S/2004 S 3

Na Galipedia, a Wikipedia en galego.
S/2004 S 3
S2004 S 3 - PIA06115.png
imaxe do descubrimento de S/2004 S 3
Descubrimento
Descuberta por Cassini Imaging Science Team.
Descuberta no 21 de xuño do 2004
Características orbitais
Eixo semi-maior 140.100 − 140.600 kms[1][2][3]
Excentricidade < 0,002 [4]
Período orbital ~0,62 d
Inclinación próxima a cero
Satélite de Saturno
Características físicas
Diámetro medio 3-5 kms
Período de rotación probablemente é síncrono
Albedo  ?
Cor  ?
Tipo espectral  ?

S/2004 S 3 é a designación provisional dun obxecto aínda sen confirmar que foi visto orbitando Saturno dentro da parte externa do anel F o 21 de xuño do 2004. Foi descuberto polo Equipo de Imaxes da Cassini a partir de imaxes tomadas pola sonda Cassini o 21 de xuño do 2004[3] e descubrimento foi anunciado o 9 de setembro do 2004.[5]

A pesar das tentativas por 'recuperalo', non se puido volvelo ver. E máis, unha secuencia de 'recuperación' dun período orbital completo feita o 15 de novembro do 2004 cunha resolución de 4 kms, non foi capaz de 'recuperar' este obxecto. Isto suxire que puido ser unha compactación temporal de material que xa se disipara cando se fixo a secuencia de recuperación.[1]

Outro obxecto, S/2004 S 4 sería detectado 5 horas despois, xusto na parte máis interior do anel F. Recibiría este obxecto unha designación nova, pero suxírese a posibilidade de que S3 e S4 son ou foron un único obxecto que cruzaría o anel F.[5] Este obxecto tamén podería estar orbitando cunha inclinación lixeiramente diferente respecto do anel F, co cal non atravesaría o anel de material, a pesar de que foi visto tanto no interior coma no exterior deste anel.

Despois de todo, se S/2004 S 3 é un obxecto sólido, podería ter un diámetro (baseándose no seu brillo) de 3−5 kms, tamén podería ser unha lúa pastor da parte exterior do anel F.

Notas[editar | editar a fonte]

  1. 1,0 1,1 Spitale, J. N.; e o seu equipo. (2006). "The orbits of Saturn's small satellites derived from combined historic and Cassini imaging observations". The Astronomical Journal 132 (2): 692–710. doi:10.1086/505206. 
  2. IAUC 8432: Satellites and Rings of Saturn November 8, 2004 (reclamando a recuperación de S/2004 S 3 o 17 de outubro do 2004, en conflito máis tarde (2006) con Spitale e o seu equipo.)
  3. 3,0 3,1 Martinez, C; Ormrod, G; and Finn, H.; Cassini Discovers Ring and One, Possibly Two, Objects at Saturn JPL news release (9 de setembro do 2004)
  4. Baseada no rango de eixo semi-maior dado por Spitale e o seu equipo. (2006)
  5. 5,0 5,1 IAUC 8401: S/2004 S 3, S/2004 S 4, and R/2004 S 1 9 de setembro do 2004 (descubrimento)

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]