Andeca
  | |
| Biografía | |
|---|---|
| Morte | 585 (Gregoriano) Beja |
| Rei dos suevos | |
| 584 – 585 ← Eborico – Leovixildo → | |
| Datos persoais | |
| País de nacionalidade | Reino suevo de Galicia |
Andeca ou Audeca gobernou o reino de Galicia entre os anos 584 e 585[1][2], sendo o derradeiro monarca suevo que tivo Galicia. Tras o seu destronamento, o monarca visigodo Leovixildo logrou anexionarase o Galliciense Regnum.
Traxectoria[editar | editar a fonte]
Ripáralle o trono ao seu predecesor Eurico, a quen enclaustrou nun mosteiro e casou coa súa muller coa fin de garantir a continuidade de sangue. Co gallo de mediar na desavinza dinástica, Leovixildo internouse en Galicia cos seus exércitos e, tras derrotalo, saqueou a capital (Braga), fíxose co tesouro real e anexionouse o Reino Suevo de Galicia.
Esta volvía á fe ariana na súa caste dirixente e ficaba convertida nunha unidade gobernativa e xurisdicional da monarquía visigoda de Hispania ao mando dun dux; este cargo será exercido en varias ocasións por fillos de monarcas que gobernaron a antigo territorio suevo a título de rei (Wamba, Vitiza). Andeca tamén foi obrigado a ingresar nun mosteiro, mais a nobreza que o aupara non semella que perdera, na nova dependencia política, o seu dominio territorial.
A crónica biclarense descualifícao como tirano ao non recoñecer a licitude da súa toma do poder e responsabilizalo da disputa que abriu as portas ao, tamén deostado pola crónica, rei Leovixildo.
Tentativa de independencia[editar | editar a fonte]
Tras o destronamento de Andeca por parte dos visigodos, un nobre de liñaxe real, descendente do rei Miro chamado Malarico, encabezou unha rebelión para liberar o reino de Galicia das mans visigodas. A forte presenza militar visigoda no reino acabaría coa revolta no ano 586 e Malarico, sería apresado pouco antes da morte de Leovixildo.
A finais do século XIX o historiador Benito Vicetto transcribiu o seu nome Andeca ou Audeca como Xandeza ou Xan Deza, relacionando a raíz etimolóxica deste nome coa comarca do Deza.[Cómpre referencia]
Notas[editar | editar a fonte]
- ↑ de Tours, Gregorio. Historia Francorum 6. p. 43.
Audica, (...) Galliciensim regnum obtenuit.
- ↑ Biclarensis, Iohannes (584). Chronicon.
Audeca in Gallaecia Suevorum regnum
Véxase tamén[editar | editar a fonte]
 Miro, Eborico e Audeca. Os derradeiros reis suevos da Gallaecia de 570 a 585. |
Bibliografía[editar | editar a fonte]
- López Carreira, Anselmo (2003). Os reis de Galicia. Vigo: Edicións A Nosa Terra. pp. 54–55. ISBN 84-96203-44-1.
Outros artigos[editar | editar a fonte]
Andeca Descoñecida Nacemento: ? Falecemento: ?
| ||
| Títulos Reais | ||
|---|---|---|
| Precedido por Eborico
|
Rei de Galicia 584–585 |
Sucedido por Leovixildo Invade o reino e faise co seu goberno |
| Reis suevos | Hermerico (409-438) · Requila (438-448) · Requiario (448-456) · Frantán (456-457) · Aguiúlfo (456-457) · Maldras (457-460) · Frumario (460-464) · Requimundo (459-463) · Remismundo (459-469) · Hermenerico · Veremundo · Teodemundo · Carriarico (550-559) · Teodomiro (559-570) · Miro (570-583) · Eborico (583-584) · Andeca (584-585) · Malarico (585) |  |
|---|---|---|
| Reis visigodos | ||
| Señores territoriais | ||
| Reis desde Oviedo | ||
| Reis desde León | ||
| Reis de Galicia e León | ||
