Remourelle, Arante, Ribadeo

Para outras páxinas con títulos homónimos véxase: Mourelle.

Remourelle
O Pozo Mouro, no rego de Lexoso.
Parroquia	Arante
Concello	Ribadeo
Coordenadas	43°30′37″N 7°11′02″O
Poboación	63 hab. (2022)
[ editar datos en Wikidata ]

Remourelle é unha entidade colectiva de poboación da parroquia de Arante no concello lugués de Ribadeo, na comarca da Mariña Oriental. Segundo o IGE, en 2022 tiña 63 habitantes (25 homes e 38 mulleres).

Toponimia

O topónimo Remourelle ten a súa orixe na forma *riuŭ maurĕllī, a partir do substantivo río (do latín rīuŭ) co xenitivo do antropónimo maurĕllŭs. Aparece documentado en dúas atestacións medievais do Tombo de Lourenzá como Riu Maurelli e Rio Maurilii.

Xeografía

A aldea de Remourelle engloba sete entidades singulares de poboación:

1. Os Dioses
2. Os Fornos
3. A Madanela
4. As Pereiriñas
5. Portobragán de Abaixo
6. Portobragán de Arriba
7. Rego de Mel

Está limitada polo concello de Barreiros (ao norte polo monte Penalonga e ao oeste pola Insua, na parroquia de Cabarcos), pola aldea de Noceda, na parroquia da Devesa (ao leste), e pola estrada LU-133 Reme-Vilamar (ao sur). Á súa beira meridional tamén corre o rego de Lexoso, que máis adiante dá lugar ao río Grande.

Galería de imaxes

• 
  Remourelle, dende o camiño Norte de Santiago
• 
  A LU-133 en Remourelle. Ponte sobre o rego de Lexoso.
• 
  Ponte no rego de Lexoso

Lugares e parroquias

Véxase tamén

Outros artigos

• Lugares de Ribadeo