Afonso IV de León

Na Galipedia, a Wikipedia en galego.
Saltar ata a navegación Saltar á procura
Afonso IV de León
Alfonso IV de Leon.jpg
Nacemento899
 Galicia
Falecementoagosto de 933
 Monasterio de San Julián y Santa Basilisa de Ruiforco
SoterradoBasílica de Santo Isidoro de León
NacionalidadeReino de León
Relixióncatolicismo
Ocupaciónrei
PaiOrdoño II
NaiElvira Menéndez
CónxuxeOnega Sanches de Pamplona
FillosOrdoño IV
IrmánsRamiro II e Sancho I
editar datos en Wikidata ]

Afonso IV de León e Galiza (falecido en 933), cognominado o Monxe, foi rei de toda Galiza altomedieval[1] de 925 a 931.

Fillo máis vello de Ordoño II de Galiza, non ascendeu ao trono por morte do pai en 924, tendo a Ordoño sucedido o tío Froila II; coa morte deste no ano seguinte, sendo Afonso o descendente máis vello de entre os fillos de Ordoño e Froila, tornouse rei na cidade de León. Trala morte do seu irmán Sancho Ordóñez, Afonso IV pasou a actuar como rei de toda Galiza, desde a sede de León. Nesas condicións sería difícil asegurar a gobernación, tendo resignado en favor do seu irmán Ramiro II, e entrado de seguida nun mosteiro. Inconstante, porén, no seu carácter, tomou armas co fillo de Froila (Afonso Froilaz) contra Ramiro, tendo suspendido a súa renuncia ao trono, por un lado, e a vida monástica por outro. Ramiro derrotouno, mandouno cegar e colocouno baixo prisón no mosteiro de Sahagún, onde viría a falecer en 933. Ordoño IV, futuro rei de Galiza era seu fillo.

"Cando morreu Froila fillo de Ordoño, rei de Galiza[2], a quen deus maldiga (...) os cristiáns fixeron rei no seu lugar ao seu irmán Afonso fillo de Ordoño, a quen lle disputou o trono o seu irmán Sancho fillo de Ordoño, maior que el, o cal entrou en León, capital do reino dos galegos, como opoñente do seu irmán Afonso, sendo apoiado por algúns galegos, mentres que outros se mantiveron fieis a este (...) até que acordaron depór a Sancho e expulsalo de León, uníndose baixo o rei Afonso fillo de Ordoño.
Sancho fuxiu entón ao extremo de Galiza, cuxa poboación o recoñeceu e entronizou, sendo súa unanimemente, mentres os seu irmán Ramiro fillo de Ordoño (...) detentaba a zona adxacente desde o oeste de Galiza até o límite de Coimbra.
Ao pouco morreu Sancho na rexión onde se tiña refuxiado, sen deixar fillos, co que esta pasou ao rei unanimemente aceptado, Afonso, que xa non tivo competidor no poder e reinou sete anos. Posteriormente, mudou de parecer e, chamando ao seu irmán Ramiro, entregoulle o reino, abdicou e fíxose monxe, ingresando nun dos seus venerados mosteiros, onde morou algún tempo, alleo ao poder".
Ibn Haián - Muqtabis V[3]

Notas[editar | editar a fonte]

  1. Que parte da historiografía actual prefire dividir en Reino de Galiza e reino de León.
  2. "Ḏj̲illīḳiyya na Encyclopédie de l’Islam". referenceworks.brillonline.com/. Consultado o 25/11/2019. 
  3. Carballeira Devasa, Ana María (2007). Galicia y los gallegos en las fuentes árabes medievales. p. 150. 
Blason Léon.svg
Reino de León

Segue a:
Afonso Froilaz
Afonso IV de León
Precede a:
Ramiro II de León
Astur-Leonesa
Escudoreinogaliza.svg
Reino de Galiza

Segue a:
Sancho Ordóñez
Afonso IV de León
Precede a:
Ramiro II de León
Astur-Leonesa