Ganímedes (mitoloxía)

Na Galipedia, a Wikipedia en galego.
Saltar ata a navegación Saltar á procura
Zeus en forma de aguia raptando a Ganímedes

Ganímedes identifícase na mitoloxía grega como un fermoso príncipe troiano (o máis fermoso dos mortais), descendente de Dárdano.

Mitoloxía[editar | editar a fonte]

Sendo aínda novo, case adolescente, Ganímedes atopábase coidando os rabaños de ovellas do pai Tros nas montañas próximas a Troia [1], e aconteceu que Zeus namorouse del. Converténdose en aguia, baixou voando do monte Olimpo e raptouno; outras fontes afirman que Zeus ordenou á súa aguia que o fixese. Xa no Olimpo Ganímedes foi nomeado copeiro dos deuses e era quen servía a ambrosía na copa do deus. Como pago polos seus servizos, Ganímedes foi feito inmortal e ascendido os ceos na forma da constelación de Acuario.

Para compensar a Tros, Zeus regaloulle os dous cabalos mais veloces do mundo, que podían correr pola auga, ou ben unha cepa de ouro que fixera Hefesto.

Notas[editar | editar a fonte]

  1. Os distintos autores non concordan co lugar onde se producen os feitos. Para uns foi no monte Ida, na costa noroeste de Asia Menor (Anatolia), onde se fundaría a cidade de Troia; e para outros en Creta ou Eubea.

Véxase tamén[editar | editar a fonte]

Bibliografía[editar | editar a fonte]

  • GRIMAL, Pierre: Diccionario de mitología griega y romana. Ed. Paidós, 1981.