Collado Villalba

Na Galipedia, a Wikipedia en galego.

Collado Villalba é un municipio da Comunidade de Madrid (España). Está situado a 39 quilómetros ao noroeste de Madrid e a 917 metros de altitude sobre un amplo collado da madrileña Sierra de Guadarrama. Cunha poboación de 54.658 habitantes (Xaneiro 2008) nunha superficie de 26,5 quilómetros cadrados, abre o val de Guadarrama, zona turística da Comunidade de Madrid. A densidade do municipio é de 2.062,57 hab./km².

Collado Villalba está rodeado (Oeste, Norte e Este) por montañas entre 1.000 e 2.000 metros de altitude (De Oeste a Leste: Sierra de Malagón, Sierra de Guadarrama e Sierra do Hoyo de Manzanares). Collado Villalba está situado nun amplo val en torno ao río Guadarrama. O clima da comarca é mediterráneo-continental tépedo húmido. O relevo de Collado Villalba está formado por chairas, lomas e cerros, coa media e alta montaña presente nas súas proximidades. As principais montañas que rodean a "hoya de Villalba" son de Oeste a Leste: Abantos (1.754 m), Cuelgamuros, Cabeza Líjar (1.824 m), Porto de Guadarrama (1.511 m), A Peñota (1.944 m), Porto de Fuenfría (1.796 m), Siete Picos (2.138 m), Porto de Navacerrada (1.860 m), La Maliciosa (2.383 m), El Yelmo (1.714 m) e El Estepar (1.404 m).