Los Serrano

Los Serrano
Formato	Comedia familiar
Creado por	Daniel Écija Álex Pina
Intérpretes	Antonio Resines Belén Rueda Jesús Bonilla Verónica Sánchez Fran Perea Natalia Sánchez Víctor Elías Jorge Jurado Antonio Molero Nuria González Alejo Sauras Goizalde Núñez Alexandra Jiménez Julia Gutiérrez Caba
Tema de apertura	"Uno más uno son siete" (Fran Perea)
País de orixe	España
Episodios	147
Produción
Duración	80 minutos (aprox.)
Emisión orixinal
Canle de orixe	Telecinco
Primeiro episodio	22 de abril de 2003
Derradeiro episodio	17 de xullo de 2008
Na rede
http://www.losserrano.telecinco.es/
[ editar datos en Wikidata ]

Los Serrano foi unha serie de televisión producida por Globomedia e emitida orixinalmente pola canle española Telecinco entre o 22 de abril de 2003 e o 17 de xullo de 2008, durante oito tempadas. Relata os enredos da familia Serrano, que vive na Rolda de Santa Justa nº 133, situado no ficticio barrio de Santa Justa, na Ribeira do Manzanares, en Madrid. A familia rexenta a taberna Hermanos Serrano.

Desde a súa estrea, foi un dos espazos con maior audiencia da canle, sendo o programa máis visto en España en 2004 e mantendo de forma regular o liderado de audiencia na súa franxa horaria.

Ademais do apoio do público, a serie recibiu tamén múltiples premios, entre os que destacan o Ondas á Mellor serie española, o Micrófono de ouro, o Fotogramas de Prata, o Premio Zapping ou o da Academia da Televisión, entre outros.

Personaxes

O elenco da serie estaba formado nun principio pola familia Serrano, propietaria da Taberna Serrano, e a familia Martínez, que posuía un taller e estaba fortemente vinculada ó colexio Garcilaso de la Vega.

Personaxes actuais

A familia Serrano

• Diego Serrano Moreno (Antonio Resines): Taberneiro, de cincuenta anos e afeccionado ó fútbol, pai viúvo de tres fillos homes. Obsesionado con manter a paz na familia a toda costa, e en ocasións moi malpensado, vendo cousas onde non as hai, o que el mesmo chama a mirada sucia. Ó morrer Lucía sofre desconcerto, pero logra refacer a súa vida a carón de Celia.
• Guillermo "Guille" Serrano (Víctor Elías): é o segundo irmán, que empezou a serie con 11 anos. É o máis trasno e burlón e encántalle meterse en leas. No colexio é o líder do grupo de amigos, formado por Boliche, Valdano e DVD. Namorouse profundamente da súa medio irmá Teté, á que inicialmente odiaba a morte e renegaba de ser o seu medio irmán, pero tras uns malentendidos, ela decide abandonar a relación. Trala volta das vacacións de 2007, nas que foi a visitar ó seu irmán a Tolosa, coñeceu a Sandrine e furxiron a Marrocos para vivir como hippies. O seu pai tróuxoo de volta a Santa Justa e posteriormente Sandrine abandonouno. Ó final da sétima tempada confesa a Teté o seu amor repasando toda a súa relación mediante post-its, e volven xuntos. Madurou moito desde o inicio da serie, tanto academicamente como no seu bo facer e na súa sensatez. No cuarto episodio da última tempada déitase con Teté e planean írense vivir a Barcelona.
• Francisco "Curro" Serrano (Jorge Jurado): é o menor da familia. Narra e introduce cada episodio desde a súa visión infantil. É un neno tímido, cariñoso e sensible, que empezou a serie con 8 anos. Ó longo da serie foi namorando de rapazas como Sara ou Cris, pero coa chegada do seu curmán Juan desaparece a súa faceta de neno bo. No penúltimo capítulo atropela ó churreiro do barrio, polo que no último é levado a comisaría.
• María Teresa "Teté" Capdevila Gómez (Natalia Sánchez), a irmá pequena de Eva, ten 11 anos ó principio da serie. Vai a clase con Guille, e a súa mellor amiga é Yoly. É bastante impetuosa e atractiva, mesmo con rapaces maiores, saíndo un tempo con Richi, un delincuente xuvenil, e namorando a Boliche e DVD. Saíu unha tempada co seu medio irmán Guille, ó que deixou por un malentendido co seu amigo DVD. Foi vivir co seu pai a Barcelona trala morte da súa nai, pero acaba volvendo ó barrio. Volve disposta a recuperar a Guille, pero este mantén unha nova relación con Sandrine, o que pon celosa a Teté. Ó final da sétima tempada volven xuntos, tras confesarlle o seu amor mediante unha carta.
• Doña Carmen Casado (Julia Gutiérrez Caba), nai de Lucía e avoa de "todos", unha muller viúva que encontrou na súa familia un apoio incondicional, axudando e mediando na casa da familia. Aínda que non comparte as ideas e modais de Diego e Santiago, sente un profundo cariño cara eles. Mantivo unha relación con Francisco Serrano e algún que outro curto namoramento de Santiago Serrano. Durante o seu período de casada, o seu marido mantiña relacións coa criada, á que chamaba Mi Gitana

