Xoán Malalas

Na Galipedia, a Wikipedia en galego.

Xoán Malalas ou Xoán Malelas (Ioannes Malalas ou Ioannes Malelas, en grego Ἰωάννης ὁ Μαλέλα ou Μαλάλα) foi un historiador bizantino nativo de Antioquía, situado entre o século VII e o século IX. Malalas ou Malelas é unha palabra do siríaco e quere dicir orador.

Traxectoria[editar | editar a fonte]

Escribiu unha historia entre a creación do mundo e a expedición de Marciano o sobriño de Xustiniano I a África (co cal acaba repentinamente). A historia está chea de feitos absurdos e outros curiosos, e só ten importancia pola época de Xustiniano e os seus inmediatos antecesores; outros emperadores son tratados moi brevemente (Arcadio só ten sete liñas) especialmente os do oeste. O estilo é bárbaro excepto cando copia outros.