Leticia Dolera

Na Galipedia, a Wikipedia en galego.
Saltar ata a navegación Saltar á procura
Leticia Dolera
Leticia Dolera, XIV Premis Gaudí (2022).jpg
Nacemento23 de outubro de 1981
Lugar de nacementoBarcelona
NacionalidadeEspaña
Ocupacióndirectora de cine, guionista, actriz de teatro, actriz de cinema e actriz
PremiosSant Jordi Prize e Turia Awards
Na rede
IMDB: nm1206701 Allocine: 103931 Rottentomatoes: celebrity/leticia_dolera Allmovie: p372850 TCM: 1641861
Twitter: LeticiaDolera Instagram: leticiadoleraoficial Editar o valor em Wikidata
editar datos en Wikidata ]

Leticia Dolera (Barcelona, 23 de outubro de 1981) é unha actriz, guionista, directora de cine e escritora española.[1] Foi a gañadora do Festival de Series de Cannes en 2019 por Vida perfecta, da que foi actriz protagonista, creadora, directora e coguionista xunto a Manuel Burque, sendo a primeira española en obter este galardón por un audiovisual español.

É directora da longametraxe Requisitos para ser una persona normal —gañador de tres premios do Festival de Málaga en 2015 e tres nomeamentos nos Premios Goya en 2016—, das curtas "Lo siento, te quiero" —gañador no Fantastic Fest de 2010—, A ou B, Habitantes e Vuelta al mundo e das series de televisión Bloguera en construcción e Vida perfecta, gañadora do Festival de series de Cannes 2019 á mellor serie e á mellor interpretación feminina.

Traxectoria[editar | editar a fonte]

Na súa faceta de actriz, foi a protagonista de [•REC]³: Génesis, El espejo, Prime time, Wendy placa 20957, Kënu, Violet ou Que te juegas?. Participou en series de televisión como Al salir de clase, Hospital Central, Los Serrano, Guante blanco, El barco, Cites, Bajo sospecha; en miniseries como Actrices, Atlánticas; en telefilmes, tales como Presuntos Implicados, Cuatro estaciones; e en películas como El otro lado de la cama, Semen, una historia de amor, panish Movie, De tu ventana a la mía, Holmes & Watson. Madrid Days, Los últimos días, Kamikaze, La novia, ou Verónica.

A súa traxectoria internacional inclúe papeis en películas como a holandesa "La mujer del emperador" de Julien Vrebos, a británica Imagining Argentina de Christopher Hampton, a estadounidense Un café en cualquier esquina de Ramin Bahrani, a italiana Imago Mortis de Stefano Bessoni, a miniserie francesa Petits meurtres en famille, a serie británica Mad Dogs, ou a miniserie estadounidense The Nightmare Worlds of H.G. Wells.

Apoia a industria da curtametraxe intervindo en títulos como Fábrica de muñecas, Para no dormir, Cucharada, Luna di miele, luna di sangue VII, Indirizzo, 6 x persona, Hazte extranjero, Hogar, hogar ou El palo.

Leticia Dolera na Seminci 2011

Naceu en Barcelona o 23 de outubro de 1981. Na súa formación destacan nomes como Eric Morris, con quen estudou interpretación en Los Ángeles, na escola de Juan Carlos Corazza e na de Nancy Tuñón. Tamén estudou canto con Susana Domènech, jazz con Karen Taft, danza clásica con Coco Comín e xogo e improvisación con Peter Gadish. Na actualidade reside en Madrid.

A súa traxectoria profesional comezou na serie Al salir de clase, na que interpretou o papel de Ángela entre 2000 e 2002. A partir de aí comezou a súa carreira cinematográfica na que destacan títulos como El otro lado de la cama (2002); Imagining Argentina (2002); Semen, una historia de amor (2005) ou Un café en cualquier esquina (2005), película estadounidense dirixida por Ramin Bahrani que tivo tres nomeamentos aos Independent Spirit Awards. Tamén continuou intervindo en series de televisión, entre elas Los Serrano, Hospital Central ou Guante blanco.