Os Serrano Salgado

• Santiago Serrano Moreno (Jesús Bonilla), é o irmán maior de Diego e socio da taberna, ademais de presidente do Santa Justa F.C. Casado, idolatra ó seu falecido pai e teno como modelo a seguir. É agarrado, malpensado, solitario e rosmón. O seu maior medo é quedar só na vida. Casa con Lourdes, a profesora de relixión do Colexio Garcilaso, e tras moitos problemas, debidos ós malos hábitos alimenticios de Santi, concibiron un neno. Ese mesmo día, Santi, tras uns malos investimentos na bolsa, perdeu o capital da Taberna Serrano, que foi comprada por Emilia, que contratou a Santi e a Diego de camareiros, pero finalmente volven comprar a taberna. No último capítulo nace a súa filla.
• María Lourdes "Lourditas" Salgado Fernández (Goizalde Núñez), é a beata profesora de relixión do colexio, que posteriormente casa con Santiago. É moi boa cos nenos, que a toman como obxecto constante das súas bromas. Debido á súa fe e á forte educación da súa nai, é moi tímida cos homes, e aínda que desde o principio da serie saíu varias veces con Santiago, non chegaron a conxeniar, e incluso case decide ordenarse monxa e marchar de misións tras un desengano con el. Pero despois casan e teñen primeiro a Santiaguín e no último capítulo nace unha filla.
• Adela Fernández (María Alfonsa Rosso), é a nai viúva de Lourditas. É moi posesiva coa súa filla, e mantívoa criada nunha ríxida moral, o que creou en Lourditas bastantes problemas á hora de consumar o matrimonio. Odia ó seu xenro Santiago, e é correspondida por este, e sofren encontróns cada vez que se encontran.
• Santiago "Santiaguín" Serrano Salgado, é o fillo de Santiago e Lourditas.

Os Martínez

• Fructuoso Guillermo "Fiti" Martínez Carrasco-Lavín (Antonio Molero), é o mellor amigo de Diego e Santi. Ten a mesma idade que Diego. Mecánico de profesión, e bastante arriscado, fantasioso e excéntrico. Estaba profundamente namorado da súa muller, Candela. É de orixe murciana. É un home de costumes, e adoita pasar o día tomando canas e tapas na Taberna Serrano, pero non sempre as paga. Os xoves acostumaba ir cear ó restaurante chinés con Candela, mantendo o costume co seu fillo Raúl. Os disparates que saen da súa cabeza pásanlle factura, e acostuma liar ós seus amigos nas súas sospeitas conxugais ou nos seus ambiciosos plans e delirios de grandeza, como cando creu ser familiar dun marqués. Estas cavilacións levárono a innumerables pelexas cos seus amigos e a súa muller, da que estivo separado nun par de ocasións, e levárono dúas veces ó bordo do suicidio. Tras separarse definitivamente de Candela, abandonou o piso da familia, instalouse en casa dos Serrano e vendeu o taller por 100 millóns de pesetas, que investiu en bolsa duplicando así o capital investido. Animou a Santi a xogarse a taberna en bolsa, mediante unha empresa financeira pantasma, facéndolles caer a el e a Diego na bancarrota. El mesmo arruinouse ó comprar en México un hotel a piques de ser demolido, téndose que unir ó equipo de camareiros da nova dirección da Taberna Serrano. Logo dun ano compartindo con Raúl o sofá-cama de casa de Diego, marcharon a compartir un piso con Choni e José Luis. Trala recompra da taberna polos irmáns Serrano, encontrou un emprego nun taller mecánico, e posteriormente decidiu abrir un novo taller xunto ó seu filo Raúl: Fiti and Son. Ó final o amor é benévolo co entrañable Fiti e no último capítulo decláraselle Ana, irmá de Candela.
• Raúl Martínez Blanco (Alejo Sauras), é o mellor amigo de Marcos. Está obsesionado coas mulleres, e é tan excéntrico como o seu pai. É malo nos estudos, e intentou desde xogar no Real Madrid, a ser baixista ou modelo. Primeiro namorouse e mantivo unha fugaz relación con Eva, e máis adiante da mellor amiga desta, África. É máis sensible do que aparenta, aínda que é infiel por natureza. A súa debilidade polas mulleres ocasionoulle grandes problemas con África, coa que cortou e se reconciliou innumerables veces. Tivo varios traballos nos que nunca triunfou, entre eles, no Colexio Garcilaso como bedel, como cobrador de morosos, ou como bolseiro na oficina do taller onde traballaba o seu pai. É pai dun neno chamado Adrián. A nai, logo de sorprendelo coa noticia e deixar ó neno ó seu coidado, levouno con ela a California. Rexentaba xunto ó seu pai o taller mecánico Fiti and Son. No último capítulo retoma a súa relación con África.
• María Asunción "Choni" Martínez Carrasco (Pepa Aniorte), é a irmá de Fiti, que volve a Santa Justa para coidar de Fiti, tralo abandono de Candela. Dedicou a súa vida a ser cantante de orquestra de vodas e verbenas, e ten un marcado acento murciano. É de fácil palabra, populacheira, namoradiza e afeccionada ó pipermín. Instalouse en casa dos Serrano, ó separárense Diego e Lucía, namorándose de Diego (sen que el o quixese). Posteriormente mantivo unha relación con José Luis, o irmán de Lourditas, co que acaba casando. Traballa de bedel do colexio Garcilaso. Na última tempada élle infiel a José Luís con Nacho, o chacineiro.
• José Luis Salgado Fernández (Javier Gutiérrez), coñecido tamén como Chiquitín ou Josico (tal como o chama Choni), é o irmán "universitario" de Lourditas. É un timador profesional. Vén de Salamanca fuxindo dos seus acredores, e instálase en Santa Justa despois de Santi saldarlle a débeda, a condición de non facer sufrir máis á súa irmá. Tras unha relación sobresaltada con Choni, acaban casando, e decide sentar cabeza, dicindo que se enrolou nun barco pesqueiro que faena no cabo de Fornos, cando realmente estaba na prisión de Alhaurín, tras ser inculpado por unha mafia dun delito que non cometera, tras ganarlles unha timba de póquer. Participa na recompra da Taberna Serrano, da que é novo socio. Na última tempada marcha a León a cobrar unha herdanza, pero en vez de regresar, marcha a facer negocios xunto a Flavio Briatore. Tras velo nun xornal no iate do italiano, Fiti, Diego e Santi van recuperalo, pensando que marchara do barrio definitivamente, pero finalmente soluciónase todo e volve xunto a Choni.

