Sancho I de León

Para outras páxinas con títulos homónimos véxase: Sancho I e Sancho II.

Sancho I de León

Biografía
Nacemento	935
Morte	19 de decembro de 966 (30/31 anos)
Causa da morte	Veleno
Lugar de sepultura	Basílica de Santo Isidoro de León
Lista de monarcas de León
Datos persoais
País de nacionalidade	Reino de León
Relixión	Catolicismo
Actividade
Ocupación	político , rei
Lingua	Lingua castelá
Familia
Familia	Dinastía ástur-leonesa
Cónxuxe	Teresa Ansúrez (en)
Fillos	Ramiro III
Pais	Ramiro II   e Urraca Sánchez de Pamplona
Irmáns	Tareixa Ramírez, Ordoño III de León e Elvira Ramírez

Sancho I, o Craso, tamén coñecido como Sancho II, finado no ano 966, foi rei de Galicia en dous períodos 956-958 e 960-966.

Traxectoria

Miniatura de Sancho I. Tumbo A, Catedral de Santiago de Compostela.

Irmán de Ordoño III e fillo de Ramiro II. Foi coroado na Catedral de Santiago de Compostela. Contou co apoio de parte da nobreza galega, pero foi basculando as súas alianzas cara ao conde castelán Fernán González e o Reino de Navarra. Isto provocou unha grande contestación, o que derivou no seu destroamento e a coroación de Ordoño IV en Santiago de Compostela. Nesta sublevación da aristocracia, aínda que tivo como foco principal Castela, foi de importancia a participación de nobres galegos.

Refuxiouse na corte de Navarra. Abd al-Rahman III acolleuno en Córdoba, onde o curou da súa extrema gordura grazas aos servizos do famoso médico e poeta xudeu Hadsai.

Entón, Sancho acudiu xunto da súa avoa, a raíña Toda de Navarra, a quen pediu axuda para recuperar o seu reino. Fixo un trato cos árabes Abd al-Rahman e Hasday ibn Saprut, que lle axudaron a tomar Zamora en 959. Máis tarde, co apoio da nobreza leonesa e navarra, expulsou do trono a Ordoño IV.

O rei tardou pouco en esquecerse do seu acordo cos musulmáns, que pasaron entón a apoiar a Ordoño IV, aínda que o seu enfrontamento non pasou esta vez dunhas cantas incursións de castigo. Nos últimos anos do seu reinado sucedéronse as rebelións nobiliarias e afianzouse a independencia dos condes casteláns e galegos.

Tentou aglutinar ao conxunto da nobreza galega co apoio de Rosendo de Celanova, a quen puxo á fronte da igrexa de Santiago, en substitución do bispo Sisnando, que foi encarcerado por orde de Sancho. Porén con el aparecen sobre todo os nobres leoneses de Monzón (os Ansúrez), Saldaña e Cea. Casou cunha dama da casa dos Ansúrez, Teresa. Intentou gañarse a confianza dos magnates galegos. Para iso desprazouse ás terras portucalenses con nulo éxito, xa que alí foi envelenado polo conde galaico-portugués Gonzalo Muñoz.

Deixou como herdeiro ao seu fillo de cinco anos Ramiro III, que non sería recoñecido en Galicia.

Notas

Referencias

Véxase tamén

Os reis e as raíñas da Galiza.

Ordoño III e Sancho II. Uns reis enfrontados por Galiza. (Nós Diario, 28.09.2022)

Outros artigos

• Lista de reis de Galicia.
• Lista de reis de León.

Reino de Galiza
Segue a: Ordoño III	Sancho I de León (956 - 958)-(960 - 966)	Precede a: Ramiro III
	Dinastía dos Ordoñez (910-1037)