Compostela: Xunta de Galicia. ISBN 84-453-0188-8.
- Cardesín Díaz, José María (1993), Entre el regionalismo jurídico y el catolicismo social: el Derecho Consuetudinario en Alfredo García Ramos (1908-1910) en Galícia e a Historiografía p. 211-242, Santiago de Compostela: Tórculo Edicións. ISBN 84-8672895-9.