O grupo de Guille e Teté

• José María Bellido, "Boliche", (Andrés de la Cruz), é un amigo de Guille, con obesidade mórbida. É o fillo do Fritangas, coñecido personaxe do barrio, e estivo namorado de Teté.
• David Borna, "DVD", (Adrián Rodríguez), é un rapaz afeccionado á informática, ó break dance e ó hip hop. Estivo namorado de Teté, que nunha ocasión utilizouno para dar celos a Guille.
• Matías Scobich, "Valdano" (Juan Luppi), arxentino e un dos amigos incondicionais de Guille. Namorouse da súa profesora, Lucía. Na 3ª tempada regresou ó seu país, pero volveu na 5ª.
• Yolanda "Yoli" Bellido (Sara López). É a mellor amiga de Teté e a irmá de Boliche. Ó igual que o seu irmán, recheíña, e ademais usa lentes, motivo polo que está cohibida. É unha rapaza idealista que busca o seu primeiro amor; está namorada de Valdano. Ten moi boas notas e é obxectivo das mofas de Guille e os seus amigos.

Docentes do Colexio Garcilaso

• Fernando González (Ales Furundarena), aínda que é chamado erroneamente por Diego, Santi e Fiti como Fermín. É o psicólogo do colexio e aconsella a Diego en infinidade de ocasións para que poida axudar á súa familia. É homosexual, e Diego e Santi intentan devolverlle o favor axudándoo a saír do armario e intentando que a súa anterior parella, Carlos, volva con el. Animou a Diego a estudar un curso de psicoloxía.
• Celia Montenegro (Jaydy Michel), é a profesora de inglés. Nacida en México, e de educación europea. É unha moza doce e refinada, e no seu pasado foi modelo e unha grande estrela das telenovelas mexicanas, e está separada dun afamado escritor brasileiro. Trala súa chegada a Madrid e ó Garcilaso, convértese en grande amiga de Choni, e namórase de Diego, co que acaba vivindo.
• África Sanz (Alexandra Jiménez), filla dun policía, foi a moza formal de Raúl e a mellor amiga de Eva. Traballa no colexio Garcilaso como profesora de danza. Deixouno con Raúl definitivamente despois de que este descubrira a súa relación en segredo con Manu. Ó rematar a serie estaba embarazada de Gael, o irmán pequeno de Celia, e logo de fortes dúbidas, decide quedar con Raúl, sen quen non pode vivir.

