Vento ferido

Vento ferido
Instancia de obra literaria  Título Vento ferido (gl)
Características  Forma artística narración conto  Tema principal fatalismo violencia  Edicións en galego Vento ferido (1967)  Colección Colección Illa Nova  Lingua lingua galega
Implicados  Autor/a Carlos Casares
Datas  Data de publicación 1967
Historia  Sucedido por A galiña azul
Localización  Colección Colección Illa Nova  País de orixe España
Wikidata

Vento ferido é un libro de narrativa, composto por unha ducia de relatos breves, en galego, do ourensán Carlos Casares Mouriño, acompañados de catro ilustracións de Xulio Maside. Publicado por vez primeira en 1967 pola Editorial Galaxia.

“	Aos meus pais. A Merches e Xavier, meus irmáns. A Paco e Sira, bos amigos.	”
—   dedicatoria

Descrición

Os títulos das narracións que inclúe o texto son:

“	Calquera que pasa ten un rostro e unha historia.                   Cesare Pavese (cita inicial no libro)	”

Un fragmento do Nacemento de Venus de Botticelli empregouse para ilustrar a portada de Vento ferido .

"O xogo da guerra"

"Coma lobos"

"Cando cheguen as chuvias"

"Monólogo"

"Agarda longa ao sol"

"A capoeira"

"Vou quedar cego"

"A tronada"

"O Xudas"

"A rapaza do circo"

"O outro verán"

"Aparecerá pola esquina"

Debido ao relato dun paseo que se fai no conto "Coma lobos", a obra sufriu un intento de secuestro pola censura, que Francisco Fernández del Riego, avisado, evitou sacando os exemplares da editorial e agochándoos. Cando chegou a policía dixéronlles que xa se venderan todos. Logo diso, fíxose e distribuíuse unha segunda edición, reimprimindo a primeira, sen mudarlle a data.

Edicións, traducións e obras derivadas

Outro fragmento, neste caso da Morte de Procris, de Piero di Cosimo, empregouse para ilustrar a portada doutra edición.

Tres dos relatos, "Cando cheguen as chuvias", "Monólogo" e "Agarda longa ó sol", foran xa publicados no número 7 da revista Grial correspondente a xaneiro-febreiro-marzo de 1965. O libro apareceu, sucesivamente, nas coleccións Illa Nova, Galaxia·narrativa e Biblioteca Carlos Casares.

Foi publicado en inglés, co título Wounded Wind, pola editorial Planet (tradución de Rosa Rutherford, 2004); en castelán, co título Viento herido, polas editoriais Alborada (colección «La Locomotora», 1988), Punto de Partida (tradución de Mónica Álvarez, 2010) e Impedimenta (tradución de Cristina Sánchez-Andrade 2022, ilustracións de Xulio Maside) e en esperanto, co título de Vundita vento, pola editorial Espero (tradución de Suso Moinhos, 2019). Hai tamén traducións dalgúns relatos ao italiano e ao inglés.

Inspirada no libro, en 2015 fíxose unha curtametraxe dirixida por Miguel Grandío.

Véxase tamén

Bibliografía

• Basanta, Álgel (2012). "A traxectoria narrativa de Carlos Casares" en: AAVV: Revista Grial n.º 196, xaneiro de 2013.
• Galanes, Iolanda (2014). "Carlos Casares y la traducción: obra dispersa e inédita" (PDF). Quaderns. Revista de Traducció (en castelán) (21): 183–198. 
• Galanes, Iolanda e Luna Alonso, Ana (2016). "La larga vida de Vento ferido de Carlos Casares y sus traducciones". Hermēneus. Revista de Traducción e Interpretación (en castelán) (Universidad de Valladolid) (18): 93–118. 
• Tarrio Varela, A. (10/12/2002). "A obra narrativa de Carlos Casares" (PDF). Revista Galega do Ensino (38): 15–45. 
• Vilavedra, Dolores, ed. (2000). Diccionario da literatura galega. Obras III. Vigo: Editorial Galaxia. ISBN 84-8288-365-8. 

Outros artigos

• Xoguetes para un tempo prohibido
• Os escuros soños de Clío
• Ilustrísima

Ligazóns externas

• 'Vento ferido', medio século do nacemento dun clásico RAG, 10/2/2017.
• Vento ferido, a curtametraxe na páxina web da UVigo.