Eleccións ao Parlamento de Cataluña de 2006

Eleccións ao Parlamento de Cataluña de 2006
← 2003  2010  →
Data	1 de novembro de 2006
Tipo	eleccións ao Parlamento de Cataluña
Cargo elixido	135 deputado do Parlamento de Cataluña ≈ VIII Lexislatura do Parlamento de Cataluña. Duración do mandato: 4
Campaña electoral	15
Participación política
5.320.675 2.982.108    56.05٪ 6,49 2.908.290      60.244    13.574
Resultado da votación
CiU  — Artur Mas 935.756   32.18٪ 0,95 Deputado 46 → 48 2 PSC  — José Montilla 796.173   27.38٪ 4,06 Deputado 42 → 37 5 ERC  — Josep-Lluís Carod-Rovira 416.355   14.32٪ 2,27 Deputado 23 → 21 2 PPC  — Josep Piqué 316.222   10.87٪ 1,13 Deputado 15 → 14 1 ICV-EUiA  — Joan Saura i Laporta 282.693   9.72٪ 2,37 Deputado 9 → 12 3 Cs  — Alberto Carlos Rivera Díaz 89.840   3.09٪ Deputado 3
Causa inmediata de
28 de novembro de 2006: Goberno de José Montilla

As eleccións ao Parlamento de Cataluña celebráronse o 1 de novembro de 2006 para elixir os 135 deputados da VIII lexislatura que elixiron un novo presidente da Generalitat de Cataluña. Cada unha das catro provincias constitúe unha unha circunscrición electoral segundo un sistema electoral proporcional corrixido pola lei d'Hont.

Presentáronse 75 candidaturas de 21 forzas políticas a estas eleccións. A provincia de Barcelona elixe 85, a provincia de Tarragona 18, a provincia de Xirona 17 e a de Lleida 15. Un total de 5 320 395 electores teñen dereito ó voto.

O resultado das mesmas foi unha vitoria nas urnas de Convergència i Unió (CiU), aínda que sen unha maioría abonda para gobernar, polo que ao igual que ocorreu nas pasadas eleccións, o goberno saíu dunha coalición do Partit dels Socialistes de Catalunya (PSC), Esquerra Republicana de Catalunya (ERC) e Iniciativa per Catalunya Verds-Esquerra Unida i Alternativa (ICV-EUiA), coñecida como o "Tripartito catalán", sendo elixido presidente o líder do PSC, José Montilla.

Convocatoria

O presidente da Generalitat, Pasqual Maragall do PSC, que viña gobernando co apoio de ERC e ICV, cesou o 11 de maio de 2006 os conselleiros de ERC ó non apoiar estes o novo Estatut de Autonomía que se debía referendar en xuño e anunciou que convocaría anticipadamente os cidadáns de Cataluña a elección dun novo parlamento a fins de ano ó non poder garantir o apoio do Parlamento ó seu goberno. Formalmente convocáronse o 8 de setembro e Pasqual Maragall non se presenta á elección.

Candidaturas

Candidaturas presentes no Parlamento

• Convergència i Unió, federación de Convergència Democràtica de Catalunya e Unió Democràtica de Catalunya, representa a oposición liberal e democristián nacionalista ó actual goberno catalán e a forza que gobernou a Generalitat de Cataluña ata as anteriores eleccións. Presenta como candidato á presidencia da Generalitat a Artur Mas. Nas anteriores eleccións tivo 46 escanos e o 30.94% dos votos
• Partit dels Socialistes de Catalunya, partido federado ó PSOE, é o principal partido do goberno de Cataluña. Presenta como candidato a José Montilla. Nas anteriores eleccións tivo 42 escanos e o 31.16% dos votos
• Esquerra Republicana de Catalunya, partido independentista que estivo no goberno catalán ata comezos de ano. Presenta como candidato a Josep-Lluís Carod-Rovira. Nas anteriores eleccións tivo 23 escanos e o 16.44% dos votos.
• Partido Popular, a forza máis á dereita do Parlamento de Cataluña. Presenta como candidato a Josep Piqué. Nas anteriores eleccións tivo 15 escanos e o 11.89 % dos votos.
• Iniciativa per Catalunya Verds-Esquerra Unida i Alternativa, coalición de esquerdas que goberna xunto ó PSC. O seu candidato é Joan Saura. Nas anteriores eleccións tivo 9 escanos e o 7.28% dos votos.

