Xinecoloxía
A Xinecoloxía é a especialidade médica e cirúrxica que trata as enfermidades do sistema reprodutor feminino (útero, vaxina e ovarios). Atópase intimamente relacionada coa especialidade de Obstetricia, a cal se encarga do embarazo, o parto e o puerperio.
Historia[editar | editar a fonte]
O Papiro xinecolóxico de Kahun (parte do Papiro de Kahun) é o texto médico máis antigo coñecido (datado aproximadamente en 1800 a. C.), que trata sobre afeccións femininas - enfermidades xinecolóxicas, fertilidade, embarazo, anticoncepción etc. Este texto dicídese en trinta e catro seccións, cada unha das cales aborda un problema específico xunto co diagnóstico e o tratamento. Ningún destes tratamentos é cirúrxico, tan só inclúen o emprego de menciñas sobre a parte do corpo afectada ou a súa inxesta. A matriz ou útero é, en ocasións, tratada coma fonte dos padecementos que se manifestan noutras partes do corpo.[1]
Segundo o Suda, o antigo médico grego Soranus de Éfeso exerceu en Alexandría e posteriormente en Roma. Foi o principal representante da escola médica coñecida como os Metodistas. O seu tratado Gynaikeia aínda perdura (xunto cunha tradución ao latín do século VI escrita por Muscio, un médico da mesma escola).
Exame físico[editar | editar a fonte]
Como ocorre no resto das especialidades médicas, as ferramentas principais da xinecoloxía son a historia clínica e o exame físico. Porén, o exame xinecolóxico sempre se considerou moito máis íntimo que un exame físico de rutina. Require, así mesmo, de instrumentos específicos da profesión, como o espéculo, que permite retraer os tecidos vaxinais para explorar o colo uterino ou cérvix.
Patoloxías[editar | editar a fonte]
Os xinecólogos son especialistas no diagnóstico e tratamento de síntomas asociados a enfermidades tales como:
- Cancro e enfermidades pre-cancerosas dos órganos reprodutivos.
- Incontinencia urinaria.
- Amenorrea ausencia de(períodos menstruais.
- Dismenorrea (períodos menstruais dolorosos).
- Infertilidade.
- Menorraxia (períodos menstruis anormalmente abundantes): síntoma que con frecuencia carrea a práctica dunha histerectomía.
- Prolapso de órganos pélvicos.
- Infeccións e infestacións dos órganos xenitais
Notas[editar | editar a fonte]
- ↑ Laurinda S. Dixon. Perilous Chastity: Women and Illness in Pre-Enlightenment Art and Medicine, Cornell University Press 1995, pp.15f.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Xinecoloxía |
Ligazóns externas[editar | editar a fonte]
- Xinecoloxía e Obstetricia - libros e manuais de balde (en castelán)
- Xinecoloxía Oncolóxica (en castelán)
