San Andrés y Sauces

San Andrés y Sauces
Localización
	28°48′16″N 17°46′27″O / 28.80446689, -17.77416798
Estado	España
Comunidade autónoma	Illas Canarias
Provincia	Provincia de Santa Cruz de Tenerife
Poboación
Poboación	4.296 (2024) (100,49 hab./km²)
Xeografía
Superficie	42,75 km²
Bañado por	Océano Atlántico
Altitude	260 m
Comparte fronteira con	Barlovento ; El Paso ; Puntallana
Organización política
• Alcalde	Francisco Javier Paz Exposito
Identificador descritivo
Código postal	38720
Fuso horario	UTC+01:00, horario estándar; UTC+02:00, horario de verán
Código INE	38033
Sitio web	sanandresysauces.es

Para outras páxinas con títulos homónimos véxase: San Andrés.

San Andrés y Sauces é un municipio español pertencente á provincia de Santa Cruz de Tenerife. Está situado no nordés da illa canaria de La Palma.

Ten unha extensión de 42,75 km² e unha poboación de 4.860 habitantes (INE, 2011). A altitude do centro do municipio (Los Sauces) é de 250 metros sobre o nivel do mar.

Durante algún tempo foron dous pobos separados, San Andrés na costa e Los Sauces nas medianías. Tras a crise da cana de azucre iniciouse o declive de ambos o que produciu que finalmente se unisen. Debido a ser lugar de paso da estrada do norte, Los Sauces creceu en poboación mentres que San Andrés estancouse.

O municipio destaca pola súa masa boscosa de laurisilva, os seus profundos barrancos, os seus bancais e cultivos de plátanos. Algúns lugares de interese son o barranco e bosque de Los Tilos, Los Nacientes de Marcos e Cordero, El Molino El Regente, El Charco Azul (piscinas naturais), El Puerto Espíndola, Igrexa de San Andrés, así como os núcleos de poboación, onde atopamos boas mostras de arquitectura tradicional.

A economía vira en torno ao plátano principalmente, sendo o único outro cultivo de importancia a cana de azucre, que se usa na única destilería da illa para fabricar o Ron Aldea. Outro cultivo minoritario é o iñame, que se cultiva nas ladeiras húmidas encharcadas dos barrancos. Os sauceros son coñecidos na Palma como "Ñameros".

Na costa atópase Puerto Espíndola, un pequeno porto pesqueiro que anteriormente foi a principal vía de comunicación do municipio, antes de que se construíse no século XX a estrada.

Na costa atópanse tamén as piscinas naturais do Charco Azul, pequeno centro turístico do municipio.

Véxase tamén

Ligazóns externas

Sitio web do concello Arquivado 15 de febreiro de 2012 en Wayback Machine. (en castelán)