A galiña azul (libro)

Para outras páxinas con títulos homónimos véxase: A galiña azul.

A galiña azul é unha obra narrativa de literatura infantil de Carlos Casares, gañadora do 1º Premio do Concurso nacional de contos infantís O Facho no 1968 e publicada o mesmo ano por Galaxia na colección Tartaruga. Foi traducida ao ucraíno en 1987 por Myhajlo Lytvynec.

Contidos

Consta de cinco pequenas historias entrelazadas:

• "O peixe da fonte do xardín"
• "A bomba da felicidade"
• "A galiña azul"
• "A formiga esquiadora"
• "O final da historia da galiña azul".

Inclúen ilustracións de catro rapaces irmáns: Trichi, Ilda, Mima e Alberto García Alonso, fillos de Ricardo García Suárez (Xohán Ledo).

As historias son fantásticas, e nelas teñen protagonismo animais e homes con características peculiares e carácter entrañable. Os contos foron escritos para unha rapaza de 7 anos, Ana, que marchou cos seus pais a Cantabria, para que non esqueza as súas orixes galegas.

Véxase tamén

Outros artigos

• "A galiña azul" é o nome dos centros de educación infantil da Consellería de Educación e Ordenación Universitaria.

Ligazóns externas

• Ficha do libro na edición orixinal de 1968 na páxina da editorial.
• Ficha do libro na edición actualizada na páxina de editorial