Jameer Nelson

Na Galipedia, a Wikipedia en galego.
Jameer Nelson
Jameer Nelson.jpg
Orlando Magic – No. 14
Aleiro
Información persoal
Nacemento 9 de febreiro de 1982 (-17858 anos)
Flag of Pennsylvania.svg Chester, Pensilvania
Nacionalidade Flag of the United States.svg Estados Unidos
Altura 1,83 m (6 ft 0 in)
Peso 86 kg (190 lb)
Salario $6.138.888
Instituto Chester, Pensilvania
Información da carreira
Universidade St. Joseph's
NBA Draft 2004 / Rolda: 1 / Elección: 20

Escollido por Denver Nuggets

Carreira dende 1998
Premios e galardóns
NBA All-Star (2009)
Información en nba.com

Jameer Nelson, nado o 9 de febreiro de 1982 en Chester, Pensilvania, é un xogador profesional estadounidense de baloncesto que xoga nos Orlando Magic da National Basketball Association (NBA). Mide 1,85 metros e xoga de base.

Carreira[editar | editar a fonte]

Universidade[editar | editar a fonte]

Nelson comezou a súa carreira na Universidade de Saint Joseph's na tempada 2000-2001, facendo 6,5 asistencias por partido e batendo a marca da universidade de máis asistencias repartidas nunha soa campaña, con 213. Na súa tempada sophomore, liderou a conferencia en porcentaxe de tiros libres e finalizou segundo en anotación con 14.4. Fixo ademais 6.3 asistencias por partido, 16º na nación.

Pero non foi até a terceira tempada cando se asistiu á explosión como xogador de Nelson, facendo 19,7 puntos, 5,1 rebotes, 4,7 asistencias e 2,2 roubos de balón por partido. Anotou 39 puntos, marca na súa carreira universitaria, ante Dayton na segunda rolda do torneo Atlantic 10, a terceira mellor anotación na historia do torneo e a sexta na universidade. Esa campaña, Nelson e o seu compañeiro Delonte West, actualmente en Boston Celtics, liderou aos Hawks a un balance de 27-0 na tempada regular.

Nelson abandonou a universidade como o mellor xogador de todos os tempos de Saint Joseph's, liderando en anotación (2.094 puntos), asistencias (714) e roubos de balón (256). O seu número foi retirado pola universidade o 23 de abril de 2004. Debido á súa excelente tempada de junior, Nelson recibiu o Premio John R. Wooden, o Universitario do Ano e o Premio Adolph Rupp, entre outros, en 2004.

NBA[editar | editar a fonte]

Nelson foi seleccionado na vixésima posición do Draft da NBA de 2004 por Denver Nuggets, sendo inmediatamente traspasado a Orlando Magic a cambio dunha primeira rolda de 2005. Aínda que moitos prognosticaban que Nelson sería un Top 10, caeu até o posto 20, sendo adquirido finalmente por Orlando Magic, ansiosos dun base.

Comezou a súa carreira na NBA lentamente, xogando pouco nun principio. Trala marcha do base Steve Francis a New York Knicks, Nelson adquiriu máis protagonismo nos Magic, sendo a base titular do equipo. Na súa segunda campaña foise até os 14,6 puntos e 4,9 asistencias por partido, aumentando os 8,7 e 3 da tempada anterior. No seu primeiro ano na liga, foi nomeado no segundo mellor quinteto de rookies. Nos 77 partidos, todos eles de titular, que xogou na tempada 2006-07, Nelson fixo 13 puntos e 4,3 asistencias, estancándose no ano que parecía ser o da súa explosión na NBA. Con todo, xa ns tempada 2008-09, e a pesares dunha lesión, mellorou de xeito considerable os seus números, facendo 16,7 puntos, 5,1 asistencias e 3,0 rebotes por encontro.

Véxase tamén[editar | editar a fonte]

Ligazóns externas[editar | editar a fonte]