Ordoño IV

Ordoño IV
	;
Biografía
Nacemento	(es) Ordoño Alfonsez de León ; c. 925 ; Reino de Galicia
Morte	963 (37/38 anos); Córdoba
Lugar de sepultura	Basílica de Santo Isidoro de León
Monarca do Reino de Galicia
Datos persoais
Relixión	Catolicismo
Actividade
Ocupación	rei
Outro
Título	Rei de Galicia
Familia	Dinastía asturleonesa
Cónxuxe	Urraca Fernandes de Castela
Fillos	Vermudo II
Pais	Afonso IV de León e Oneca Sánchez de Pamplona

Ordoño IV, fillo de Afonso IV e da raíña Oneca Sánchez de Pamplona, e pai de Bermudo II^[1], foi rei de Galiza^[2]^[3] entre os anos 958 e 960.

Traxectoria

Após a expulsión de Sancho I o Craso, foi coroado rei en Santiago de Compostela, igrexa a prol da cal despachou varios documentos. Chegou ao trono co apoio da nobreza galega, en especial o do bispo Rosendo de Celanova, e do conde de Castela Fernán González.

Reinou nun período turbulento do Reino de Galiza marcado polo enfrontamento entre irreconciliables faccións nobiliarias galegas, castelás, asturianas ou da Terra de Foris. A imposibilidade de poñer orde nesta caótica situación granxeoulle unha pésima fama reflectida nas crónicas cristiás e musulmás. Determinada historiografía coñéceo como Ordoño IV o Mao.

No 958 casou con Urraca Fernández, filla do conde de Castela e viúva de Ordoño III, coa que tivo dous fillos, Bermudo e García. Este casamento, que procuraba o achegamento á nobreza castelá determinou o descontento de parte da nobreza galega.

Os fracasos na gobernación propiciaron que os mesmos que o apoiaran, entre eles San Rosendo, optasen pola volta de Sancho, no ano 959. Sancho entrou en Zamora co apoio das tropas musulmáns do califa Al-Hakam II. Ordoño refuxiouse en Castela até que Fernán González foi feito prisioneiro polo rei de Navarra García Sánchez.^[4] Finalmente acudiu a Córdoba a solicitar a axuda militar do califa cordobés.^[5] Segundo o tratado acadado, Ordoño compometíase a non levantarse contra o islam e a entregar do seu fillo García como refén.^[4] Porén, apercibido Sancho, apresurouse a enviar tamén unha embaixada a Córdoba ofrecendo a súa vasalaxe. O monarca andalusí aviuse a recoñecer a Sancho como monarca a condición de que este desmantelase certas fortalezas próximas ao seu territorio. Ordoño faleceu pouco despois (no 962 ou 963) en circunstancias non esclarecidas.^[6]

Notas

↑ Carriedo Tejedo, Manuel (2014). "La ascendencia de Vermudo II (982-999):Un rey educado en Santiago a la sombra de San Rosendo" (PDF). Annuarium Sancti Iacobi (3): 19–43.
↑ Carriedo Tejedo, Manuel (2019). "Gallaecia y Galicia (1)" (PDF). Rudesindus (en castelán) (12): 74. Arquivado dende o orixinal (PDF) o 30 de setembro de 2020. Consultado o 22 de xaneiro de 2021. el príncipe infiel de Galicia Ordoño (citando a Ibn Idari)
↑ Carballeira Debasa, Ana María (2007). Galicia y los gallegos en las fuentes árabes medievales (en castelán). CSIC. p. 158. de la familia de los reyes gallegos
1 2 Carriedo Tejedo, Manuel (2014). "La ascendencia de Vermudo II (982-999):Un rey educado en Santiago a la sombra de San Rosendo" (PDF). Annuarium Sancti Iacobi (3): 29.
↑ "Vídeo: Así foi a recepción do califa al-Hakam II ó rei Ordoño IV, tras perder o seu trono". Historia de Galicia. 2021-01-20. Consultado o 2021-01-22.
↑ Carballeira Debasa, Ana María (2007). Galicia y los gallegos en las fuentes árabes medievales. Instituto de estudos galegos Padre Sarmiento. pp. 158–159.

Véxase tamén

Bibliografía

López Carreira, Anselmo (2003). Os reis de Galicia. Vigo: Edicións A Nosa Terra. ISBN 84-96203-44-1.

Outros artigos

Reino de Galiza
Segue a: Sancho II	Ordoño IV (958-960)	Precede a: Sancho II
Segue a: Sancho II	Dinastía dos Ordoñez (910-1037)	Precede a: Sancho II

[1] Carriedo Tejedo, Manuel (2014). "La ascendencia de Vermudo II (982-999):Un rey educado en Santiago a la sombra de San Rosendo" (PDF). Annuarium Sancti Iacobi (3): 19–43.

[2] Carriedo Tejedo, Manuel (2019). "Gallaecia y Galicia (1)" (PDF). Rudesindus (en castelán) (12): 74. Arquivado dende o orixinal (PDF) o 30 de setembro de 2020. Consultado o 22 de xaneiro de 2021. el príncipe infiel de Galicia Ordoño (citando a Ibn Idari)

[:202-3] Carballeira Debasa, Ana María (2007). Galicia y los gallegos en las fuentes árabes medievales (en castelán). CSIC. p. 158. de la familia de los reyes gallegos

[:0-4] 1 2 Carriedo Tejedo, Manuel (2014). "La ascendencia de Vermudo II (982-999):Un rey educado en Santiago a la sombra de San Rosendo" (PDF). Annuarium Sancti Iacobi (3): 29.

[5] "Vídeo: Así foi a recepción do califa al-Hakam II ó rei Ordoño IV, tras perder o seu trono". Historia de Galicia. 2021-01-20. Consultado o 2021-01-22.

[6] Carballeira Debasa, Ana María (2007). Galicia y los gallegos en las fuentes árabes medievales. Instituto de estudos galegos Padre Sarmiento. pp. 158–159.

[1]

[2]

[3]

[4]

[5]

[6]

v c e Monarcas de Galicia
Reis suevos	Hermerico (409-438) · Requila (438-448) · Requiario (448-456) · Frantán (456-457) · Aguiúlfo (456-457) · Maldras (457-460) · Frumario (460-464) · Requimundo (459-463) · Remismundo (459-469) · Hermenerico · Veremundo · Teodemundo · Carriarico (550-559) · Teodomiro (559-570) · Miro (570-583) · Eborico (583-584) · Andeca (584-585) · Malarico (585)
Reis visigodos	Monarcas visigodos Reinado de Vitiza
Señores territoriais	Primeiros señores territoriais Os reis "usurpadores"
Reis desde Oviedo	Reinado de Afonso II Dinastía dos Ramírez
Reis desde León	Dinastía dos Ramírez Dinastía dos Ordóñez
Reis de Galicia e León	Dinastía galaico-navarra Dinastía de Borgoña
Reino de Galicia