Taylor Swift

Taylor Swift

(2023)
Biografía
Nacemento	(en) Taylor Alison Swift 13 de decembro de 1989 (36 anos) West Reading
Relixión	Cristianismo
Educación	Hendersonville High School Wyomissing Area Junior/Senior High School
Actividade
Campo de traballo	Música pop e Música country
Ocupación	cantautora, cantante, letrista
Período de actividade	2003 -
Xénero artístico	Música pop e Música country
Patrimonio estimado	360 M$ (2019)
Tesitura	Mezzosoprano
Instrumento	Voz, guitarra, piano, Banjo e ukelele
Selo discográfico	Big Machine Records Republic Records
Familia
Parella	Travis Kelce (2023–) Joe Alwyn (2016–2023) Calvin Harris (2015–2016) Jake Gyllenhaal (2010–2011) Taylor Lautner (2009–2009) Tom Hiddleston John Mayer Harry Styles
Pais	Scott Swift   e Andrea Finlay
Irmáns	Austin Swift
Parentes	Marjorie Finlay, avoa
Premios
(2024)  Premio Grammy ao álbum do ano, premiado polo traballo Midnights../... 56+
Sinatura
Voz: Taylor Swift
Sitio web	taylorswift.com

Taylor Alison Swift, nada o 13 de decembro de 1989 en West Reading, Pensilvania, é unha cantante e compositora country e pop estadounidense. Entre os seus antepasados hai algúns coñecidos, como Richard Warren (c. 1580-1628), un peregrino do Mayflower, fundador da Colonia de Plymouth, Massachusetts, signatario do Pacto do Mayflower. A súa fortuna estimada é de 750 millóns de dólares, sendo a artista musical feminina máis rica tendo a música como única fonte de ingresos.

Traxectoria

Primeiros anos

Swift naceu e criouse en Reading, onde desenvolveu unha paixón pola música country desde moi nova. A súa primeira exposición á música veu a través das súas experiencias co karaoke e a formación vocal que recibiu durante a súa infancia. De adolescente, comezou a actuar en eventos locais na súa cidade natal, gañando recoñecemento pola súa habilidade para contar historias a través da súa música. Asinou o seu primeiro contrato discográfico aos 15 anos coa Big Machine Records.

Carreira

En 2006 publicou o seu primeiro sinxelo "Tim McGraw", que chegou ó número seis da lista country do Billboard. Máis tarde en outubro dese ano editou o seu primeiro álbum, que levaba o seu propio nome, os seus cinco sinxelos chegaron a estar os primeiros nas listas country.

Traballa coa discográfica independente Big Machine Records Segundo Nielsen SoundScan, Swift foi a artista que máis vendeu nos Estados Unidos en 2008, cunha venda combinada de máis de catro millóns de discos dos seus álbums, Fearless e Taylor Swift, que se situaron no número tres e seis respectivamente, con vendas de 2,1 e 1,5 millóns no ano. Taylor Swift está catalogada como triplo platino pola RIAA con 4 millóns de discos vendidos ata maio de 2009.

A comezos de 2009 converteuse na primeira cantante de country en contar con tres cancións con máis de dous millóns de descargas legais en Internet e o 18 de febreiro de 2009 o seu sinxelo, Love Story pasou a ser a canción country con máis descargas da historia e a primeira en ocupar o primeiro lugar no Mainstream Top 40.

En 2018 traballou con Live Nation e Ticketmaster na súa xira para tratar de limitar as vendas de billetes a revendedores e bots. Na súa xira de 2023, unha controversia coa fusión de Live Nation e Ticketmaster polas vendas das entradas fixo que se pronunciasen varios congresistas.

Filantropía

Taylor Swift é amplamente recoñecida polas súas accións benéficas. Foi galardoada por iso con distintos premios, incluíndo o "Star of Compassion" de Tennessee Disaster Services e o Big Help Award dos Nickelodeon Kids' Choice Awards. Entre as súas numerosas doazóns, destacan os 100.000 dólares que doou á Cruz Vermella para axudar ás vítimas das inundacións de Iowa en 2008, os 500.000 dólares que doou para as vítimas das inundacións de Tennessee en 2010, e 1 millón de dólares que doou para as vítimas das inundacións de Louisiana en 2016. En 2020, Swift doou 1 millón de dólares para o alivio dos tornados en Tennessee.

Tamén contribuíu significativamente a iniciativas de socorro após catástrofes naturais, como o furacán Harvey en 2017, e doou grandes cantidades a bancos de alimentos durante a súa xira Eras Tour en 2023. Ademais, empregou a negocios locais durante a súa xira e distribuíu 55 millóns de dólares en bonificacións ao seu equipo.

Swift é unha gran defensora das artes e da educación. Doou significativamente a varias institucións musicais e escolares, promove a alfabetización infantil, doando fondos e libros a escolas por todo EUA. Traballou coa Policía de Tennessee para fomentar a protección contra predadores en liña e tamén doou artigos a varias organizacións benéficas para poxas. Participou en diversas campañas de caridade relacionadas coa saúde, incluíndo Stand Up to Cancer e doou a hospitais infantís e organizacións de investigación do cancro. Ademais, Swift anima aos mozos a participar no servizo comunitario.

Swift tamén axudou a outros artistas, como Kesha, nas súas loitas legais e doou á organización Joyful Heart Foundation de Mariska Hargitay. É unha activista polos dereitos LGBT, e fixo doazóns ao movemento Black Lives Matter. Durante a pandemia da COVID-19, fixo doazóns á Organización Mundial da Saúde e a Feeding America, ademais de apoiar tendas de discos independentes. Tamén doou a RAINN para a Prevención do Asalto Sexual e axudou varias veces aos seus seguidores con gastos médicos ou académicos.

Véxase tamén

• Música country
• Música pop