Dorell Wright

Na Galipedia, a Wikipedia en galego.
Dorell Wright
Dorell Wright 76ers.jpg
Axente libre
Ala
Información persoal
Nacemento 2 de decembro de 1985 (29 anos)
California Os Ánxeles, California
Nacionalidade Estados Unidos de América Estados Unidos
Altura 2,06 m (6 ft 9 in)
Peso oficial 93 kg (205 lb)
Información da carreira
Instituto Leuzinger (California)
South Kent (Connecticut)
NBA Draft 2004 / Rolda: 1 / Elección: 19

Por Miami Heat

Carreira dende 2004
Historial de equipos
Miami Heat (2004-2010)
Golden State Warriors (2010-2012)
Philadelphia 76ers (2012-2013)
Portland Trail Blazers (2013-2015)
Premios e galardóns
Campión da NBA (2006)

Dorell Lawrence Wright, nado nos Ánxeles (California) o 2 de decembro de 1985, é un xogador de baloncesto profesional estadounidense actualmente axente libre.

Traxectoria profesional[editar | editar a fonte]

Wright foi seleccionado na 19ª posición do Draft da NBA de 2004 polos Miami Heat. Entrou na NBA directamente dende o instituto, tras acadar 29.4 puntos, 14 rebotes e 5 tapóns por partido no South Kent School en Connecticut.

En 2006, Wright foi o membro dos Heat máis novo no plantel que gañou o primeiro campionato da NBA para Miami. O 21 de agosto de 2008, Wright asinou un novo contrato cos Heat[1].

Wright asinou cos Golden State Warriors o 13 de xullo de 2010[2]. O 27 de novembro de 2010, Wright anotou 9 triplas, a marca máis alta da franquía, superando a marca de Jason Richardson, con 8 triplas o 29 de marzo de 2007[3].

O 9 de febreiro de 2011, Wright foi seleccionado para participar no concurso de triplas do NBA All-Star Weekend de 2011 en Los Angeles[4]. Ao remate da tempada 2010-11, Wright rematou 3º na votación polo xogador máis mellorado da NBA, detrás de LaMarcus Aldridge e Kevin Love.

O 11 de xullo de 2012, Wright foi traspasado ós Philadelphia 76ers nun traspaso entre tres equipos. O 10 de xuño de 2013, asinou un contrato cos Portland Trail Blazers.[5]


Notas[editar | editar a fonte]

  1. Heat re-sign Wright
  2. Warriors Sign Free Agent Forward Dorell Wright
  3. «Wright's 9 3s lift Warriors over Timberwolves». NBA.com. Turner Sports Interactive, Inc. 27 de novembro de 2010. Consultado o 28 de novembro de 2010. 
  4. http://www.nba.com/warriors/news/dorell_wright_three_point_shootout.html
  5. «Trail Blazers Sign Dorell Wright». NBA.com. 10 de xullo de 2013. Consultado o 10 de xullo de 2013. 

Véxase tamén[editar | editar a fonte]

Ligazóns externas[editar | editar a fonte]