Victoria Ocampo

Victoria Ocampo

Biografía
Nacemento	(es) Ramona Victoria Epifanía Rufina Ocampo Aguirre 7 de abril de 1890 Buenos Aires
Morte	27 de xaneiro de 1979 (88 anos) Buenos Aires
Causa da morte	cancro de larinxe
Lugar de sepultura	cemiterio da Recoleta
Educación	Collège de France Universidade de París
Actividade
Ocupación	escritora, figura pública, ensaísta, Intelectual, crítica, tradutora, editora, mecenas
Período de actividade	1924 -
Empregador	Sur (pt)
Membro de	Academia Argentina de Letras (pt) (1977–)
Influencias	Jacques Maritain
Compañeiro profesional	Silvina Ocampo: Q108763359
Familia
Pai	Manuel S. Ocampo
Irmáns	Silvina Ocampo
Parentes	Aldofo Bioy Casares, esposo da irmá
Premios
(1965)  Premio María Moors Cabot (1965)  Prix du Rayonnement de la langue et de la littérature françaises (en) (1950)  Gran Pemio de Honor da SADE  Comendador das Artes e as Letras  Comandante da Orde do Imperio Británico
Voz: Victoria Ocampo (lingua castelá)
Descrito pola fonte	Metromod Latin American Women Writers: an Encyclopedia Third World Women's Literatures

Ramona Victoria Epifanía Rufina Ocampo, nada en Buenos Aires o 7 de abril de 1890 e finada en Beccar o 27 de xaneiro de 1979, foi unha escritora, intelectual, tradutora, editora e mecenas arxentina.

Traxectoria

A familia Ocampo descende dun paxe galego de Isabel a Católica, un dos primeiros habitantes da illa de Santo Domingo. Nada nunha familia aristocrática, foi educada con institutrices e a súa primeira lingua foi o francés. En 1924 publicou a súa primeira obra, De Francesca a Beatrice, editada pola Revista de Occidente coa axuda de José Ortega y Gasset. Participou desde a súa mocidade nas primeiras manifestacións dos movementos feministas, intelectuais e antifascistas arxentinos, e en 1936 fundou a Unión Argentina de Mujeres.

As súas viaxes por todo o mundo permitíronlle entrar en contacto cos principais expoñentes da literatura e o ámbito intelectual. Alentada por Waldo Frank e Eduardo Mallea, fundou en 1931 a revista e editorial Sur. En 1941 instalouse definitivamente na súa residencia de Vila Ocampo —actualmente pertencente á UNESCO—, que se converteu en lugar de recepción de figuras estranxeiras como Rabindranath Tagore, Albert Camus, Graham Greene, Igor Stravinskii, Saint-John Perse, Pierre Drieu La Rochelle, Roger Caillois, Ernest Ansermet ou Indira Gāndhi.

Única latinoamericana presente nunha das sesións dos xuízos de Núremberg, militou activamente na oposición ao peronismo, motivo polo cal foi arrestada durante 26 días en 1953. Foi presidenta do Fondo Nacional de las Artes desde 1958 a 1973 e recibiu diversas distincións, entre elas o doutoramento honoris causa por varias universidades e a Orde do Imperio Británico. En 1977 foi a primeira muller elixida membro da Academia Argentina de Letras.

Obra

• Testimonios (10 series, 1935-1977)
• Autobiografía (6 volumes, 1979-1984)
• De Francesca a Beatrice (1924; con prólogo de Ortega y Gasset)
• La laguna de los nenúfares (1926)
• Domingos en Hyde Park (1936)
• San Isidro (1941; cun poema de Silvina Ocampo e 68 fotografías de Gustav Thorlichen)
• Le Vert Paradis (1947)
• Lawrence d´Arabia (1947; publicado en francés e inglés)
• El viajero y una de sus sombras (1951)
• Lawrence de Arabia y otros ensayos (1951)
• Virginia Woolf en su diario (1954)
• Habla el algarrobo (1959)
• Tagore en las barrancas de San Isidro (1961)
• Juan Sebastián Bach, El hombre (1964)
• La bella y sus enamorados (1964)
• Diálogo con Borges (1969)
• Diálogo con Mallea (1969)

Véxase tamén

Bibliografía

• Ocampo, Victoria (1977). Testimonios: décima serie (1975-1977) (10 ed.). Sur. 
• Artes Gráficas Rioplatense, ed. (2003). Enciclopedia Universal Clarín del Estudiante. Argentina: Clarín. ISBN 950-782-320-4. 
• Horan, Elizabeth (2003). University of Texas Press, ed. This America of Ours: The Correspondence of Gabriela Mistral y Victoria Ocampo (2 ed.). Austin. 
• Muñoz Pace, Fernando (2010). Artes Gráficas Rioplatense S.A., ed. Fascículo "Entre la crisis y la guerra mundial" (13 ed.). Sol 90. pp. 12–13. ISBN 978-987-07-0873-5. 
• Vázquez, María Esther (1991). Victoria Ocampo. Planeta. ISBN 950-742-056-8. 
• Ruiz Guiñazú, Magdalena (2012). Secretos de familia. Random House Mondadori. ISBN 978-987-566-764-8. 

Ligazóns externas

• Proyecto Villa Ocampo Arquivado 27 de febreiro de 2018 en Wayback Machine.