Os cantís de Alajeró constitúen un sitio de interese científico, onde habitan especies endémicas ameazadas e protexidas. A aguia pescadora ten aquí unha zona de nidificación. Ao sur destes cantís atópase o Monumento Natural da Caldera, expoñente do volcanismo máis recente da Gomera. Tamén nos termos deste municipio atópase a Paisaxe Protexida de Orone.
O barranco de Santiago separa ao municipio de San Sebastián de la Gomera, e desemboca en Praia Santiago, pobo pesqueiro que se converteu nun dos puntos de desenvolvemento turístico da Gomera. Outras praias a mencionar de Alajeró son a de Erese e a da Negra.
Algúns edificios a destacar son a igrexa de San Salvador e a Ermida da nosa Señora do Bo Paso. A mediados de setembro ten lugar a festa na súa honra, tendo lugar, con manifestacións do folclore gomero, as procesións de baixada o 14 e a de subida o 15.
Ten unha poboación de 2.142 habitantes (INE, 2007). Os principais núcleos de poboación son Alajeró Casco, Playa Santiago, Targa, Antoncojo, Imada e Arguayoda.
.jpg?lang=gl)
