Charles Perrault

Charles Perrault
Charles Perrault por Philippe Lallemand, 1665
Nacemento	12 de xaneiro de 1628
Lugar de nacemento	París
Falecemento	16 de maio de 1703
Lugar de falecemento	París
Nacionalidade	Reino de Francia
Etnia	Pobo francés
Alma máter	Lycée Saint-Louis, Collège de Beauvais, Old University of Orléans e University of Orléans
Ocupación	escritor, poeta, poeta avogado, collector of fairy tales, crítico, escritor de literatura infantil e art theorist
Cónxuxe	Marie Guichon
Irmáns	Pierre Perrault, Claude Perrault e Nicolas Perrault
Coñecido por	The Tales of my Mother Goose e sen etiquetar
Na rede
[ editar datos en Wikidata ]

Charles Perrault, nado en París o 12 de xaneiro de 1628 e finado na mesma cidade o 16 de maio de 1703, foi un escritor francés. Era irmán de Claude.

Traxectoria

Naceu no seo dunha acomodada familia burguesa e protexido de Colbert. Asistiu ás mellores escolas e estudou dereito antes de iniciar unha carreira no servizo gobernamental. Tomou parte na creación da Academia das Ciencias e na restauración da Academia de Pintura. Foi secretario da Academia Francesa desde 1663.

En 1687 escribiu o poema O século de Luís o Grande e, en 1688, Comparación entre antigos e modernos, unha alegación en favor dos escritores "modernos" e en contra dos tradicionalistas.

Aos 55 anos escribiu o libro Contos de mamá ganso. A súa publicación comezou a darlle fama entre os seus coñecidos e significou o comezo dun novo estilo de literatura: os contos de fadas. Para os seus relatos, Perrault recorreu a paisaxes que coñecía como o Castelo de Ussé para o conto de A Bela Dormente.

Publicacións

Moitas das historias de Perrault seguen publicándose hoxe en día e convertéronse en óperas, obras de teatro e filmes. Algunhas das historias máis famosas de Perrault son:

• La Belle au bois dormant (A Bela Dormente).
• Le Petit Chaperon rouge (Carapuchiña vermella).
• Barbe Bleue (Barba Azul).
• Le Chat botté (O gato con botas). Esta obra foi adaptada por Ánxeles Cuña e representada teatralmente por Sarabela Teatro en galego (A gata con botas, 2004)
• Cendrillon (Cincenta).
• Le Petit Poucet (Polgariño).