Rafael Álvarez Alarcia

Rafael Álvarez Alarcia

Biografía
Nacemento	18 de xullo de 1938 Santander
Morte	5 de febreiro de 2024 (85 anos) Irún
Altura	1,77 m
Actividade
Ocupación	futbolista
Período de actividade	1958 - 1975
Deporte	fútbol
Posición de xogo	Gardameta
Traxectoria   Deporte base – Real Unión   Equipo 1958–1961 Touring Kirol Elkartea 1961–1962 → cesión:  Unión Popular de Langreo 1961–1966   Real Oviedo 1967–1970   Real Zaragoza 1970–1971   RCD Mallorca 1971–1974   Celta de Vigo 1974–1975   Deportivo Alavés

Rafael Álvarez Alarcia, nado en Santander o 18 de xullo de 1938, é un exfutbolista cántabro que xogaba na demarcación de gardameta.

Traxectoria

Aínda que naceu en Santander con oito anos trasládase a Irún, onde comezou a xogar nas categorías inferiores do Real Unión de Irún. De aí pasou ao Touring de Rentería antes de fichar polo Real Oviedo, xa en Primeira División, onde xogou cinco tempadas. A finais da tempada 1966/67 ficha polo Real Zaragoza, onde militou outras tres tempadas.

En 1970 ficha polo RCD Mallorca, por aquel entón en Segunda División, porén ao ano seguinte volve a Primeira, fichando polo Celta de Vigo, onde xogaría de titular indiscutíbel os dous primeiros anos pero no seu terceiro e último ano perdería esta condición fronte ao uruguaio Aguirre, xogando so nove encontros.

Durante os seus anos en Vigo participou no debut do Celta na Copa da UEFA xogando o encontro de volta da primeira eliminatoria, na que o equipo galego quedou eliminado ante o Aberdeen FC escocés.

A súa última tempada en activo no fútbol profesional foi a 1974/75 xogando en Segunda División no Deportivo Alavés.