Candidaturas sen presenza no Parlamento

• Carmel/Partido Azul, candidatura formada a partir dos sucesos do Carmel, preséntase só en Barcelona
• Catalunya Decideix, candidatura que se presenta só en Barcelona
• Ciudadanos en Blanco, candidatura que se presenta só en Xirona. Nas anteriores elección tivo o 0.01% dos votos.
• Ciutadans-Partido de la Ciudadanía. Partido antinacionalista catalán que xurdiu como iniciativa dun grupo de intelectuais opostos ó que consideran imposición nacionalista. O seu candidato é Albert Rivera.
• Els Verds. Els Verds-Alternativa Verda preséntase en Tarragona e Xirona e El Verds-Ecologistes i Verds de Catalunya, coalición de Els Verds-Grup Verd, Els Verds-Confederació Ecologista de Catalunya e independentes preséntase en Barcelona e Lleida. O seu candidato é Josep Lluis Freijo. Nas anteriores eleccións tivo o 0.62% dos votos en dúas candidaturas.
• Escons Insubmisos-Alternativa dels Demòcrates Descontents, partido antisistema que de conseguir escanos anuncia que non os ocupará. Nas anteriores eleccións tivo o 0.07% dos votos.
• Moviment Social Republicà, partido nacional revolucionario. Nas anteriores eleccións tivo o 0.02% dos votos.
• Partit Antitaurí contra el Maltractament Animal, partido animalista avoga pola prohibición das corridas de touros.
• Partit dels Comunistes del Poble de Catalunya, partido comunista ortodoxo ligado ó PCPE, en Tarragona preséntase como PCPC-Nosaltres Som. Nas anteriores eleccións tivo o 0.08% dos votos.
• Partit Familia i Vida, oposto ó aborto e ás políticas de control da natalidade.
• Partit Humanista. Nas anteriores eleccións tivo o 0.05% dos votos.
• Partit Obrer Socialista Internacionalista, partido troskista. Nas anteriores eleccións tivo o 0.13% dos votos
• Partit Republicà de Catalunya, constitúe a Izquierda Republicana en Cataluña. Nas anteriores eleccións tivo o 0.05% dos votos.
• Plataforma Adelante Cataluña, coalición de extrema dereita formada por Alternativa Española e Democracia Nacional
• Por un Mundo más Justo, pretende conseguir o 0.7% da riqueza do país para cooperación cos países pobres
• Partit Republicà Català, partido independentista

Resultados

Resultados (provisorios)
Partido	Candidato	Votos	%	Escanos
Convergència i Unió	Artur Mas	928.511	31.52	48
Partit dels Socialistes de Catalunya	José Montilla	789.767	26.81	37
Esquerra Republicana de Catalunya	Josep Lluís Carod Rovira	414.067	14.05	21
Partido Popular	Josep Piqué	313.479	10.64	14
Iniciativa per Catalunya	Joan Saura	281.474	9.55	12
Ciutadans-Partido de la Ciudadanía	Albert Rivera	89.567	3.04	3
Els Verds-Ecologistes i Verds de Cataluña		17.388	0.59
PACMA		13.158	0.45
Escons Insubmisos-Alternativa dels Demòcrates Descontents		6.878	0.23
Partit Republicà Català		5.847	0.2
POSI		5.431	0.18
PCPC		4.720	0.16
Els Verds-Alternativa Verde		3.128	0.11
Partido Familia y Vida		2.538	0.09
Adelante Cataluña		2.529	0.09
Partido Humanista		2.466	0.08
MSR		1.023	0.03
Partido Azul		1.019	0.03
Por un Mundo más Justo		851	0.03
Decideix.cat		650	0.02
Ciudadanos en Blanco		620	0.02
Izquierda Republicana-Partit Republicà de Catalunya		567	0.02

Véxase tamén

Ligazóns externas

Web da Generalitat sobre as eleccións de 2006