Pecten

Na Galipedia, a Wikipedia en galego.
Saltar ata a navegación Saltar á procura

Pecten
Rango fósil: cretáceo - actualidade
70,6 - 0 Millóns de anos
Pecten jacobaeus.jpg
Valva superior de Pecten jacobaeus
Clasificación científica
Reino: Animalia
Filo: Mollusca
Clase: Bivalvia
Subclase: Pteriomorphia
Orde: Pectinida
Superfamilia: Pectinoidea
Familia: Pectinidae
Subfamilia: Pectininae
Tribo: Pectinini
Xénero: Pecten
Muller, 1776
Especie tipo
Ostrea maxima
Linnaeus, 1758 [1]
Especies
Véxase o texto
Sinonimia
Véxae o texto

Pecten é un xénero do moluscos bivalvos mariños, que é o tipo da da orde dos pectinidos, da superfamilia dos pectinoideos, da familia dos pectínidos, da subfamilia dos pectinininos e da tribo de igual nome (Pectinini en latín).[1]

O xénero é coñecido no rexistro fósil desde o período cretáceo até o período cuaternario (desde hai 70,6 millóns de anos até a actualidade). Atopáronse cunchas fósiles deste xénero en todo o mundo.[2]

Taxonomía[editar | editar a fonte]

Descrición[editar | editar a fonte]

O xénero foi descrito en 1776 polo naturalista danés Otto Friedrich Müller, na súa obra Zoologiæ Danicæ Prodromus, seu Animalium Daniæ et Norvegiæ indigenarum characteres, nomina, et synonyma imprimis popularium. Havniæ: Hallageri. (Ver dixitalizado).[1][3]

Etimoloxía[editar | editar a fonte]

Müller tomou o nome Pecten do latín clásico pecten, -inis, "peite", e tamén o nome dunha "especie de ostra comestíbel" (seguramente unha vieira).[4]

Especies[editar | editar a fonte]

Segundo o WoRMS, o xénero comprende as seguintes especies:[1]

Porén, o ITIS e más a ADW só recoñecen tres especies:[5][6]

  • Pecten chazaliei
  • Pecten eucymatus
  • Pecten maximus

Características[editar | editar a fonte]

Estes bivalvos caracterízanse por teren unha das dúas valvas da súa cuncha máis voluminosa cá outra, que é plana e de cor máis escura, normalmente parda. Coñécense vulgarmente como vieiras ou cunchas de Santiago, nalgúns idiomas.

Son hermafroditas, cando son novas son machos, e despois fanse femias. Porén, algúns autores din que poden seren hermafroditas simultáneos.[7]

Viven no mar, en fondos areosos de até 100 m de profundidade, non moi lonxe da costa. Desprázanse ao pechar rapidamente as valvas das súas cunchas. Algúns son comestíbeis moi demandados polos gourmets, en particular a vieira propiamente dita (Pecten maximus).

En estado salvaxe actúan como depuradores, filtrando a auga salgada, unha función que é especialmente importante en épocas de exceso de algas (por exemplo, nes mareas vermellas) que poidan poñer en risco o equilibrio do ecosistema.

En Europa hai dúas especies de vieiras, Pecten jacobaeus, que vive nos fondos areosos do Mediterráneo, e Pecten maximus, que vive en fondos areosos do Atlántico nordeste.

Na industria[editar | editar a fonte]

Desde 1904 utilizase unha cuncha de Pecten como logotipo da compañía petroleira Royal Dutch Shell.

Galería de imaxes[editar | editar a fonte]

Notas[editar | editar a fonte]

  1. 1,0 1,1 1,2 1,3 Pecten O. F. Müller, 1776 no WoRMS.
  2. Fossilworks.
  3. Havniae era o nome latino de Copenhaguen.
  4. pecten no Merriam-Webster Unabriged Dictgionary.
  5. Pecten Muller, 1776 ni ITIS.
  6. Pecten na ADW.
  7. Micheline Martoja (1995). Mollusques. Institut océanographique. p. 95. ISBN 978-2-9035-8113-8. 

Véxase tamén[editar | editar a fonte]

Bibliografía[editar | editar a fonte]

  • Gofas, S.; Le Renard, J. & Bouchet, P. (2001): "Mollusca". En: Costello, M. J. et al. (eds), European Register of Marine Species: a check-list of the marine species in Europe and a bibliography of guides to their identification. Paris: Patrimoines Naturels. 50: 180-213.
  • Vaught, K. C.; Tucker Abbott, R. & Boss, K. J. (1989): A classification of the living Mollusca. Melbourne: American Malacologists. ISBN 0-9158-2622-4.

Outros artigos[editar | editar a fonte]

Ligazóns externas[editar | editar a fonte]