Taylor Lautner

Na Galipedia, a Wikipedia en galego.
Taylor Lautner
Taylor Lautner Comic-Con 2012.jpg
Lautner no Comic-Con do 2012.
Nome completo Taylor Daniel Lautner
Nacemento 11 de febreiro de 1992 (25 anos)
Lugar Grand Rapids, Michigan, Estados Unidos de América Estados Unidos
Nacionalidade Estados Unidos de América
Profesión Actor, actor de dobraxe e modelo (2001–presente)

Taylor Daniel Lautner, nado en Grand Rapids (Míchigan) o 11 de febreiro de 1992, é un actor estadounidense e experto en artes marciais que participou en filmes como The Adventures of Sharkboy and Lavagirl in 3-D, Cheaper by the Dozen 2 (con Steve Martin) ou Twilight.

Traectoria[editar | editar a fonte]

Fillo de Dan e Deborah Lautner, ten raíces francesas, alemás e neerlandesas, e tamén parte de indio americano pola rama materna (máis especificamente, das tribos Potawatomi e Ottawa). Lautner comezou a estudar karate desde aos 3 ou 4 anos, adestrando en Fabiano´s Karate School, en Holland, Michigan. No ano seguinte comezou a gañar campionatos, sendo convidado a se adestrar co sete veces campión do mundo de karate, Michael Chaturantabut. Ós oito anos, foi seleccionado para representar o seu país na World Karate Association, onde gañou tres medallas de ouro na modalidade Junior World and Weapons.

Taylor comezou a súa carreira de actor despois de que o seu adestrador de artes marciais o persuadira para que acudira a un cásting nos Ánxeles. Aínda que ao cabo non o elixiron, gozou tanto da experiencia que decidiu continuar coa carreira da actuación. Deseguido, xunto coa familia trasladouse desde Míchigan ata California a fin de poder acudir a máis cástings. Aos 10 anos, a súa familia instalouse definitivamente nos Ánxeles para apoialo na súa carreira de actor a tempo completo. Tamén seguiu desenvolvendo a súa afección pola artes marciais e no 2003, con só 11 anos, situouse como número un no mundo do NASKA's Black Belt Open Forms, Musical Weapons, Traditional Weapons and Traditional Forms, e a idade de 12 anos, gañou o Campionato do Mundo Junior de Artes Marciais.

Faceta de actor[editar | editar a fonte]

No 2005, á idade de trece anos, encarnou no papel de Sharkboy na película de Robert Rodríguez The Adventures of Sharkboy and Lavagirl in 3-D. Tamén interpretou o papel de Elliot Murtaugh, o fillo do rival dos Baker, na película Cheaper by the Dozen 2, xunto con Steve Martin e Hilary Duff.

No 2008 foi elixido para o papel de Jacob Black, un licántropo con sangue nativo-americano, personaxe da saga literaria Twilight, de Stephenie Meyer. Taylor continuou encarnando a Jacob Black para as seguinte secuelas dos libros de Meyer, logrando así un papel máis protagonista. Lautner fixo tamén o papel de Jack Spivey, o fillo do protagonista da serie televisiva My Own Worst Enemy, xunto a Christian Slater. Porén, a serie foi cancelada no seu noveno episodio por non ter suficiente audiencia.

Filmografía[editar | editar a fonte]

Cine[editar | editar a fonte]

Ano Título Papel Notas
2001 Shadow Fury Kismet de neno
2005 The Adventures of Sharkboy and Lavagirl in 3-D Sharkboy
2005 Cheaper by the Dozen 2 Elliot Murtaugh
2008 Twilight Jacob Black
2009 The Twilight Saga: New Moon Jacob Black
2010 Valentine's Day Willy Harrinton
2010 The Twilight Saga: Eclipse Jacob Black
2011 Abduction Nathan
2011 The Twilight Saga: Breaking Dawn – Part 1 Jacob Black
2012 The Twilight Saga: Breaking Dawn – Part 2 Jacob Black
2013 Grown Ups 2 Andy

Televisión[editar | editar a fonte]

Ano Título Papel Notas
2003 The Bernie Mac Show Aaron 2 episodios
2004 My Wife and Kids Tyrone 1 episodio
2004 Summerland Rapaz na praia
2005 Danny Phantom Youngblood (voz) 3 episodios
2005 Duck Dodgers Reggie Wasserstein/Terrible Obnoxious Boy (voice) 2 episodes
2005 What's New, Scooby-Doo? Dennis/Ned (voz) 2 episodios
2006 Love, Inc. Oliver
2006 He's a Bully, Charlie Brown Joe Agate (voz) Especial de TV
2008 My Own Worst Enemy Jack Spivey

Véxase tamén[editar | editar a fonte]

Ligazóns externas[editar | editar a fonte]