Gran Premio do Brasil de 1980

Gran Premio do Brasil de 1980

Nome oficial	IX Brazilian Grand Prix
Nome na lingua orixinal	(pt) 9o Grande Premio do Brasil
Tipo	Gran Premio do Brasil
Deporte	automobilismo
Parte de	Campionato Mundial de Fórmula 1 de 1980
Distancia do evento	40
Localización  e  Datas
Localización	Autódromo José Carlos Pace (Cidade Dutra) 23°42′04″S 46°41′50″O
Lonxitude	4,309 km
País	Brasil
Data	27 de xaneiro de 1980
Competición
Primeiro posto	René Arnoux
Pole position	Jean-Pierre Jabouille
Volta máis rápida	René Arnoux

O Gran Premio do Brasil de 1980 foi unha carreira de automobilismo de Fórmula 1, celebrada o 27 de xaneiro de 1980 no circuíto de Interlagos. Foi a segunda carreira da tempada de 1980 e tamén foi o noveno Gran Premio do Brasil. Foi o oitavo que se celebrou en Interlagos e sería o último ata que o circuíto foi reconstruído substancialmente para o Gran Premio do Brasil de 1990. A carreira disputouse sobre 40 voltas ao circuíto de 7´87 quilómetros para unha distancia total de carreira de 315 quilómetros.

Resumo da carreira

Antes da carreira, varios pilotos, incluíndo o campión do mundo Jody Scheckter, querían boicotear o evento debido a preocupación pola seguridade do circuíto de Interlagos. O circuíto estaba cheo de fochancas (o circuíto era moi coñecido por iso) e as barreiras que rodeaban o circuíto non parecían o suficientemente adecuadas para protexer aos pilotos dos terrapléns e gabias de todo o circuíto. Aínda que Scheckter e o resto dos pilotos afectados case tiveron éxito en deter a carreira, acabou disputándose.

A carreira foi gañada polo piloto francés René Arnoux pilotando un Renault RE20. Foi a primeira vitoria no Campionato Mundial de Arnoux e a segunda do Equipe Renault, tamén a segunda dun coche turbo. Arnoux gañou por 21 segundos sobre o piloto italiano Elio de Angelis pilotando un Lotus 81. Líder nos puntos do campionato, o piloto australiano Alan Jones terminou terceiro no seu Williams FW07B.

Grazas á elevada altitude do circuíto de Interlagos, os Renault turbo de Jean-Pierre Jabouille e René Arnoux foron os dominadores, correndo 1-2 durante gran parte da carreira ata que o turbo de Jabouille fallou na volta 25. O pole Jabouille fixo unha mala saída e caeu ao cuarto lugar, pasándoo os dous Ligier JS11/15 e Gilles Villeneuve no seu Ferrari 312T5. Pero, a vantaxe da potencia de Jabouille no elevado circuíto significou que axiña adiantou aos dous Ligiers, a Jacques Laffite de inmediato na recta Retao, e a Didier Pironi en Arquibacanas ao final da primeira volta e arrebatou o liderado a Villeneuve ao final da Recta Oposta á Curva do Sol. Arnoux púxose segundo, e cando se retirou Jabouille, Arnoux tomou o liderado e mantívoo ata a bandeira a cadros.

Alain Prost (McLaren M29) e Riccardo Patrese (Arrows A3) loitaron durante gran parte da segunda metade da carreira polo quinto posto, con Prost tendo a vantaxe nas curvas mentres Patrese era máis rápido nas rectas. Ricardo Zunino (Brabham BT49) bateu con John Watson (McLaren M29) na curva 3 e trompeou. Con todo, foi capaz de recuperarse e terminar a carreira.

Pironi tivo que facer unha parada en boxes cedo, e reincorporouse na parte posterior da pista, pero, el comezou unha remontada e foi capaz de terminar cuarto. Este esforzo foi suficiente para que Enzo Ferrari tomara un interese nos servizos de Pironi, que asegurou para a tempada de Fórmula 1 de 1981.