Personaxes pasados recorrentes

• Amancio "Padre" Serrano (Representado tamén por Jesús Bonilla). É o pai de Diego e Santi, e fundador da Taberna Serrano. Orixinario da Alcarria, onde tiña unha taberna, trasladouse a Madrid para fundar a Taberna Serrano cos seus fillos. Ten un gran parecido físico con Santiago, ó que lle transmitiu o carácter rosmón e intransixente. O seu retrato preside a Taberna Serrano.
• Francisca "Madre" Moreno (Goizalde Nuñez). É a nai dos irmáns Serrano. Tiña preferencia por Diego. Segundo relata no seu diario, tivo unha relación extramarital co Aceituno, Pablo Prieto, un aceituneiro da Alcarria, antes de que Diego nacera, polo que Diego temía que fose o seu auténtico pai biolóxico. Ten un gran parecido físico con Lourditas.
• Fausto. O porco co que estaba encariñado Santiago de neno, ó máis puro estilo de rosebud en Cidadán Kane. Padre fixo un trato co Aceituno cambiándolle o porco por unha bici para Diego, facéndolles crer ós rapaces que o soltara e que vivía felizmente na Dehesa. Criouse como un irmán máis e acostuma aparecer nas fotos familiares.

Personaxes anteriores

Los Serrano

• Lucía Gómez Casado (Belén Rueda), profesora de lingua castelá, primeiro amor de Diego. Posteriormente trasladouse a Barcelona e casou con Sergi Capdevila, un empresario barcelonés co que tivo dúas fillas. Dezasete anos despois divorciáronse, e accidentalmente picóuselle unha roda mentres conducía camiño da casa da súa nai, en Santa Justa, e Diego axudoulle a reparala. Os dous decidiron recuperar o tempo perdido, casando no 2003 e mudándose ela e as súas fillas á casa de Los Serrano sen sequera coñecerse os rapaces. É a máis conciliadora da casa, e moi paciente ante os problemas e as paranoias de Diego. Faleceu inesperadamente tras un accidente de trafico na porta do hospital cando viña de visitar ó fillo acabado de nacer de Santi e Lourditas.
• Marcos Serrano (Fran Perea): É o fillo maior de Diego. Comezou a serie con 17 anos, sendo o dianteiro estrela do equipo Santa Justa FC, onde xoga con Raúl. É un romántico empedernido, encántalle compor cancións coa súa guitarra, que herdou da súa nai, e chegou a intentar ser fichado polo mercado discográfico. Namorado da súa medio irmá Eva, tras moitos problemas familiares e ser acusado polo seu pai de incestuoso, logran formalizar unha relación que tras unha infinidade de altibaixos, incluída a convivencia en Barcelona, case culmina en voda, sendo abandonada polos dous no momento do "Si, quero". Finalmente foron vivir a Tolosa, onde Eva estuda psicoloxía, e teñen unha filla, Chloé. Volve de vez en cando a visitar á familia.
• Eva Capdevila Gómez (Verónica Sánchez). É a filla maior de Lucía, e ten 17 anos ó empezar a serie. Amante da poesía e a literatura, non encaixa desde un principio na casa dos Serrano, nin en Madrid. Saía con Joan Manuel, un músico hippie. Despois tivo unha curta relación con Raúl, e máis adiante unha profunda e conflitiva relación co seu medio irmán Marcos, chea de altibaixos e problemas familiares, que os leva ó bordo do altar. Posteriormente trasládase a Barcelona primeiro, e despois a Tolosa con Marcos, onde estuda psicoloxía logo de teren unha filla, Chloé.
• Sergi Capdevila. É o ex marido de Lucía e pai das rapazas. É un exitoso empresario barcelonés moi adiñeirado, que se opuxo a que as súas fillas marcharan vivir a Madrid, e de cando en cando ofrecíalles bolsas e mellores posibilidades para volveren con el. Sufriu un cancro que foi tratar a Houston con Lucía como acompañante.
• Francisco Serrano Moreno (Alfredo Landa), o primoxénito dos fillos de Padre, irmán moito maior que Santi e Diego. Emigrou a México hai máis de trinta anos, e non volveu a ter contacto coa familia. Tralo seu regreso a España intentou enganar á familia, contándolles incribles historias sobre a súa etapa como matador de touros e como home de negocios, encandilando a todos menos a Santiago, que sabe que todo é mentira. Tivo un fillo, Dieguito, cunha vedete cubana. Namora a Carmen, coa que mantén unha relación con ánimo de lucro. Tras ser reprendido por Santi e posteriormente perdoado, decide volver a México.
• Ruth Castell Capdevila (Leticia Dolera). É filla de Carma, irmá de Sergi. Viviu en casa dos Serrano unha tempada. É a curmá liberal de Eva e mantivo unha relación con Álex.
• Chloé Serrano Capdevila, Filla de Marcos e Eva.
• Pepe Can da familia Serrano, que se encarga de coidar Currito.
• Manuel "Manu" (Pablo Galán), fillo de Nuria, irmá de Sergi, e curmán das Capdevila. Barcelonés que vai a Madrid buscando un "cambio de aires". Estuda INEF, é deportista e ten grande éxito entre as rapazas. O seu tío Diego alcúmao Espartaco, e repróchalle constantemente que se pasee sen camisola pola casa, debido a que hay muchas hormonas revoloteando por la casa en alusión a Teté. Encontra traballo como profesor de actividades extraescolares no Colexio Garcilaso, e no seu tempo libre practica ciclismo. Aínda que primeiro namorou á súa curmá Teté, mantivo unha relación con África durante máis de seis meses. É bastante fachendoso, o que causa amargura a Teté.

