Dragón

Na Galipedia, a Wikipedia en galego.
Para outras páxinas con títulos homónimos véxase: Dragón (homónimos).
MS Harley 3244, un manuscrito medieval datado ao redor de 1260, contén a imaxe máis antiga recoñecible dun dragón europeo moderno.

Un dragón[1] é unha criatura réptil ⁣lendaria que aparece no folclore e mitoloxía de moitas culturas en todo o mundo. As crenzas sobre os dragóns varían considerablemente entre as rexións, pero os dragóns das culturas occidentais desde a Alta Idade Media foron a miúdo representados como alados, con cornos e capaces de respirar lume. Os dragóns das culturas orientais adoitan representarse como criaturas serpentinas sen ás, de catro patas e cunha intelixencia superior á media. As características comúns entre os trazos dos dragóns adoitan ser unha mestura de características felinas, réptiles e aviarias. Os estudosos cren que os grandes crocodilos extintos ou en migración poden coincidir co modelo das imaxes modernas dos dragóns orientais.[2][3]

Etimoloxía[editar | editar a fonte]

Procedente do francés antigo dragon, que, á súa vez, provén do latín: draconem (nominativo draco) que significa "enorme serpe, dragón", do grego antigo δράκων, drákōn (xenitivo δράκοντος, drákontos) "serpe".[4][5] O termo grego e latino referíase a calquera gran serpe, non necesariamente mitolóxica. A palabra grega δράκων probablemente derive do verbo grego δέρκομαι (dérkomai) que significa "eu vexo", cuxa forma aoristo é ἔδρακον (édrakon).[5] A palabra grega probablemente derive dunha base indoeuropea *derḱ- que significa "ver"; a raíz sánscrita दृश् (dr̥ś-) tamén significa "ver".[6]

O mušḫuššu é un monstro serpentino semellante ao dragón da antiga mitoloxía mesopotámica con corpo e pescozo dunha serpe, as patas dianteiras dun león e as traseiras dun paxaro. Aquí móstrase como aparece na porta de Ishtar da cidade de Babilonia.

Orixes dos mitos[editar | editar a fonte]

Criaturas semellantes ao dragón aparecen en practicamente todas as culturas do mundo[7] e as primeiras representacións semellan serpes xigantes. Os dragóns descríbense por primeira vez nas mitoloxías do antigo Oriente Próximo e aparecen na antiga arte e literatura mesopotámicas. As historias sobre os deuses das tormentas que mataban serpes xigantes ocorren en case todas as mitoloxías do Próximo Oriente e indoeuropeas. Os dragóns prototípicos famosos inclúen os mušḫuššu da antiga Mesopotamia; Apep na mitoloxía exipcia; Vṛtra no Rigveda; o Leviatán na Biblia hebrea; Grand'Goule na rexión de Poitou en Francia; Pitón, Ladon, Wyvern e Kulshedra na mitoloxía albanesa e a Hidra de Lerna na mitoloxía grega; Jörmungandr, Níðhöggr e Fafnir na mitoloxía nórdica; e o dragón de Beowulf.

Notas[editar | editar a fonte]

  1. ↑ Definicións no Dicionario da Real Academia Galega e no Portal das Palabras para dragón.
  2. ↑ Stromberg, Joseph (2012). "Where Did Dragons Come From?". Smithsonian (en inglés). 
  3. ↑ "Archeologists Find Crocodile is Prototype of Dragon". People´s Daily (en inglés). 2000. 
  4. ↑ Ogden, Daniel (2013). Drakon: Dragon Myth and Serpent Cult in the Ancient Greek and Roman Worlds. Oxford University Press. ISBN 978-0-19-955732-5. 
  5. ↑ 5,0 5,1 Liddell, Henry George; Scott, Robert (1940). "A Greek-English Lexicon". Perseus project. 
  6. ↑ Skeat, Walter W. (1888). "An etymological dictionary of the English language". Oxford Clarendon Press: 178. 
  7. ↑ Malone, Michael S. (2012). The Guardian of All Things: The Epic Story of Human Memory. St. Martin's Press. ISBN 978-1-250-01492-4. 

Véxase tamén[editar | editar a fonte]

Outros artigos[editar | editar a fonte]

Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
Traído desde «https://gl.wikipedia.org/w/index.php?title=Dragón&oldid=6379332»