Clasificación

Cualificación

Pos	Nº	Piloto	Construtor	Tempo	Diferenza
1	15	Jean-Pierre Jabouille	Renault	2:21.40	-
2	25	Didier Pironi	Ligier-Ford	2:21.65	+ 0.25
3	2	Gilles Villeneuve	Ferrari	2:22.17	+ 0.77
4	28	Carlos Reutemann	Williams-Ford	2:22.26	+ 0.86
5	26	Jacques Laffite	Ligier-Ford	2:22.30	+ 0.90
6	16	René Arnoux	Renault	2:22.31	+ 0.91
7	12	Elio De Angelis	Lotus-Ford	2:22.40	+ 1.00
8	1	Jody Scheckter	Ferrari	2:23.02	+ 1.62
9	5	Nelson Piquet	Brabham-Ford	2:23.16	+ 1.76
10	27	Alan Jones	Williams-Ford	2:23.38	+ 1.98
11	11	Mario Andretti	Lotus-Ford	2:23.46	+ 2.06
12	7	Clay Regazzoni	Ensign-Ford	2:24.85	+ 3.45
13	12	Alain Prost	McLaren-Ford	2:24.95	+ 3.55
14	29	Riccardo Patrese	Arrows-Ford	2:25.06	+ 3.66
15	21	Keke Rosberg	Fittipaldi-Ford	2:25.74	+ 4.34
16	29	Jochen Mass	Arrows-Ford	2:25.75	+ 4.35
17	23	Bruno Giacomelli	Alfa Romeo	2:25.80	+ 4.40
18	6	Ricardo Zunino	Brabham-Ford	2:26.53	+ 5.13
19	20	Emerson Fittipaldi	Fittipaldi-Ford	2:26.86	+ 5.46
20	9	Marc Surer	ATS-Ford	2:27.10	+ 5.70
21	22	Patrick Depailler	Alfa Romeo	2:27.11	+ 5.71
22	3	Jean-Pierre Jarier	Tyrrell-Ford	2:27.15	+ 5.75
23	7	John Watson	McLaren-Ford	2:27.29	+ 5.89
24	2	Derek Daly	Tyrrell-Ford	2:28.10	+ 6.70
NSC	10	Jan Lammers	ATS-Ford	2:29.54	+ 8.14
NSC	18	Dave Kennedy	Shadow-Ford	2:30.52	+ 9.12
NSC	17	Stefan Johansson	Shadow-Ford	2:31.48	+10.08
NSC	31	Eddie Cheever	Osella-Ford	2:34.52	+13.12

Carreira

Pos	Nº	Piloto	Construtor	Voltas	Tempo/Retirada	Grella	Puntos
1	16	René Arnoux	Renault	40	1:40:01.33	6	9
2	12	Elio de Angelis	Lotus-Ford	40	+21.86 segs	7	6
3	27	Alan Jones	Williams-Ford	40	+1:06.11 segs	10	4
4	25	Didier Pironi	Ligier-Ford	40	+1:40.13 segs	2	3
5	8	Alain Prost	McLaren-Ford	40	+1:45.41 segs	13	2
6	29	Riccardo Patrese	Arrows-Ford	39	+1 volta	14	1
7	9	Marc Surer	ATS-Ford	39	+1 volta	20
8	6	Ricardo Zunino	Brabham-Ford	39	+1 volta	18
9	21	Keke Rosberg	Fittipaldi-Ford	39	+1 volta	15
10	30	Jochen Mass	Arrows-Ford	39	+1 volta	16
11	7	John Watson	McLaren-Ford	39	+1 volta	23
12	3	Jean-Pierre Jarier	Tyrrell-Ford	39	+1 volta	22
13	23	Bruno Giacomelli	Alfa Romeo	39	+1 volta	17
14	4	Derek Daly	Tyrrell-Ford	38	+2 voltas	24
15	20	Emerson Fittipaldi	Fittipaldi-Ford	38	+2 voltas	19
16	2	Gilles Villeneuve	Ferrari	36	Acelerador	3
Ret	22	Patrick Depailler	Alfa Romeo	33	Eléctrico	21
Ret	15	Jean-Pierre Jabouille	Renault	25	Turbo	1
Ret	5	Nelson Piquet	Brabham-Ford	14	Suspensión	9
Ret	26	Jacques Laffite	Ligier-Ford	13	Eléctrico	5
Ret	14	Clay Regazzoni	Ensign-Ford	13	Motor	12
Ret	1	Jody Scheckter	Ferrari	10	Motor	8
Ret	11	Mario Andretti	Lotus-Ford	1	Trompo	11
Ret	28	Carlos Reutemann	Williams-Ford	1	Palier	4
NSC	10	Jan Lammers	ATS-Ford
NSC	18	Dave Kennedy	Shadow-Ford
NSC	17	Stefan Johansson	Shadow-Ford
NSC	31	Eddie Cheever	Osella-Ford

Líderes por volta

• Gilles Villeneuve – 1 volta (1)
• Jean-Pierre Jabouille – 25 voltas (2–26)
• René Arnoux – 14 voltas (27–40)

Posicións logo da carreira

Clasificación no campionato de pilotos

Pos	Piloto	Puntos
1	Alan Jones	13
2	René Arnoux	9
3	Nelson Piquet	6
4	Elio de Angelis	6
5	Keke Rosberg	4

Clasificación do campionato de construtores

Pos	Construtor	Puntos
1	Williams-Ford	13
2	Renault	9
3	Brabham-Ford	6
4	Lotus-Ford	6
5	Fittipaldi-Ford	4

• Nota: Só están incluídos os cinco primeiros postos en ambos os grupos de clasificación.

Carreira anterior: Gran Premio da Arxentina de 1980	Campionato Mundial de Fórmula 1 da FIA Temporada 1980	Carreira seguinte: Gran Premio de Suráfrica de 1980
Carreira anterior: Gran Premio do Brasil de 1979	Gran Premio do Brasil	Carreira seguinte: Gran Premio do Brasil de 1981