Colmenar Viejo
Colmenar Viejo é un municipio situado na Cuenca Alta do Manzanares, dentro da provincia de Madrid, en España. En xaneiro de 2008, Colmenar Viejo contaba cunha poboación de 42.649 habitantes empadroados.[1]
Hisotoria e características[editar | editar a fonte]
O centro urbano está situado a uns 31 km da Porta do Sol de Madrid, accedendo pola autovía M-607. Dispón dunha estación pertencente á liña C-4 de Proximidades Madrid e situada na zona B3 segundo o Consorcio Rexional de Transportes de Madrid.
A cara sur do Cerro de San Pedro, da Serra de Guadarrama, está no termo municipal de Colmenar Viejo. Por este termo pasa o río Manzanares, no cal atópanse os antigos muíños abandonados, que están moi deteriorados. Nalgún destes muíños atopáronse restos arqueolóxicos do século XVII.[2]
Colmenar Viejo tamén ten dúas bases militares: as Forzas Aeromóbiles do Exército de Terra ou FAMET e a Base Loxística San Pedro, que antes se coñecía como o «O Cir», xa que era o Centro de Instrución de Recrutas Nº1.
Ata 1991, Tres Cantos pertencía ao termo municipal de Colmenar Viejo.
Notas[editar | editar a fonte]
- ↑ "Instituto nacional de estadística". Arquivado dende o orixinal o 01 de xaneiro de 2009. Consultado o 15 de febreiro de 2009.
- ↑ Un múiño do século XVII, ao descuberto (El Mundo)
