Cantarela

Este artigo trata sobre un cogomelo, para a peza musical, véxase cantiga.

A cantarela ou pan de cabra (Cantharellus cibarius, do latín cantharellus, diminutivo de cantharus –i ‘vasilla’) é un fungo basidiomiceto da familia Cantharellaceae. É un cogomelo moi apreciado polas súas calidades culinarias. Os cataláns denomínano rossinyol. Atópase entre as coníferas e árbores planifolias, na maior parte dos casos á sombra de aciñeiras, corticeiras e carballos. É un ingrediente moi empregado na gastronomía europea. Tamén se lle chama cantarelo ou cacafina.

Características

Cantarela ou pan de cabra

A súa cor non é característica, pois depende moito do terreo onde naza, podendo ser entre alaranxada e amarel esbrancuxada. O sombreiro é moi variábel e irregular e pode chegar a 10 cm.

Usos gastronómicos

Pódese comer incluso cru, mais adóitase guisar e son aptas para secar ou salgar, consevándose perfectamente. A cantarela ten pequenas trazas de amanitinas, pero en cantidades que non son prexudiciais para o noso organismo.

Cogomelos parecidos

Pode confundirse co Hygrophoropsis aurantiaca, que é un cogomelo comestíbel, mais hai outro cogomelo similar que é velenoso, o Omphalotus olearius.

Véxase tamén

Outros artigos

• Cantharellus (xénero)

Ligazóns externas

• Ficha asturnatura.com