Outros

• Benito, pai de Marta, defunta esposa de Diego, tras ser infiel á súa esposa na propia cama matrimonial con La pollera, e ser descuberto, foi vivir uns días á casa de Los Serrano.
• Sagrario, nai de Marta e esposa de Benito, tralos seus cornos foi vivir á casa de Los Serrano, pero despois reconciliouse con Benito, mercede á intervención de Carmen.
• Tía Enriqueta Moreno, tía de Santi e Diego que vive na aldea, é irmá de Francisa "Madre", e coñecía a súa relación co "Aceituno". Noutro capítulo nomea a tódolos seus irmáns: Eulalia, Avelino e Antonio.
• Diego "Dieguito" Serrano é o fillo cubano de Francisco, froito dunha relación espontánea. É un mozo duns vinte anos, negro e de dous metros de altura. Criouse nunha granxa coa súa nai, e coñeceu ó seu pai no funeral desta, contándolle que foi un matador de touros de renome en España. Créndolle, viaxou a España para coñecer á súa familia e converterse en toureiro. Tras unha capea ilegal, sofre unha cornada, na que intervén a Garda Civil. Ante a ameaza da deportación, Diego ofrécese a casar con el para que obteña a nacionalidade, baixo o risco da acusación de incesto. Visto o asunto, Dieguito decide volver a Cuba, deixando unha nota.

Os Martínez-Blanco

• Candela Blanco Fernández (Nuria González), a ex-muller de Fiti, profesora de historia, e logo directora do colexio. É a mellor amiga de Lucía e muller de Fiti. É coñecida como La Urraca polos seus alumnos. Separouse de Fiti tras coñecer a un profesor canario de Leganés, Julián, nunha convención de profesores, e marchou con el ás Canarias, deixando sós a Fiti e a Raúl.
• Fructuoso Martínez Lavín (José Luis López Vázquez), é o viúvo pai de Fiti e de Choni, coa que non fala. Tivo unha moza alemá chamada Uta. Viviu en Benidorm, aínda que tras estafar ós seus socios tivo que fuxir a América. Pedíralle matrimonio á súa defunta esposa cantando unha jota murciana. Nun erro de guión, nun capítulo anterior Fiti refírese a el como Victoriano Martínez Lavín, xa falecido.
• Andrés Blanco Fernández (Jorge Fernández). É o sofisticado irmán de Candela e Ana Blanco. Durante a primeira tempada foi director do Garcilaso, e presidente do Santa Justa FC. Non se leva ben co seu cuñado Fiti, que é totalmente oposto a el, aínda que comparten a afección polas motos.
• Adrián Martínez. É o fillo de Raúl. Ten 5 anos, e é froito dunha relación efémera cunha amiga, María. Aparece na súa porta cunha carta da súa nai, dicindo que non se podía facer cargo del. Tras un tempo coidándoo e un intento de quedar coa custodia, María regresou en busca del e marchan a Los Angeles.

Outros

• Tilín Martínez, o primeiro Martínez con estudos. É un sobriño de Fiti, estudante de veterinaria que sedou a Santi nun episodio.
• Ángeles Muñoz, a cantante de Camela, é unha filla non recoñecida de Don Fructuoso. Choni descubriuno ó colarse no camerino dun concerto dela, e descubrir unha foto na que saen as dúas co seu pai.
• Mariví Fernández de la Era (María Luisa Merlo). Nai de Candela, Andrés e Ana. Viu a Santa Justa para que a súa filla lle pedise cartos ó seu tío Eusebio, irmán do marido de Mariví, que se chama Andrés Blanco.

