Elon Musk
| Elon Musk | |
|---|---|
.jpg) | |
| Nome completo | Elon Reeve Musk |
| Nacemento | 28 de xuño de 1971 |
| Lugar de nacemento | Pretoria |
| Nacionalidade | Suráfrica, Canadá e Estados Unidos de América |
| Relixión | Agnosticismo |
| Alma máter | Smith School of Business, Wharton School, Universidade de Pensilvania, Pretoria Boys High School, Waterkloof House Preparatory School, Queen's University e Universidade Stanford |
| Ocupación | inventor, programador, enxeñeiro e emprendedor |
| Pai | Errol Musk |
| Nai | Maye Musk |
| Cónxuxe | Justine Musk, Talulah Riley e Talulah Riley |
| Fillos | Nevada Musk, Griffin Musk, Xavier Musk, Damian Musk, Saxon Musk, Kai Musk e X AE A-XII Musk |
| Irmáns | Tosca Musk e Kimbal Musk |
| Premios | doutor honoris causa, doutor honoris causa, membro da Royal Society e Gold Medal of the Royal Aeronautical Society |
 | |
| [ editar datos en Wikidata ] | |
Elon Reeve Musk, nado en Pretoria o 28 de xuño de 1971, é un empresario, enxeñeiro[1] e inventor[2] surafricano de nacionalidade estadounidense-canadense.[3][4] É o CEO e o CTO de SpaceX. É un dos primeiros investidores[5][6] e CEO de Tesla, Inc.; fundador de The Boring Company; cofundador de Neuralink e cofundador e xefe inicial de OpenAI. Musk é unha das persoas máis adiñeiradas do mundo.
Traxectoria[editar | editar a fonte]
Musk naceu en Pretoria, dunha nai canadense e un pai surafricano. Foi alumno brevemente na Universidade de Pretoria antes de trasladarse ao Canadá aos 17 anos para estudar na Universidade de Queen's. Dous anos máis tarde pasou á Universidade de Pennsilvania onde se graduou en economía e física. No ano 1995 marchou a California para estudar na Universidade de Stanford, mais ao final decidiu comezar a súa carreira como empresario, cofundando a empresa Zip2 co seu irmán Kimbal. A empresa foi comprada por Compaq no ano 1999 por 307 millóns de dólares. Musk cofundou o banco en liña X.com ese mesmo ano, o cal se fusionou coa empresa Confinity o ano seguinte para formar PayPal que, no ano 2002 foi mercada por eBay por 1.500 millóns de dólares.
No ano 2002, Musk fundou SpaceX, un construtor de naves aeroespaciais e empresa de transportes, onde é director e deseñador xefe. No ano 2004 uniuse á empresa Tesla Motors, Inc. como presidente e arquitecto de produtos, converténdose no seu director xeral no ano 2008. No ano 2006 axudou na creación de SolarCity, unha empresa de servizos de enerxía solar e actual filial de Tesla. No ano 2015, cofundou OpenAI, unha empresa sen ánimo de lucro que promove a intelixencia artificial amigable. En 2016, cofundou Neuralink, unha empresa enfocada na neurotecnoloxía centrada no desenvolvemento de interfaces de conexión entre cerebro e computador. O mesmo ano fundou The Boring Company, unha empresa de construción de túneles. Musk tamén é coñecido como ideólogo de Hyperloop, un sistema de transporte de alta velocidade no baleiro.
Musk recibiu moitas críticas por mor da súa maneira pouco ortodoxa de afrontar certos retos. No ano 2018 foi demandado por un mergullador que participara no rescate da cova de Tham Luang, se ben un xulgado de California sentenciou a prol de Musk. O mesmo ano, a Comisión de Bolsa e Valores dos Estados Unidos (SEC, polas súas siglas en inglés) denunciouno por ter anunciado a través de Twitter unha rolda de financiamento de Tesla que nunca se produciu. Finalmente chegaron a un acordo, segundo o cal Musk abandonaría temporalmente a dirección da companñía e faría un uso máis restrinxido das súas redes sociais. Musk tamén foi criticado polas súas opinions sobre temas como a intelixencia artificial e a pandemia de COVID-19.
Notas[editar | editar a fonte]
- ↑ asme.org (ed.). "Early Career Engineers, Conferences and Careers". Arquivado dende o orixinal o 19 de setembro de 2017. Consultado o 4 de novembro de 2015.
- ↑ Bellis, Mary. About.com, ed. "Biography of Elon Musk". Consultado o 10 de xuño de 2015.
- ↑ Curtis, Sophie (10 de novembro de 2014). The Daily Telegraph, ed. "Elon Musk 'to launch fleet of internet satellites'". Consultado o 23 de xuño de 2015.
- ↑ Vance, Ashlee (13 de setembro de 2012). "Elon Musk, the 21st Century Industrialist". Consultado o 23 de xuño de 2015.
- ↑ LaMonica, Martin (setembro de 2009). "Tesla Motors founders: Now there are five". CNET. Consultado o 17 de abril de 2020.
Tesla Motors and co-founder Martin Eberhard announced an agreement over who can claim to be a founder of the company on Monday.
- ↑ Schwartz, Ariel (21 de setembro de 2009). "Tesla Lawsuit Drama Ends as Five Company Founders Emerge". Fast Company. Consultado o 14 de abril de 2020.
Eberhard and Musk have reached a rather unexpected resolution–instead of agreeing to share the title of "founder", the pair has designated five people as company founders, including Musk, Eberhard, JB Straubel, Mark Tarpenning, and Ian Wright.
Véxase tamén[editar | editar a fonte]
Ligazóns externas[editar | editar a fonte]
| Control de autoridades |
|
|---|