En 2015 escribiu, dirixiu e protagonizou a súa primeira película xunto ao actor e guionista Manuel Burque, titulada Requisitos para ser una persona normal. A película gañou no Festival de Málaga os premios a mellor guión novel, fotografía e montaxe.[2] Foi finalista dos premios Goya 2016 con tres nomeamentos: mellor actor revelación para Manuel Burque, mellor dirección novel para Dolera e mellor montaxe.[3]

Leticia Dolera en Madrid en 2016
Leticia Dolera nos Premios Goya 2018

En febreiro de 2018 publicou Morder la manzana. La revolución será feminista o no será. (editorial Planeta). É o libro -declara a autora- que a ela lle gustaría ler cando era adolescente. Trátase dun texto moi persoal onde, a través de vivencias persoais, reflexións e repaso da historia do feminismo, transmite a importancia de rebelarse contra o sistema patriarcal.[4][5]

En 2018 presentou na A Ser o programa Tramas Mestras, xunto a Pilar de Francisco e Henar Álvarez, dentro da programación estival da cadea do Grupo PRISA.[6] En setembro de 2018 foi a encargada de realizar o pregón das Festas da Mercè de Barcelona, cun discurso no que reivindicou valores como o respecto e a convivencia, defendeu unha visión feminista da cidade e reivindicou o teatro e o cine comprometido.[7][8] Dolera quixo compartir o pregón coa activista social de orixe hondureño, Carmen Juares, quen denunciou na súa intervención a explotación laboral que sofren as mulleres inmigrantes traballadoras do fogar e dos coidados.[9]

En outubro de 2019 estreouse en Movistar+ a serie Vida perfecta, protagonizada e dirixida por ela mesma.[10][11][12] Logrou dous premios en Canneseries en 2019, á mellor serie e á mellor interpretación feminina, que recaeu ex aequo nas tres protagonistas, Celia Freijeiro, Aixa Villagrán e a propia Dolera.[13][14]

Filmografía[editar | editar a fonte]

Recoñecementos[editar | editar a fonte]

Notas[editar | editar a fonte]

  1. Sancho, X. (2018). "Me molesta lo de las damas primero". El País, jueves, agosto 30, p. 40, sección Conversaciones a la Contra. (Consultado martes, 7 de enero del 2020)
  2. "Palmarés del 18 Festival de Málaga. Cine Español". 25 de abril de 2015. Consultado o 7 de febreiro de 2016. 
  3. "Goya 2016". Consultado o 9 de agosto de 2017. 
  4. SER, Cadena (27 de febreiro de 2018). "Leticia Dolera: "Se nos llama putas si gozamos de nuestra sexualidad o monjas cuando decimos no"". Hoy por hoy (en castelán). Consultado o 27 de febreiro de 2018. 
  5. "'Morder la manzana', el libro feminista de Leticia Dolera que grita contra el patriarcado y el machismo". laSexta.com (en castelán). Consultado o 27 de febreiro de 2018. 
  6. "Leticia Dolera estrena 'Tramas maestras' dentro de la programación de verano de la Cadena SER". Cadena SER. 8 de junio de 2018. Consultado o 9 de julio de 2018. 
  7. "Mercè 2018: El pregón feminista de Leticia Dolera y Carmen Juares". 21 de septiembre de 2018. Consultado o 27 de agosto de 2019. 
  8. Piñol, Àngels (23 de septiembre de 2018). "La actriz Leticia Dolera pide a Barcelona que abra los ojos". El País. ISSN 1134-6582. Consultado o 1 de agosto de 2018. 
  9. "La actriz Leticia Dolera y la trabajadora migrante Carmen Juárez comparten pregón de la Mercé para reivindicar "la Barcelona invisibilizada y feminista"". eldiario.es. 21 de septiembre de 2018. Consultado o 27 de agosto de 2019. 
  10. Fernández-Santos, Elsa (18 de octubre de 2019). "Crítica | ‘Vida perfecta’, de Leticia Dolera: Feminismo para principiantes". El País (en castelán). ISSN 1134-6582. Consultado o 21 de octubre de 2019. 
  11. Belinchón, Gregorio (23 de septiembre de 2019). "“Es curioso cómo ansiamos lo que no tenemos”". El País (en castelán). ISSN 1134-6582. Consultado o 26 de octubre de 2019. 
  12. Salazar, Octavio (25 de octubre de 2019). "Querer no siempre es poder". El País (en castelán). ISSN 1134-6582. Consultado o 26 de octubre de 2019. 
  13. "Leticia Dolera, sobre 'Vida perfecta': "Claro que hay sexo; a las mujeres el placer también nos atraviesa"" (en castelán). 18 de octubre de 2019. Consultado o 26 de octubre de 2019. 
  14. "Leticia Dolera celebra por todo lo alto el estreno de su serie "Vida Perfecta" - Hola, 21 de octubre de 2019".