Eleccións ao Parlamento de Cataluña de 1995

‹ 1992 •  • 1999 ›
Eleccións ao Parlamento de Cataluña 135 escanos do Parlamento
19 de novembro de 1995
Tipo						Lexislativa
Período						1995-1999
Demografía electoral
Electores						5.079.981
Votantes						3.232.959
Participación
							63.64%  16%
Votos válidos						3.223.952
Votos en branco						31.417
Votos nulos						9.007
Resultados
			CiU - Jordi Pujol
			Votos				1.320.071  8.1%
			Escanos obtidos						60  14.3%
									41.35%
			PSC - Joaquim Nadal
			Votos				802.252  10.2%
			Escanos obtidos						34  15%
									25.13%
			PPC - Alejo Vidal-Quadras
			Votos				421.752  167.3%
			Escanos obtidos						17  142.9%
									13.21%
			ERC - Àngel Colom
			Votos				305.867  45.4%
			Escanos obtidos						13  18.2%
									9.58%
			ICV - Rafael Ribó
			Votos				313.092  82.2%
			Escanos obtidos						11  57.1%
									9.81%
Distribución de escanos no Parlamento
Presidente da Generalitat de Cataluña
Titular Jordi Pujol						Electo Jordi Pujol

As eleccións ao Parlamento de Cataluña de 1995 celebráronse o 19 de novembro de 1995, as quintas eleccións ao Parlamento de Cataluña trala instauración da democracia en España, e o restabelecemento da Generalitat de Cataluña en 1977. Foron convocadas a votar 5.079.981 persoas maiores de 18 anos e con dereito a voto en Cataluña. As eleccións serviron para escoller os 135 parlamentarios da segunda lexislatura democrática. Acudiron a votar 3.232.959 persoas, uns 400.000 votantes máis que en 1992, o que deu unha participación do 63,64 por cento, a cifra máis alta dunhas eleccións autonómicas catalás.

As eleccións foron anticipadas cinco meses, xa que debían terse celebrado o domingo 14 de abril de 1996. As eleccións de 1995 supuxeron un punto de inflexión na tendencia política: a alta participación significou que, respecto ás eleccións de 1992, perderan escanos os dous grandes partidos, Convergència i Unió (10) e o PSC (6), en beneficio do Partido Popular, que gañou 10 escanos, ERC que sumou 2, e Iniciativa per Catalunya que gañou 4 novos escanos.

Malia a súa gran perda de escanos, o partido máis votado volveu ser, por quinta vez consecutiva, Convergència i Unió que, con 1.320.071 votos (un 40,95 por cento), obtivo 60 escanos, mais perdeu a maioría absoluta.

Trala formación do Parlamento de Cataluña, o candidato de Convergència i Unió, Jordi Pujol, tivo que negociar co Partido Popular a abstención dos seus deputados para poder ser investido por quinta vez consecutiva Presidente da Generalitat de Cataluña. A investidura logrouse con maioría simple na segunda votación, xa que na primeira non conseguiu a maioría absoluta da cámara. O PSC abstívose tanto na primeira como na segunda votación como xesto de boa vontade cara a CiU. ERC votou en contra na primeira e abstívose na segunda. ICV mantivo o seu voto en contra en ámbalas votacións.

Véxase tamén

Ligazóns externas

• Resultados globais
• Resultados por circunscricións
• Todos os datos das eleccións de 1995 (en catalán)