Estudantes do Garcilaso

• Helena (María Bonet), coñeceu a Raúl nunha festa, e mantivo con el unha fugaz relación. Raúl levouse unha gran sorpresa ó ver que Helena chega á súa clase como estudante e se fai íntima amiga de África, a súa moza. O pai de Helena é un representante de futbolistas.
• Alex Chacón (Alex Barahona). É un ligue de Eva, que tras moitos rifirrafes uniuse ó grupo e matriculouse no colexio para estar máis cerca de Eva, a pesar de vivir no outro extremo da cidade. Alcúmano el bombero debido á súa vocación, que exerce na seguinte tempada. Abandonou a serie xunto a Helena, ó tomarse un ano sabático arredor do mundo.
• Octavio "Chucky" Salas (Jimmy Barnatán). É amigo de Marcos e Raúl. É o máis chanchulleiro dos tres, e acostumaba colaborar nos plans de Raúl.
• Susana "Su" (María Hervás). É a filla de Emilia, a propietaria temporal da Taberna Serrano. Criada en Milán, ten fama de problemática, repetiu dúas veces o mesmo curso, e está na clase de Guille. Sufriu grandes problemas de adaptación, ós que Raúl animou a superar, convertíndose na súa nova mellor amiga.
• Mustafá Rasit (Daniel Esparza). Amigo de Guille, é fillo de pais marroquís que rexentan un local de kebab e que non falan castelán. Só está presente na 1ª e 2ª tempadas.
• Humberto (Christian Criado): Antigo mozo de Teté, que mantiña á vez unha relación con Lorena, polo que acabou deixando a Teté.
• Richy (Carlos Rodríguez). Un delincuente xuvenil, rival de Guille, saíu con Teté un tempo. Marchou á súa vila e non volveu máis.
• Díez. É un rapaz tímido con lentes, obxecto das bromas de Guille.
• Lorena (Anne Marie Favreu). Foi moza de Guille e de Humberto. Ten fama de rapaza fácil.
• Bruno. Amigo de Guille, intentou varias veces saír con Teté.
• Sara. Foi parella de Curro.
• Rober Jr.. O fillo de El Rober, compañeiro de clase de Curro.

Docentes do Colexio Garcilaso

• Raquel (Elsa Pataky). Substituta de Lucía, é moi guapa, está separada e ten un fillo. Mantivo durante unha tempada unha relación prohibida con Marcos, que case lle custa o posto.
• Ana Blanco Fernández (Natalia Verbeke). É a irmá pequena de Candela e Andrés. Marchou ós Estados Unidos con 18 anos, pero regresou a Santa Justa para sacar adiante o colexio ante os baixos resultados económicos rexistrados, e para introducir unha nova metodoloxía de traballo entre o profesorado. Dentro do colexio ten o mesmo mal carácter que Candela, aínda que fóra é bastante amigable.

Personaxes da Taberna Serrano

• Paquillo (Manolo Caro). Tamén coñecido como Quillo, foi o camareiro inicial da serie. É de orixe andaluza e moi descarado, especialmente coas mulleres. Deixou a taberna tras ofrecerlle el Rober un posto na súa empresa.
• Grogui. Trala partida de Paquillo entrou como camareiro. É un ex-boxeador, bastante lento mentalmente, aínda que ás veces deixa entrever que non é tan parvo. É manipulado constantemente polos irmáns Serrano, especialmente por Santiago. Tralo peche temporal da taberna deixou de saír na serie.
• El Rober (Mariano Peña). É outro amigo de Fiti e Santi. Caracterízase por falar confundindo os /c/ e os /s/ e engade plurais onde non os hai. As poucas veces que apareceu trouxo problemas ós Serrano. Arruinou a Santi tras uns negocios cunhas terras, e contratou a Paquillo para a súa empresa.
• Emilia (Pilar Castro). Regresou ó barrio de Santa Justa desde Milán tras separarse do seu marido. Comprou a Taberna Serrano logo da súa quiebra, empregando ós seus antigos propietarios. Trala morte de Lucía, revendeu a taberna ós irmáns Serrano. Mantivo unha relación en tensión con Fiti.
• El Fritangas. É o pai de Boliche e Yoly. Ten unha gran rivalidade cos irmáns Serrano.

Trama

Os bastos Serranos deben afrontar a convivencia coas mulleres, xurdindo grandes conflitos tanto na casa como no colexio e a taberna. Á parte de seguir a trama xeral en cada capítulo, o toque de humor é aportado fundamentalmente por Diego, Santi e Fiti. Polo xeral, en cada capítulo dos deles intentan axudar ó terceiro nalgún problema, provocando o efecto contrario.

Audiencias

A media das audiencias por cada temporada foi a seguinte:

• 1ª tempada (4 834 000 espectadores e 31,2% de share)
• 2ª tempada (6 928 000 espectadores e 38,8% de share)
• 3ª tempada (6 742 000 espectadores e 37,8% de share)
• 4ª tempada (5 686 000 espectadores e 30,8% de share)
• 5ª tempada (4 572 000 espectadores e 26,1% de share)
• 6ª tempada (4 267 000 espectadores e 23,8% de share)
• 7ª tempada (3 400 000 espectadores e 19,5% de share)

