Agrocybe aegerita

Na Galipedia, a Wikipedia en galego.
(Redirixido desde "Cogomelo dos lamigueiros")
Agrocybe aegerita
Agrocybe aegerita no toco dun chopo en Xirona, Cataluña
Agrocybe aegerita no toco dun chopo en Xirona, Cataluña
Clasificación científica
Reino: Fungi
División: Basidiomycota
Clase: Basidiomycetes
Orde: Agaricales
Familia: Strophariaceae
Xénero: 'Agrocybe'
Especie: ''A. aegerita''
Nome binomial
''Agrocybe aegerita''
(V. Brig.) Singer
Agrocybe aegerita frecas

O Agrocybe aegerita, tamén coñecido cos nomes científicos Agrocybe cylindracea e Pholiota aegerita,[1] é un fungo pertencente ao xénero Agrocybe. De orixe foránea, aparece en Galiza[2] en formacións de chopos e umeiros, polo que se coñece vulgarmente como cogomelo dos chopos[3]. O seu apoxeo galego é polo mes de novembro.

Descrición[editar | editar a fonte]

Pertence aos fungos das podremias brancas sendo un agárico de mediano tamaño, cun chapeu moi aberto e convexo, case plano, cun diámetro de 3 a 10 cm. Por baixo, ten moitas placas esbranquizadas radiais adherentes ao pé, que despois se tornan nunha cor cinsenta apardazada; e esporas lixeiras e elípticas de 8-11 por 5-7 micrómetros. O pé, branco e fibroso, adoita ser curvo, cun anel membranoso na parte superior, que axiña se torna nunha cor tabaco por mor á caída das esporas. Cando o cogomelo é novo é dunha cor vermello apardazada, tornándose despois nunha cor parda clara, máis ocre cara o centro e máis abrancazada cara os bordos do chapeu.

Hábitat[editar | editar a fonte]

Desenvólvese nos tocos, toros e buracos dos troncos de árbores como os chopos e os umeiros. Cultívase e comercialízase no Xapón, Corea, Australia e na China.

É unha importante e valiosa especie, que posúe variedades con metabolitos secundarios bioactivos como os derivados indólicos con radicais libres de actividade secuestradora, de propiedades anticanceríxenas e antifúnxicas[4].

Notas[editar | editar a fonte]

  1. Mariano García Rollán, Cultivo de setas y trufas, pg. 167, MUNDI-PRENSA (2007), ISBN 84-8476-316-1 (en castelán)
  2. Web da Agrupación Micolóxica de Galiza - http://www.azarrota.org/index.php?option=com_content&task=view&id=62&Itemid=74
  3. VV.AA. (2012): Dicionario de alimentación e restauración, pax. 81. Termigal. Xunta de Galicia. Real Academia Galega. ISBN 978-84-453-5056-0
  4. Jian-Jiang Zhong, Feng-Wu Bai, Wei Zhang, Biotechnology in China I: From Bioreaction to Bioseparation and Bioremediation, vol. 1, pag. 102, Springer (2009), ISBN 3-540-88414-9