A Bela Otero
| Agustina Otero Iglesias | |
|---|---|
 A Bela Otero. |
|
| Nacemento | 4 de novembro de 1868 Valga, Pontevedra  Galicia |
| Falecemento | 12 de abril de 1965 Niza,  Francia |
| Outros nome(s) | A Bela Otero ou Carolina Otero. |
| Profesión | actriz e bailarina |
| Ficha na IMDb | |
Agustina Otero Iglesias, máis coñecida como A Bela Otero ou Carolina Otero, nada en Valga o 4 de novembro de 1868 e finada en Niza o 12 de abril de 1965, foi unha célebre actriz e bailarina de orixe galega.
Índice |
Traxectoria[editar]
Nada en Valga, Pontevedra, os seus apelidos son os da súa nai, xa que nunca foi recoñecida polo pai. Dada a súa difícil situación, xa de pícara foi traballar de criada a Santiago de Compostela. Aos dez anos sofreu unha violación que a deixaría estéril. Aos catorce, namora do seu compañeiro de baile Paco e foxen xuntos a Lisboa, onde traballaron de bailaríns até que este a abandonou. Seguíndoo, chegou a Barcelona onde en 1888 un banqueiro moveu os fíos para facela triunfar como bailarina en Francia. Foi con el até Marsella, onde axiña o abandonou e comezou a converterse en Carolina, a Bela Otero, unha xitana de Cádiz. Perseveraría neste papel toda a súa vida, e con el chegou a ser a estrela do Folies Bergère en París e ser unha das mulleres máis desexadas de Europa.
A condición da muller no espectáculo daquela era esvaradía, e polo xeral foi considerada unha cortesá con relacións co máis granado da aristocracia europea: o Rei Eduardo VII de Inglaterra, o Tsar Nicolao II e Gabriele d'Annunzio.
Retirouse en 1910 e dilapidou a súa fortuna no Casino de Montecarlo para afundir paulatinamente na pobreza.
Bibliografía[editar]
- Arruíname pero no me abandones. La Bella Otero y la Belle Époque. De Marie-Helène Carbonel i Javier Figuero. Ed. Espasa Calpe, 2003.
- A Bela Otero, pioneira do cine, Miguel Anxo Fernández;
- La Belle Otero. Postais. Limiar de Luís Seoane. Edicións Xerais, 2001;
- Ficción;
- A paixón de Carolina Otero Ramón Chao, 2001. Biografia ficticia;
Filmes[editar]
- La Belle Otero, Richard Pottier, 1954. Filme francés onde a grande actriz mexicana María Félix interpreta o papel de Carolina Otero.
- A Bela Otero, Jordi Frades, 2008. Filme galego onde a actriz arxentina Natalia Verbeke interpreta o papel de Carolina Otero. Tamén participan galegos como Mabel Rivera, Belén Constenla ou Pedro Alonso e a catalana Asunción Balaguer, no papel da Carolina anciá.
Bibliografía[editar]
- Miguel Anxo Fernández (2003). A Bela Otero, pioneira do cine. ISBN 84-8288-617-7.
- Carolina Otero (2001). As auténticas memorias da Bela Otero. ISBN 84-8302-685-6. (as memorias orixinais fóronlle ditadas a Madame Claude Valmont en 1926)
Véxase tamén[editar]
Galería de imaxes[editar]
- Artigo principal: Galería de imaxes da Bela Otero.
