Hórreo tipo Cabanas

Na Galipedia, a Wikipedia en galego.
Saltar ata a navegación Saltar á procura
Hórreo na parroquia da Barqueira, Cerdido.

O hórreo tipo Cabanas é un tipo de hórreo galego que se pode atopar nunha zona delimitada pola liña que une a ría de Ortigueira con As Pontes de García Rodríguez e continúa ao longo do val do río Eume ata Pontedeume.[1]

Características[editar | editar a fonte]

Morfoloxía[editar | editar a fonte]

A suspensión é baixa, sobre cepas con rateiras de pouco grosor, moitas veces cepa maciza. A cámara está pechada por doelas verticais unidas por unha ou dúas faixas horizontais. O teito adoita ser a catro augas e non leva terminais. Os beirís son estreitos. Excepcionalmente nun dos penais, aquel onde está a porta, poden aparecer dous barrotes oblicuos a modo de ménsula que soportan un xeneroso beiril que conforma un pequeno pórtico sobre a porta de acceso á cámara. Sobre o tellado non adoita ter elementos terminais.

Construción[editar | editar a fonte]

A suspensión é baixa, as cepas son de cachotería en seco, ás veces revocada, e as rateiras de granito ou xisto. A cámara descansa sobre unha grade de grosas trabes de madeira que non asoman nos extremos, salvo cando vai sobre celeiro. É toda de madeira, incluíndo esquinais e puntais. O tellado é de xisto, é frecuente o uso de fieiras de tella cerámica tomando as limas da cuberta. No límite sur da súa área de extensión vense xa tellados de tella cerámica.

Notas[editar | editar a fonte]

  1. Martínez Rodríguez, I. El hórreo gallego. Fundación Pedro Barrié de la Maza. A Coruña, 1975. ISBN 84-85728-00-9.

Véxase tamén[editar | editar a fonte]

Outros artigos[editar | editar a fonte]