Obxectivo: a Lúa

Na Galipedia, a Wikipedia en galego.

Obxectivo: a Lúa (Objectif Lune) é un álbum de aventuras de As aventuras de Tintín, escrito e ilustrado polo autor de banda deseñada Hergé. Publicouse en francés en 1954.

Argumento[editar | editar a fonte]

Regresando ao Castelo de Moulinsart da súa anterior aventura, Tintín e o capitán Haddock decátanse de que o profesor Silvestre Tornasol foise a Syldavia. Tras reunirse con el no país balcánico descobren que Tornasol atópase traballando nunha planta secreta de investigación atómica no corazón do macizo montañoso de Zmylpathes. O profesor foi contratado polo goberno syldavo para dirixir a construción dun foguete atómico a bordo do cal farase a primeira viaxe tripulada á Lúa.

A partir de aí toda a aventura desenvólvese na estación espacial e os montes circundantes. Asisten á construción do foguete (que se parece a un V2 alemán), ás primeiras probas e ao seu propio adestramento como astronautas (pouco intenso para o que serán os adestramentos de astronautas reais anos máis tarde). Ao mesmo tempo, deberán lidar cun misterioso complot, aparentemente dirixido pola veciña Borduria, que pretende sabotar o proxecto. Os inefables Hernández e Fernández son enviados para axudar coas investigacións.

Finalmente, a pesar das dificultades, o foguete está listo e engala cara ao seu destino. Aí interrómpese a trama, que continuará no seguinte volume: Explorando a lúa.

Curiosidades[editar | editar a fonte]

O volume foi publicado tres anos antes do lanzamento do Sputnik, o primeiro satélite artificial, e quince anos antes do primeira aluaxe tripulada. A pesar do adianto e as doses de imaxinación, Hergé usou unha incrible cantidade de documentación técnica, o que a converte na máis rigorosa historia da serie.

A modo de anécdota, dicir que o foguete vai equipado con material óptico «da fábrica de Jena», tratándose, obviamente, de instrumentos de precisión da fábrica de Carl Zeiss. Hergé parece obviar que Jena naquel momento formaba parte da República Democrática Alemá, polo que é pouco imaxinable a colaboración dun país do bloque do Leste nun proxecto espacial syldavo.