Xosé Antonio Neira Cruz

Na Galipedia, a Wikipedia en galego.
Saltar para a navegação Saltar para a pesquisa
Xosé Antonio Neira Cruz
Xosé Antonio Neira Cruz.jpg
Nacemento 1968
  Santiago de Compostela
Nacionalidade España
Ocupación poeta
editar datos en Wikidata ]

Xosé Antonio Neira Cruz, nado en Santiago de Compostela o 2 de febreiro de 1968, é un escritor galego.

Traxectoria[editar | editar a fonte]

É licenciado en Filoloxía italiana e en Ciencias da Información (sección de Xornalismo). Foi redactor da revista Tempos e, ademais de colaborar en diversas publicacións periódicas, dirixiu a revista de literatura infantil e xuvenil Fadamorgana. Escribiu tamén guións para diversos programas de radio e Televisión de Galicia.

Foi o responsable das coleccións "Sete Mares", "Árbore" e "Costa Oeste" da editorial Galaxia e en 2012 foi profesor de Xornalismo na USC. Foi nomeado Coordinador da Comisión de desenvolvemento de proxectos do IBBY, membro do Xurado do Premio do IBBY Asahi Reading Promotion así como integrante do Comité Organizador do 28º Congreso desta organización internacional.

Obra[editar | editar a fonte]

Unha parte importante da súa produción diríxese aos lectores máis novos: Melanio e os paxaros (Sotelo Blanco, 1990; revisado para a súa publicación na Serie Branca da Colección O Barco de Vapor dez anos despois); As porcas porquiñas, con ilustracións de Noemí López; María está a pinta-lo mar, historia dunha nena chea de ilusión disposta a vencer a súa enfermidade coa imaxinación; A memoria das árbores, que inaugura a colección Sondeconto. A recuperación da literatura popular está presente en O home máis rico do mundo, A caixa do tesouro e mais en'O xenio do sultán.

O seu traballo divulgador da tradición literaria galega comezou en tres edicións do Tren Caixa Galicia, organizado pola Biblioteca "Nova 33", coas biografías de Rosalía, Castelao, Paio Gómez Chariño (reeditados como volumes independentes por Edicións Xerais na colección "Así viviu", que incorpora unha biografía de Ánxel Fole). En 1998, con motivo do Día das Letras Galegas dedicado a Mendiño, Martín Codax e Xoán de Cangas publicou nunha edición institucional para primeiros lectores senllas lúdicas introducións ao tempo e obra dos xograres: Rumbo á Illa de S. Simón (Mendiño), Caramelos Martín Codax e Xograr Cangas e asociados.

Premios[editar | editar a fonte]

Co seu primeiro libro, Ó outro lado do sumidoiro, recibiu o Premio Merlín en 1988, que gañou tamén na edición do ano 2000 pola obra xuvenil As cousas claras. Os gatos de Venecia foi finalista na VIII convocatoria do Premio Lola Anglada no 1991. Levou o Premio O Barco de Vapor nos anos 1997 e 1999 polas súas novelas Valdemuller e Os ollos do Tangaleirón, respectivamente. Gañou a edición do 2002 do Premio Raíña Lupa con O armiño dorme, novela ambientada na Italia do século XVI. A noite da raíña Berenguela recibiu o Premio Lazarillo no ano 2004.

Co seu primeiro libro de poesía É oco habitado gañou en 2007 o Premio de poesía Fiz Vergara Vilariño.

Obras[editar | editar a fonte]

Literatura infanto-xuvenil[editar | editar a fonte]

  • Ó outro lado do sumidoiro (1989, Xerais). Premio Merlín, 1988.
  • Melanio e os paxaros (1990).
  • Os gatos de Venecia (1993).
  • Así viviu Rosalía (1996).
  • Así viviu Castelao (1996).
  • Así viviu Paio Gómez Chariño (1997).
  • Así viviu Ánxel Fole (1997).
  • As porcas porquiñas (1997).
  • Valdemuller (1998). Premio O Barco de Vapor, 1997.
  • O xenio do sultán (1998).
  • Caramelos Martín Codax (1998).
  • Rumbo á illa de San Simón (1998).
  • Xograr Cangas e Asociados (1998).
  • María está a pinta-lo mar (1998).
  • As cousas claras (2000, Xerais). Premio Merlín 2000.
  • A memoria das árbores (2000, Kalandraka).
  • Os ollos do tangaleirón (2000). Premio O Barco de Vapor, 1999.
  • A caixa do tesouro (2001, Kalandraka).
  • O home máis rico do mundo (2001, Kalandraka).
  • O armiño dorme (2002)
  • Eu son adoptada ¿e que? (2004).
  • A viaxe a Compostela de Renato Ratoni, rato de compañía de Cosme III de Médicis (2004).
  • Mambrú, cociñeiro de perfumes (2005).
  • A noite da raíña Berenguela (2005).
  • Gatos e leóns (2006).
  • Los libros de la almohada (2008).
  • Unha chea de familias (2008).
  • O prodixio dos zapatos de cristal (2008). White Ravens 2009.
  • O debut de Martino Porconi (2008).
  • Un bico de amor e vida (2009, Galaxia).
  • Violeta non é Violeta (2009, MacMillan).
  • O punto da escarola (2009). Premio Barriga Verde 2008
  • Jan estivo alí (2010).

Poesía[editar | editar a fonte]

En obras colectivas[editar | editar a fonte]

  • "Un somnífero moi particular" en Contos da campaña, 3 (1992).
  • "O plumífero de Xurxo" en Tres triscadas (1993).
  • "Rosalía tralas máscaras do tempo" en Contos da viaxe (1994).
  • "Castelao no Mar do Tempo" en Contos da travesía (1995).
  • "Paio gómez Chariño, ...a mui gran coita do mar" en Contos da ruta (1996).
  • E dixo o corvo... (1997, Xunta de Galicia).
  • "Orellas de podengo" en Imos xuntos camiñar (1999).
  • Dicionario da literatura galega. III. Obras (2000, Galaxia).
  • "Un agasallo inesperado " en Contos para levar no peto (2001).
  • "A verdadeira historia dun dente de Rosalía de Castro" en Quen casa ten de seu (2009).

Véxase tamén[editar | editar a fonte]

Ligazóns externas[editar | editar a fonte]