Vermudo III

Na Galipedia, a Wikipedia en galego.
Vermudo III
Rei de Galicia
Rei de León
Rei Vermudo III de León no Tumbo A, da Catedral de Santiago de Compostela.

Reinado1028 - 1037
Nacemento1017
Falecemento4 de setembro de 1037
Batalla de Tamarón
SepulturaPanteón de Reis de San Isidoro de León
  • Mosteiro de Santa María la Real de Nájera
PredecesorAfonso V o Nobre
SucesorFernando I de León
DescendenciaAfonso (1030-1030)
ProxenitoresAfonso V o Nobre

Na rede
WikiTree: León-818

Vermudo III[1] foi rei da Galicia altomedieval[a] e do Reino de León[b] entre os anos 1028 e 1037.

Traxectoria[editar | editar a fonte]

Fillo do rei Afonso V o Nobre e a aristócrata galega Elvira Meendiz, casou con Ximena, filla de Sancho García, conde de Castela, e irmá da esposa de Sancho III O Maior de Navarra.

Herdou o goberno de Galicia (León), con apenas 17 anos de idade, sendo recoñecido como imperator in Gallecia", é dicir, "emperador en Galicia"[2], desde a cidade de León -entón capital do reino- tivo que facer fronte ás reclamacións territoriais que o reino de Navarra mantiña sobre o condado de Castela.

Tentou por esta razón propiciar un matrimonio entre a súa irmá, Sancha co conde castelán García Sánchez de Castela. Ao ser asasinado o conde castelán nas vésperas da voda pola familia rival (a familia Vela), herda o condado de Castela o rei navarro Sancho III O Maior que o cede ó seu fillo Fernando quen remata por casar con Dona Sancha. O feito de que o xove Vermudo III encabezase a primeira liña da carga de cabalaría e morrera dunha lanzada, permitiu aos navarros e casteláns vencer na batalla de Tamarón. Coa morte de Vermudo III, o trono galego recae na súa irmá, Sancha, que sería coroada como raíña. Finalmente, o casamento de Fernando propiciará que este sexa considerado "rei consorte" de Galicia (León).

Notas[editar | editar a fonte]

  1. Segundo a historiografía galega.
  2. Segundo a historiografía tradicional castelá.
Referencias
  1. "Vermudo". Diciopedia do século 21 3. Edicións do Cumio, Galaxia e do Castro. 2006. p. 2158. 
  2. Documento do ano 1029. San Juan de la Peña. [1][Ligazón morta].

Véxase tamén[editar | editar a fonte]

Os reis e as raíñas da Galiza.
Vermudo III. Un rei galego de principio a fin.
(Nós Diario, 06.10.2022)

Bibliografía[editar | editar a fonte]

Outros artigos[editar | editar a fonte]

Reino de Galiza

Segue a:
Afonso V
Vermudo III
Precede a:
Sancha I
Dinastía dos Ordoñez (910-1037)