Episodios

Capítulo	Nome	Data de emisión	Audiencia	Share
PRIMEIRA TEMPADA
1	Ya s'han casado		4 286 000	26,1%
2	Un padre perfecto		4 519 000	27,2%
3	Siempre nos quedará París		4 640 000	26,0%
4	El Atlético de Santa Justa F.C.		4 368 000	26,4%
5	Me gusta cuando callas		5 089 000	31,2%
6	Cien maneras de cocinar la trucha		5 154 000	31,7%
7	No me llames iluso		5 364 000	32,8%
8	La noche del loro		4 937 000	31,0%
9	Superdotado		5 475 000	35,5%
10	El Rey y yo		4 872 000	34,9%
11	Una noche en Mogambo		4 797 000	33,6%
12	Benny, Tonny y Marky		4 459 000	34,0%
13	La guerra de los Martínez		4 889 000	36,0%
SEGUNDA TEMPADA
14	Bienvenido, tío Francisco		6 370 000	36,0%
15	Enhorabuena por el programa		6 270 000	35,4%
16	El quinto sentido		6 139 000	36,8%
17	Trigo limpio		6 901 000	40,5%
18	Santiago vuelve a la escuela		6 809 000	39,5%
19	Donde hay jamón hay ilusión		6 341 000	35,5%
20	Sodoma y Gomera		7 243 000	39,3%
21	La mirada del tigre		7 634 000	41,9%
22	Eva al desnudo		7 237 000	39,1%
23	El rey de espadas		7 345 000	39,7%
24	Casado y monógamo		6 992 000	38,9%
25	Solo puede quedar uno		7 145 000	40,0%
26	Natalie		7 649 000	42,1%
TERCEIRA TEMPADA
27	El carnaval veneciano		7 603 000	42,1%
28	Los toros de Santa Justa		7 630 000	41,9%
29	Ser o no ser... taladrador		6 637 000	36,4%
30	Yo confieso		7 291 000	42,7%
31	El otro lado de la acera		8 175 000	44,5%
32	Los puentes de Burundi		8 191 000	43,3%
33	La Jamoneta		5 824 000	31,8%
34	El uso del matrimonio		6 955 000	37,1%
35	Corazón partío		7 522 000	38,2%
36	Recuerdo de Segovia		6 251 000	32,1%
37	El ciruelo		6 365 000	32,7%
38	La vuelta al cole		6 443 000	35,4%
39	Nunca subestimes el poder de un ñu		6 619 000	36,1%
40	Un año selvático		6 268 000	36,1%
41	La bicha		6 350 000	36,6%
42	Spanish mazapan		6 364 000	36,6%
43	Descubriendo a Marta		4 940 000	35,1%
44	Don Quijote de Santa Justa		5 965 000	38,0%
45	El fluído básico		6 713 000	42,6%
CUARTA TEMPADA
46	Santiago Gigoló		6 416 000	32,8%
47	Ni media ni guarra		5 594 000	29,1%
48	El Conde du Mamarrach		5 772 000	29,0%
49	Desde Londres con amor		5 738 000	28,8%
50	Ante la duda...		5 498 000	27,0%
51	La donante de órganos		5 903 000	29,7%
52	El lecho mancillado		5 910 000	29,9%
53	La culpa es yo		5 893 000	30,8%
54	Apechugueision		4 979 000	25,6%
55	En ocasiones veo Fitis		5 758 000	30,7%
56	Lobestoris		6 098 000	38,2%
57	Hay una rosquilla para ti		7 306 000	40,9%
58	No apto para cardíacos		6 029 000	31,6%
59	Yo azuzo		5 457 000	28,7%
60	Antes muerta que chinchilla		5 683 000	29,6%
61	El hombre que susurraba a las frutitas		6 152 000	34,0%
62	Yo reconozco		6 823 000	37,4%
63	¿Quién me pone la pierna encima?		5 725 000	30,7%
64	Million Dollar Grogui		5 931 000	32,2%
65	Una proposición indecente		4 888 000	25,6%
66	Usufructus		5 629 000	30,8%
67	El reverso tenebroso		4 742 000	25,8%
68	De Santa Justa a Bilbao		5 334 000	30,3%
69	Yo de Santa Justa y tú de California		4 742 000	27,9%
70	Mainfroilain		4 578 000	28,2%
71	Gato negro, casorio blanco		5 270 000	36,7%
QUINTA TEMPADA
72	¿Quién puede matar a un cerdo?		5 692 000	30,6%
73	La maldición de las Capdevila		5 351 000	29,3%
74	El blues del matrimonio		5 570 000	30,5%
75	La pertinaz sequía		4 909 000	25,6%
76	Gibraltar español		4 913 000	26,3%
77	Cuando padre sonríe		4 903 000	25,2%
78	El reparto de Africa		4 380 000	22,6%
79	El armario empotrado		4 610 000	25,2%
80	La alegría de la huerta		4 638 000	24,7%
81	Como una ola		4 127 000	22,0%
82	Las de Caín		5 011 000	27,2%
83	Ay, Candela		5 056 000	28,0%
84	El toro por los cuernos		5 235 000	30,6%
85	Soy nenuco		5 477 000	31,5%
86	Qué mal está Occidente		5 252 000	30,5%
87	¿Tú te crees que la policía es tonta?		4 821 000	27,7%
88	Un pez llamado Fructu		3 937 000	24,0%
89	La culpa fue del centollo		4 027 000	23,9%
90	El primer Serrano universitario		3 846 000	22,6%
91	Tracatrá, suspensos y cintas de vídeo		4 176 000	24,1%
92	¿Tú te afeitas, Guille?		3 866 000	22,6%
93	Pero, ¿quién mató a padre?		4 205 000	25,9%
94	La llamada de la selva		3 902 000	24,7%
95	El síntoma de Estocolmo		3 821 000	24,5%
96	¡Será por dinero!		3 424 000	24,2%
97	La jauría del hortelano		3 729 000	25,1%
SEXTA TEMPADA
98	La pasión según Fructuoso		5 149 000	27,2%
99	Aquí huele a perro		4 739 000	24,4%
100	Los puentes de la Alcarria		4 695 000	24,9%
101	El talonario de Aquiles		4 452 000	22,5%
102	Il bambino della strada		4 704 000	24,3%
103	Amar es transigir		4 178 000	21,3%
104	Los tres cerditos		4 035 000	21,2%
105	Paseando a Miss Emilia		3 926 000	21,9%
106	El declive del Imperio Serrano		4 155 000	24,1%
107	Las fases del amor		5 183 000	28,6%
108	El rastrillo zen		5 103 000	28,6%
109	El jamon maltés		4 422 000	24,7%
110	El padrivo IV		3 990 000	21,8%
111	Donde dijo digo, digo Diego		3 946 000	23,3%
112	Soy Koala		4 172 000	23,2%
113	Ese olor tan característico		4 638 000	26,0%
114	Charol de leopardo		3 985 000	24,7%
115	Breve historia de la filosofía		3 264 000	18,9%
116	Algo pasa con Celia		4 065 000	22,4%
117	Un año de soledad		4 110 000	23,7%
118	La sombra de Candelaria es alargada		4 143 000	23,8%
119	La penitencia va por detrás		4 210 000	24,0%
120	La mano amiga		3 982 000	22,8%
121	Siempre positivo, nunca negativo		3 781 000	22,1%
122	La parábola del hijo prófugo		4 163 000	24,4%
123	Dos mujeres y un Serrano		3 917 000	23,5%
124	Última llamada para Diego Serrano		4 116 000	26,3%
SÉTIMA TEMPADA
125	No sin mi hijo		4 027 000	23,0%
126	La intimidad es una puerta cerrada		4 580 000	26,9%
127	Sorpresa, sorpresa		3 687 000	20,4%
128	Mientras hay resquemor hay esperanza		3 200 000	16,3%
129	Cuando el amor llega así de esta manera		3 389 000	18,7%
130	Intima fémina		3 142 000	17,5%
131	Mayormente, lo que sube, baja		3 381 000	18,6%
132	Encontronazos y desencuentros		3 108 000	17,8%
133	El camino recto de Santa Justa		3 443 000	19,7%
134	¡Pero por qué no te callas!		3 231 000	17,7%
135	Matar a un ruiseñor		3 713 000	20,0%
136	Papá cumple 50 años		3 145 000	21,7%
137	La procesión va por dentro		3 096 000	18,0%
138	El síndrome Sarkozy		2 895 000	18,3%
139	Al evitamiento por el alejamiento		3 069 000	18,5%
140	Los padres de ella		3 308 000	18,9%
OITAVA TEMPADA
141	Bienvenido al mundo Serrano		3 774 000	21,4%
142	La parienta, la cuñada, la suegra y Diego		3 630 000	21,0%
143	Tigurón V		3 383 000	21,6%
144	La carta de Pandora		3 191 000	19,0%
145	Vente pa' mi casa Fiti		2 955 000	19,9%
146	Divorcio a la Serrana		3 276 000	23,8%
147	Desmontando a Diego		3 580 000	25,6%

