Serra de Guadarrama

Para outras páxinas con títulos homónimos véxase: Guadarrama (homónimos).

Serra de Guadarrama

(es) Sierra de Guadarrama
Tipo	cordilleira serra
Epónimo	Río Guadarrama
Localizado na área protexida	Parque Nacional da Serra de Guadarrama, Parque Natural de Peñalara, Parque Rexional da Cunca Alta do Manzanares e Parque natural Serra Norte de Guadarrama
Localización
División administrativa	Castela e León, España e Comunidade de Madrid, España
40°48′46″N 3°56′58″O
Cordilleira	Sistema Central
Composto por	Cuerda Larga Serra de Malagón Serra de Ojos Albos Sierra del Hoyo Montes Carpetanos La Mujer Muerta Serra da Morcuera Serra da Cabrera
Características
Altitude	2.430 m
Dimensións	80 () km
Punto máis alto	Peñalara  (2.428 m )
Material usado	granito gneis
Historia
Cronoloxía
30 de novembro de 1808	Batalla de Somosierra
6 de xuño de 1937	Ofensiva de Segovia
24 de xullo de 1936	batalla de Guadarrama

Circo e cima de Peñalara (na dereita) e o seu reflexo na laguna chica, de orixe glaciar.

A Serra de Guadarrama (en castelán: Sierra de Guadarrama) é unha aliñación montañosa pertencente á metade leste do Sistema Central (sistema montañoso do centro da Península Ibérica) situada entre as serras de Gredos (Ávila) e de Ayllón (Segovia - Guadalaxara). Esténdese en dirección suroeste-nordeste e nas provincias de Madrid, ao sur, e Ávila e Segovia, ao norte. Esta serra mide aproximadamente 80 km de lonxitude e o seu cumio máis alto é Peñalara con 2.430 metros sobre o nivel do mar.

A flora desta serra caracterízase pola abundancia de bosques de piñeiros e a presenza de carballeiras e aciñedos en zonas máis baixas. Nos cumes predominan os pastos e arbustos de alta montaña. Nestes ecosistemas abundan mamíferos como cervos, xabaríns, corzos, gamos, teixugos, varios mustélidos, gatos monteses, raposos, lebres etc.; unha gran cantidade de especies de aves acuáticas nos encoros, e grandes aves de rapina como a aguia imperial ibérica ou o voitre negro, entre outras.

A proximidade a Madrid (60 km) desta serra fixo que teña un papel importante na historia de España e que hoxe sexa atravesada por bastantes portos e vías ferroviarias. Desde o monte da Almenara, en Robledo de Chavela, por exemplo, durante a invasión musulmá os árabes acendían laradas para avisar a Madrid de que se achegaban tropas cristiás.

Estas montañas teñen unha grande afluencia de xente, o que fai que as infraestruturas para o turismo e os deportes de montaña estean moi desenvolvidas. Esta afluencia ten un impacto ambiental na serra.^{[Cómpre referencia]}