Al Jefferson

Na Galipedia, a Wikipedia en galego.
Al Jefferson
Xinjiang Flying Tigers  – No. 25
Información persoal
Nacemento 4 de xaneiro de 1985 (39 anos)
Mississippi Monticello, Mississippi
Nacionalidade Estados Unidos de América Estados Unidos
Altura 2,08 m (6 ft 10 in)
Peso oficial 131 kg (289 lb)
Posición Pivote / Ala-pivote
Información da carreira
Instituto Prentiss (Prentiss, Mississippi)
NBA Draft 2004 / Rolda: 1 / Elección: 15
Por Boston Celtics
Carreira desde 2004
Historial de equipos
Boston Celtics (2004–2007)
Minnesota Timberwolves (2007–2010)
Utah Jazz (2010–2013)
Charlotte Bobcats / Hornets (2013–2016)
Indiana Pacers (2016–2018)
Xinjiang Flying Tigers (2018–presente)
Premios e galardóns
3º Equipo All-NBA (2014)

Albus Ricardo "Al" Jefferson, nado o 4 de xaneiro de 1985 en Monticello, Mississippi, é un xogador de baloncesto profesional estadounidense que xoga como pivote ou ala-pivote nos Xinjiang Flying Tigers da Chinese Basketball Association (CBA). Seleccionado no Draft da NBA por Boston Celtics, xogou tamén nos Minnesota Timberwolves e nos Utah Jazz.

Traxectoria[editar | editar a fonte]

Nado en Monticello, Mississippi, formouse no instituto de Prentiss. Tras acabar a súa formación decide non xogar no baloncesto universitario e declararse elixiíbel para o Draft da NBA, onde é seleccionado polos Boston Celtics na posición 15 do Draft de 2004. Así, converteuse no primeiro xogador procedente do instituto en ser elixido polo equipo de Boston. No seu ano rookie cumpriu nas súas medias: 6,7 puntos e 4,4 rebotes por partido. A súa achega iría aumentando até chegar aos 16,0 e 11,00 rebotes por partido no seu terceiro ano. O 31 de xullo de 2007 é traspasado aos Minnesota Timberwolves no intercambio que enviaba a Kevin Garnett aos Celtics. Á tempada seguinte, cuns destacábeis números (21,0 puntos e 11,1 rebotes) asina unha extensión do seu contrato por 65 millóns de dólares por cinco temporadas.[1] O 13 de xullo de 2010, Jefferson é traspasado aos Utah Jazz a cambio de dúas futuras eleccións de primeira rolda. No equipo de Salt Lake City permanece tres temporadas, nas que rende a un gran nivel. En 2013 cambia de novo de equipo, chegando aos Charlotte Hornets. Na súa primeira temporada no equipo de Carolina do Norte consegue uns grandes números con 21,8 puntos e 10,8 rebotes por partido, sendo incluído no Terceiro equipo All-NBA.

Notas[editar | editar a fonte]

  1. "Jefferson's $65M extension isn't max deal, but he's satisfied". ESPN Sports (en inglés). 11 de febreiro de 2007. Consultado o 13 de agosto de 2015. 

Véxase tamén[editar | editar a fonte]

Ligazóns externas[editar | editar a fonte]