José Gregorio Hernández

Na Galipedia, a Wikipedia en galego.
José Gregorio Hernández.

José Gregorio Hernández Cisneros OFS, nado en Isnotú (Trujillo) o 26 de outubro de 1864 e finado en Caracas o 29 de xuño de 1919, foi un médico, científico e filántropo de vocación relixiosa venezolano. É lembrado pola súa solidariedade cos necesitados.[1] Foi declarado venerable polo Papa Xoán Paulo II en 1986 e, actualmente, encóntrase en proceso de beatificación e canonización.

Traxectoria[editar | editar a fonte]

José Gregorio Hernández Cisneros naceu en Isnotú, unha pequena cidade situada no estado de Trujillo, na Cordilleira dos Andes, no oeste do país. Foi o primeiro dos seis fillos do matrimonio formado por Benigno María Hernández Manzaneda e Antonia Josefa Cisneros Mansilla, de ascendencia colombiana e española (canaria), respectivamente. A súa infancia transcorreu na súa cidade natal, onde o seu pai era dono dunha tenda de mercadorías secas, víveres e produtos farmacéuticos, cunha posición economicamente desafogada.

Aos trece anos, José Gregorio manifestoulle ao seu pai o desexo de comezar a carreira de Dereito, pero este convenceuno para estudar Medicina. Tivo que viaxar a Caracas para emprender os seus estudos de ensino medio no Colegio Villegas, un dos colexios máis prestixiosos da época, que estaba dirixido por Guillermo Tell Villegas. Desenvolveunos entre 1878 e 1882, creando daquela lazos de amizade co director e a súa esposa.

Morreu nun accidente de tráfico, golpeado por un coche en Caracas. Os seus restos descansan no templo da parroquia de La Candelaria, nesta cidade, despois de estar moito tempo no "Cemiterio Xeral do Sur", sendo a tumba máis visitada do cemiterio.[2]

Desde 1949 está en proceso de beatificación e canonización. O 16 de xaneiro de 1986 o Papa Xoán Paulo II declarouno venerable. De completarse o proceso de canonización, converteríase no primeiro santo de procedencia venezolana.

Notas[editar | editar a fonte]

Commons
Wikimedia Commons ten máis contidos multimedia na categoría: José Gregorio Hernández Modificar a ligazón no Wikidata