Temes, Carballedo

Temes
	Igrexa de Santa María de Temes.
Concello	Carballedo
Provincia	Lugo
Coordenadas	42°27′49″N 7°45′16″O / 42.46366799, -7.75447223
Poboación	25 hab. (2019)
Entidades de poboación	9
	[ editar datos en Wikidata ]

Para outras páxinas con títulos homónimos véxase: Temes.

Santa María de Temes é unha parroquia que se localiza no concello de Carballedo, na comarca de Chantada. Segundo o padrón municipal de 2004 tiña 61 habitantes (33 homes e 28 mulleres), distribuídos en 8 entidades de poboación, o que supón unha diminución en relación ao ano 1999 cando tiña 70 habitantes. Segundo o IGE, no 2014 a súa poboación descendera ata os 38 habitantes, sendo 19 homes e 19 mulleres. En 2016 tiña 32 habitantes, 18 mulleres e 14 homes, segundo o INE.

Toponimia

O topónimo ten a base no medieval Temanes, que semella un antropónimo prelatino^[2].

Patrimonio

O Complexo de Temes, estudado polo padre Jaime Delgado^[3], é o máis importante tesouro arqueolóxico do concello e da contorna. Neste complexo histórico-arqueolóxico pódense diferenciar catro etapas.

Etapa prerromana e romana. Consérvanse varios castros na contorna e tamén o mesmo nome de Temes. Entre os romanos sobresae a ara dedicada ós deuses “Lares Viales”.
Etapa paleocristiá. Consérvase a tapa dun sartego (probablemente de entre 315-325), incrustada enriba do arco triunfal da igrexa. No seu ático nárranse iconograficamente tres escenas bíblicas: a Adoración dos Reis Magos, o pecado de Adán e Eva e o ciclo de Xonás. Nela sitúase a primeira inscrición cristiá de Galicia esculpida nunha pedra granítica: fides spes caritas (fe, esperanza, caridade).
Etapa cristiá-altomedieval. Sobresae unha pedra coa inscrición sagratio templi kl / dcbs in era dccc / (x) l (a) (i) ii. Traduciuse como: "A consagración do templo foi dous días antes das kalendas de decembro [30 de novembro], na era 843 [ano 805]". Consérvanse outras pezas da igrexa prerrománica.
Etapa renacentista: o sagrario do altar maior con Cristo saíndo do sepulcro entre os apóstolos Pedro e Paulo.^[4]

Unha das pezas do Complexo de Temes formou parte en 1991 da Exposición Galicia no tempo.

Lugares e parroquias

Lugares de Temes

Lugares da parroquia de Temes no concello de Carballedo (Lugo)
Alvite \| As Antes \| A Cuqueira \| A Enfonxa \| A Laxa \| Pasarín \| San Lourenzo \| Temes \| O Vao

Parroquias de Carballedo

Galicia | Provincia de Lugo | Parroquias de Carballedo

Notas

1 2 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
↑ Ares Vázquez, Nicandro (2013). Estudos de toponimia galega, tomo II. Real Academia Galega. ISBN 978-84-87987-85-4.
↑ Delgado Gómez, Jaime (1997). El Complejo de Temes. Los dos documentos cristianos, iconográfico uno y epigráfico otro, más antiguos de Galicia. Xunta de Galicia. ISBN 84-89468-29-X.
↑ "Complexo de Temes". Concello de Carballedo. Consultado o 15/10/2017.

Véxase tamén

Outros artigos

Lugares de Carballedo

Ligazóns externas

Complexo de Temes

[nomenclátor-1] 1 2 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[2] Ares Vázquez, Nicandro (2013). Estudos de toponimia galega, tomo II. Real Academia Galega. ISBN 978-84-87987-85-4.

[3] Delgado Gómez, Jaime (1997). El Complejo de Temes. Los dos documentos cristianos, iconográfico uno y epigráfico otro, más antiguos de Galicia. Xunta de Galicia. ISBN 84-89468-29-X.

[4] "Complexo de Temes". Concello de Carballedo. Consultado o 15/10/2017.

[1]

[2]

[3]

[4]