Subprodutos da serie

O fenómeno mediático da serie fixo lanzar ó mundo da música a Fran Perea, que canta a sintonía da serie, converténdose nun ídolo do público feminino xuvenil.

O grupo xuvenil SJK (Santa Justa Klan), formado por Boliche, DVD, Guille e Teté, naceu no 2005 con certa repercusión mediática.

El Sueño de Morfeo tamén foi promocionado na serie, sendo a súa cantante, Raquel del Rosario, no papel de Rachel, moza de Marcos durante algún tempo.

No estranxeiro

O orixinal foi emitido en Uruguai, Francia, Chile, Eslovenia, Croacia, Bosnia-Hercegovina, Montenegro, Serbia (Серанови/Seranovi), Macedonia do Norte, Romanía, Rusia, México e Finlandia (Serranon Perhe), onde alcanzou gran popularidade .

Foi adaptada en Italia (I Cesaroni), Grecia (Ευτυχισμένοι Μαζί/Eutixismenoi Mazi), Portugal (Os Serranos), Serbia (Серанови/Seranovi), Turquía e na República Checa (Horákovi). A cadena americana NBC comprou os dereitos para adaptar a serie.

Véxase tamén

Ligazóns externas

• Páxina web oficial (en castelán)
• Los Serrano na IMDb (en inglés).